Ausgabe: Titelaufnahme in DRQEdit. Dort auch weiterführende Literatur.
Angaben der digitalisierenden Bibliothek: BSB-Eintrag.
Moderne Edition: Rhetorica deutsch. Rhetorikschriften des 15. Jahrhunderts. Herausgegeben von Joachim Knape und Bernhard Roll (Wiesbaden 2002). Darin: Ordnung des Gerichts. Hrsg. von Bernhard Roll. S. 289 — 321.
Ältere Edition 1837: Quellenangabe des Deutschen Rechtswörterbuchs
Die Transkription ist nach dem Exemplar der Bayerischen Staatsbibliothek vorgenommen und mit der Edition von B. Roll verglichen worden. Die von Roll eingefügte Gliederung des Textes wurde hier (in eckigen Klammern) übernommen.
[1] JN dem name{n} d{er} heÿligen vn{d} vnteilper{e}n
triuaͤltikeÿt Amen ¶Von ordnung ze re
den / vn{d} beſunder zuͦ an gedingtem freünt-
lichem rechten So woͤllen alle die / die in
diſem puͦch leſen / auff mercken / was ſÿ
leſen / vnd nicht ſorgen wa das geſchri-
ben ſtande / od{er} wer das geſeczt hab De{n}n
ſoͤliche allegaciones / das iſt anzeÿgen
wa ÿedes grüntlich auß gee / nit von vn
wiſſen des tichters ſunder vo{n} kürcze vn{d}
verkerens wegen auß gelaſſen ſind / vn{d}
nach volgen dem meÿſter Seneca · Non
cura quis dicat {etc.} Nit acht / wer / ſunder
waz geſeczt werde · Et roſa ex ſpinis or-
ta nequaquam plaſphematur Vnd als
ein wolſchmaͤckende roſa auß eine{m} gro-
ben doren nit v{er}achtet würt Alſo würt
auch ein guͦte lere von eine{m} ſchlechten me{n}
ſchen auß gangen in des weÿſen men
ſchen gehoͤrde nit verachtet ·
[Seite: 2] => Faksimile
[2] Als eins ÿeden fürſichtige{n} / alſo eins ÿe
den außſprechers oder getichters / iſt die
ordnunge Vnd ein ÿede ordnung würt
geſchickt in ein ende Quia finis {con}cludit
omnia· Dan{n} das end beschleüßt alle ding /
A fine ecia{m} o{mn}ia deno{m}i{n}anda ſunt Es ſind
auch alle ding nach de{m} ende ze benennen
Et qualem te inuenio / tale{m} te iudico Vn{d}
welche{n} ich dich finde / den ſelben vrteÿl
ich dich {etc.}
Darumb ſo ordiniere ein ÿed{er} redner vn{d}
tichter in ſeine{m} gemuͤt das e{n}nd ſeiner red
vnd getichtes · Vnd iſt zweÿerleÿ e{n}nde
Propinquus {et} remotus Nache vn{d} verr
oder endtlich e{n}nd Nache / als ein ÿede re
de oder begerung hat ein e{n}nde Daz verr
oder endtlich ende / iſt die beschlieſſung ·
[3] Ein harpffer oder ſpilman hat vier eÿ-
ge{n}ſchafft: Des erſten macht er ein p{rae}a{m}bel
[Seite: 3] => Faksimile
oder vorlauff / das er die leüt im auff ze
mercke{n} bewege ¶Darnach macht er guͦt
vnderſchidlich tact vnd menſur / das er
dÿe vorbewegten froͤlich vn{d} vnuerdroſ-
ſen mache ¶Darnach begert er gabe
die würt im gewonlich / als er guͦts od{er}
arges gemacht hat Darnach behellt er
dÿe gab
Alſo ſol ein ÿeder redner / die vier eÿge{n}-
ſchafft auch an im haben · ¶Zuͦm erſte{n}
ein vorred ze tuͦn / mit züchtigen / ganczen
verſtäntlichen wortten / nach geſtalt der
perſonen / in ze hoͤren begeren {etc.} ¶Dar
nach ſein klag / meldung / oder begeru{n}ge
kurcz / lawter vnd bewaͤrlich / dar ſeczen
Kurtz · Dann lange wort od{er} geſchrifftt
macht verdrieſſe{n} Lauter / dann verdeck
te wort machen irrung · Bewaͤrlich / dz
dein klage oder begerunge bewaͤrt oder
[Seite: 4] => Faksimile
gerecht ſeÿ Nach dem er alſo geredt vn{d}
fürpracht hat / ſo bitt er / dz darauff zim
lich vnd gepürlich iſt· Vnd was im da{n}n
geantwurt gegeben od{er} geſproche{n} würt
Das behellt er ·
Welcher daz recht ſuͦchet / der ſol sein ve
ſte / weÿß / vn{d} greẅliih od{er} ernſtlich Jus
quere{n}s ſit firmus · ſapie{n}s atque crudelis.
Nichts darinne nach geben ·
Sich alle weg wol vnderrichten vnd be=
dencken / dz er ſein anfang mittel vn{d} e{n}nde
geleich auff einander ſecze {etc.}
Laß im ſeine wort oder ſchriffte nit ver-
fachen / verennder{e}n noch verkeren
[4] Gibe vnd lege zuͦ eine{m} ÿede{n} ſein p{rae}dicat
dz iſt titel / des ſtands Alz [4.1] aim Roͤmiſche{n}
[Seite: 5] => Faksimile
keÿſer od{er} künig Allergenaͤdigiſter dur
chleuchtigiſter Großmaͤchtigiſter fürſte
vnd herre / eẅr keÿſerlich oder küngliche
maieſtat {etc.}
Eine{m} erczherczogen ¶Durchleüchtigiſter
fürſt vnd herre / eẅr fürſtliche genade {etc.}
Einem Marggraffen oder ſchlechte{n} her
czogen Durchleüchger fürſte vnd herre
eẅr fürſtlich genade {etc.} ¶Eine{m} Grafen
von herczogiſchen ſta{m}m Hochgeporner
Eine{m} ſchlechten grafen Wolgeporner
vnd ÿedem: eẅr genad ¶Einem freÿen
Edlen ¶Eine{m} ritter Strengen ¶Eine{m}
edlen turnierer Fro{m}men vn{d} veſte{n} ¶Eine{m}
ſchlechten edelman Veſten vn{d} erberen
Einem Burgermeÿſter vn{d} rate Fürſich
tig Erſamme / erber vn{d} weÿſe Darnach
die ſtat ist ¶Eine{m} pawren Beſcheide{n}
[4.2] Einem Bapſt · Aller heÿligiſter vater
eẅr heÿligkeÿt ¶Einem Cardinale
[Seite: 6] => Faksimile
oder patriarche{n} / od{er} Erczbiſchoff · Hoch
wirdigiſter in got / vater vnd genädigi
ſter herre / eẅr vaͤterlich od{er} fürſtlich ge-
nade ¶Einem Bischoff oder gefürſten
abbte des reichs · Hochwirdiger fürſt ge
naͤdiger herre Sprich / ein gefürſter apte
des reichs Da{n}n nit ein ÿeder geinfulier-
ter abbte ist gefürſtet / ſunder die / die ire
regalia als ander fürſten / habe{n} Dz ſint
die vier Ampte / lehen / gerichte / gejaͤgde
¶Einem abbt Tumprobſt Techant · Er-
wirdiger genaͤdiger herre ¶Einem do-
ctor · Hoch gelert oder wolgelert
Einem prieſter · Erſam {etc.}
[5] Rede mit der zungen / nit mit den hende{n}
Halt dein haubt ſtaͤte Red ſenfftmuͤticli
ch mitt mitler ſty{m}m / quia diſcrec{i}o eſt ma
ter v{ir}tutu{m} Da{n}n zucht vn{d} beſcheide{n}heit iſt
[Seite: 7] => Faksimile
ein muͦter d{er} tuge{n}t · Vnd alz verr er mag
ſo ſecz zuͦ ſeiner rede etlich beÿſpil oder vr
teÿl / den{n} dar durch würt er ſere gelobet
vn{d} weis gezelt Er zeücht auch die auff
mercker da mit an ſich Vnd iſt / dz er mer
de{n}n ein vrſach hat / ſo ſecz die treffenlichi
ſten ze letſt · Da{n}n gewonlich dz letſt dem
menſchen vernaͤmlicher vn{d} einfaͤlliger
iſt ze behalten/ denn das erſte
Laß ſeinen widerteÿl auß rede{n} Redet er
ÿchtz / das er bezeügen woͤll / ſo ſprich nit
mer den{n} proteſtor od{er} proteſtamur Jch
bitt eüch des ze gede{n}cken / oder wir bitte{n}
eüch {etc.} Vnd vor alle{n} dingen / laß ſich nit
erzürne{n} Vermerck behe{n}d Gib nit ſchnell
antwurt Da{n}n Sit omnis homo velox
ad audie{n}du{m} Ein ÿeder me{n}ſch ſeÿ behend
ze hören Aber traͤg ze reden vn{d} zuͦ zoren
[Seite: 8] => Faksimile
wann der zoren des ma{n}nes würckt nit
dÿe gerechtikeÿt gottes
[1] Gericht iſt ein werck / da dreÿ p{er}ſon
zuͦ ſamen kommen in rechte / dz iſt
ein Richter / ein klager / vnd ein antwur
ter / vn{d} heißt in latein Judicium ·
RJchter iſt einer der die fürprachte{n}
ſachen vnderſcheidet / od{er} enntlich
vrteilet vnd richtet · Vnd heÿßt Richter
von der gerechtikeit / als ein recht richter
Dann / wen{n} er nit recht richtet / ſo heißt
er kein richter Vn{d} heißt zuͦ latein Judex
Vnd ſind dreÿerleÿ richter Ordinarius
ordenlich richter / die haben eÿgen gerich
tes zwang · Als Baͤpſte Keÿſer künig
[Seite: 9] => Faksimile
Biſchoff fürſten Proͤbſte Dechant Voͤ
gte vn{d} burggraffen {etc.} Delegatus Na-
ch geſaczt Richt{er} die ſich geprauche{n} eins
empfolhen gerichtszwangs / alz die Co{m}
miſſari eÿns bapſts oder eÿns keÿſers
Arbiter Verwillkürt Richter / auff dÿe
bed teyl ſich mit willen vereinen als du
rch compromiß oder anlaß · Vnd wenn
ein ober ordenlicher richter / ſeinem com
miſſari vn{d} nach geſaczte{m} richt{er} / gewalt
gibt ander richtere auch nach im ze ſecz-
en vnd ſubdelegier{e}n Die heiſſend ſubde
legati
Aduocatus oder patron{us} Einer der
ein ſach beschirmet Alz ein anwei
ſer Ein verleÿmter das iſt infamis Ein
plinder / das iſt cecus Ein knecht / daz iſt
ſeruus Ein münch / dz iſt monachus Ein
kind / das iſt puer Ein geregelter chorhe
rre Das iſt Canonicus regularis · Ein
[Seite: 10] => Faksimile
prieſter / das iſt / ſacerdos · Sol ir keiner
Aduocat / patron noch anweiſer ſein / de{n}n
ein münich oder korherre / in ſachen irer
kirchen / vn{d} von gepot irer aͤbbte vn{d} obe
rer / dÿe mügen aduocaten ſein · Ein prie
ſter mag in vier ſachen Aduocat ſein / in
ſeiner eÿgen ſach Jn ſeiner kirchen ſache
Jn ſeiner naͤchſten freẅnd ſache / vnd in
einer ellende{n} weÿßlosen perſon ſach / als
einer witiben / waÿſen / oder lamen ·
Aſſeſſor Einer der beÿ eine{m} richter
ſiczt / vnd in vnderweÿßt / ob der
richter nicht ſchrifft weiß iſt / der heyßt ein beÿſiczer ·
Procurator Gewalts haber Einer d{er}
von gepot oder lieb ſeins herren oder guͦ
ten freẅnds / eine oder mer ſach ze klage{n}
oder ze verantwurten / oder zuͦ in beÿde{n}
an ſich oder auff nÿmpt · Ritter / frawen
[Seite: 11] => Faksimile
Paͤmig Jn aͤcht oder aberaͤcht / kind / pau
ren ſüllen nit gewalthaber ſein Vnd dz
merck / alz ſtaͤtig procuratores / oder wei
bel eins gerichts
Auditor einer der dÿe ſach gar oder
ein artickel / als zeügen / oder ein krancke{n}
durch befelchnus eins richters / verhöret
vnd heißt ein verhoͤrer oder Co{m}miſſari
Notari Offenſchreiber beÿ de{m} rich
ter Gericht / klager / antwurter / zeẅgen
Aduocat / procurat / oder Auditor / ze ſein
ſteet in gewonheit vn{d} ordnu{n}g des la{n}ds
Actor ein klager ¶Actores / vil clager
Reus ein antwurter Rei vil antwurt{er}
Teſtis / ein zeẅg ¶Teſtes vil zeẅgen
Vnuerſcheÿdenlichen / daz iſt inſolidum
Juriſdictio ¶Gerichtszwa{n}g
Subſtituere procuratores ¶Ander ge-
waltshaber ſeczen
[Seite: 12] => Faksimile
[2.1] DEr Richter ſol dem antwurter für
bieten auff ein genanten tage vnd
zeit Vnd als er kompt Jm des klagers
begerung / das iſt libell ſchrifftlich geben
Darauff im der antwurter ein bede{n}cke{n}
nÿmpt / ſich mit dem klager guͤtlich ze v{er}
tragen / oder rechtlich mit im ze krÿegen
Vnd als das bedencken geendet / vn{d} die
ſach guͤtlich nit vertrage{n} iſt / ko{m}men bed
teil wider für gerichte Vnd hat der ant
wurter nit außzüg / da mit er dem gerich
te entweichen müge / ſo ſol er dem klager
antwurten Daz iſt ſein beke{n}nen oder lau
gnen Vnd ſoͤlich bekennen oder laugnen
heißt litis conteſtacio Des krieges oder
rechtens an dingung Vnd ſich ſÿ alſo ge
gen einander angedingt haben / ſo ſol der
Richter von in nemen den eÿd calumnie
[Seite: 13] => Faksimile
das iſt v{er}meÿden alle falſcheÿt Darnach
auff den eÿd / ſÿ fragen vn{d} v{er}hoͤren nach
notdurfft vmb die haubtſach Nach dem
articulierend beid teile / vn{d} mache{n} repli-
cacio{n}es / widerred / excepciones außzüg
Dupliciere{n} / triplicieren / quadrupliciere{n}
Das ſind ſchrifften oder rede / da mit ei-
ner dem ander{e}n / ſein allegacion / vrſache
einred oder anders prechen will / nach de{m}
vnd die ſach groß oder klein iſt / vn{d} ÿed
es teÿls notdurfft eÿſchet. Es laÿtendt
auch die teile auff das ir gezeẅge{n} briefe
vnd alle ir notdurffte / vn{d} geben Jnter=
rogatoria / das ſind eines teÿls artickel
Darauff man des ander{e}n teÿls zeẅgen
auch fraget Nach dem allem werden ge
offnet der zeẅgen ſage / in gegenwürti-
keÿt beider teÿle / dar zuͦ ÿeder teyle ſein
not praucht vn{d} redt Alz da{n}n beſchlieſſe{n}t
[Seite: 14] => Faksimile
baid teile / vnd ſeczend das zuͦm rechten
So ſol ſich der richter gnuͦgſamliche{n} vn
der weÿſen vn{d} die ſache{n} entſcheide{n} mitt
ſeiner vrteÿle / von der / ob ſÿ nit gerecht
iſt / ÿetweder teile ſich beruͤffe{n} / vn{d} appel-
lier{e}n mag [2.2] ¶Die Ordnung iſt begriffen
Judex primo reu{m} citat · et poſt hoc liber
illi fertur Et inducie dantur de re que pe-
tita · Lis co{n}teſtatur / ſequitur calu{m}nia par
tes · Quera{n}tur teſtes / ac inſtrume{n}ta ſe=
quantur · Producti manifeſtentur ſuper
hÿs placiture Diffinitiua poſt hec ſente{n}
cia detur · Que mala ſi fuerit / dat{ur} appel=
lacio partis
[3.1] [3.1.1] CJtacion oder fürgepot iſt ein ane-
fang einer ÿeden ſach Alſo dz nach
innhalt d{er} geſaczte{n} rechte / die ſach durch
die citacz vnd fürgepot an gefange{n} iſt ·
Vnd waͤr / dz ſich ÿema{n}t nach de{m} fürpot
[Seite: 15] => Faksimile
ſeczen vn{d} ziechen woͤlt dz hatt nit krafft
Dann in das fürpott begriffen vnd für
ko{m}men hatt vn{d} iſt ſchuldig vmb die ſach
allda zeantwurten
Vnd man ſol vnd mag einem ÿeden ze
dreÿe{n} male{n} vmb ein ſach fürpiete{n} ÿeds
mals ze xiiij· tagen Doch iſt beſſer vnd
gewiſſer ma{n} ſecz vn{d} benenne im / in einer
citacion dreÿ tag Als xlv tage / xv für de{n}
erſten / xv für den ander{e}n / vn{d} xv für den
dritten vn{d} letſten rechttage / vn{d} dz heißt
citacio peremptoria / ein e{n}ntlich fürpot
Vn{d} ein ÿeder nach geſaczter Richter ſol
die Conmiſſion im von ſeinem ober{e}n zuͦ
geſandt / in die citacion vnd ladung vo{n}
wort zuͦ worte ſeczen ·
[3.1.2] Der richter ſol nÿema{n}t citieren noch vr=
teil ſpreche{n} an gepote{n} feÿrtagen da{n}n es
[Seite: 16] => Faksimile
hat nit krafft Vn{d} iſt ze mercken / dz dreÿ
er leÿ feÿrtag ſind Sole{m}nes hochzeitlich
Dÿe in der ere gottes vnd der heÿligen
alt herko{m}men ſind Vnd an welchen / dÿe
prieſter dem volck loblich ſingen / predi=
gen vn{d} verkuͤnden Vnd ob die partheÿ
en darein verwilligten / dennocht hat es
nit krafft Ruſtice Pawre{n} feÿrtag Die
von nucz vnd notdurfft wegen d{er} me{n}ſch
heÿt herpracht ſind als die zeit d{er} aͤrend
vnd des wy{m}mets Doch wenn die par=
theÿen das verwilligen / ſo hat es krafft
Repentine ſind nit in gewonheit Als da
ein fürſt den tag ſeiner gepurt eret oder
der gepurt ſeins ſuns / oder dem ſÿg ſein
er veinde
[3.1.3] KOmpt vnd erſcheint der antwur
ter nit So heißt er vngehorſam
das iſt contumax · Vnd dann ſol der
[Seite: 17] => Faksimile
Richter auff des klagers begere{n} / richten
über in / Als über ein vngehorſame{n} mit
dem pann / oder ſunst nach geſtalt d{er} ſa-
chen Jſt im anderſt das fürgepot recht-
lich verkünndt / vn{d} we{n}ndet in nit eeha=
ffte not Das iſt vngeuarliche faͤngknuß
Siechtumb / der weder zuͦ kirche{n} noch zuͦ
ſtraſſe mag geen / vnd herren not / Vnd
wilde waſſer / vnd der beÿ dem land nit
waͤre ongefarlichen
Declinare forum · Heÿßt die ſach in ein-
ander gericht ziechen
Defendere ¶beſchirmen
Reſpondere ¶antwurten
Immutare procuratores Die redner v{er}
wandel{n}n ¶Proceſſus ¶gerichtzhandel
Inhibicion ¶verpottbriefe ·
Non comparere ¶nit erſcheinen
Comparere ¶erſcheinen
[Seite: 18] => Faksimile
Accuſare ¶verſagen.
Accuſare contumaciam · dÿe vngehor
ſamm beklagen
[3.1.4] Erſcheint aber der antwurter / vnd der
klager auß pleibt So ſol er warten / vn{d}
geÿt man im ein expectancz / vn{d} ſol im d{er}
klager die ſchaͤden abtuͦn Vnd ſol bege
ren in der clag / vn{d} des gerichts ledig ze
ſprechen Darnach vnd die ſache geſtalt
vn{d} groß oder klein iſt ·
Interpellare Da ein teil ein / fürpot od{er}
an züge zuͦ erlengeren durch eehafft not
von dem gerichte / zuͦ rechter zeit erlangt
vnd das dem widerteÿl verkündet / vn{d}
ander tag benennt ·
Prorogare · Da ein obroſter richter ein
genad / freÿheÿt oder auffſchlage einer
ſach erlengert ·
[Seite: 19] => Faksimile
Suſpendere / da man ein ſach oder recht
auffſchlecht
ERſcheint aber der antwurter vnd
gepüret im außnemu{n}ge / daz iſt ex
cepciones oder einrede / die ſol er tuͦn / ob
er will Vnd außnemu{n}g / das iſt excepc{i}o{n}
iſt zweÿerleÿ Eins heißt dilatoria Du-
rch die allein die ſach verzogen vnd nit
geendet württ Als da d{er} antwurter auß
nÿmpt / daz iſt excepiert wid{er} den richter
Daz er verleẅmpt Jm ba{n}ne Jm arckwoͤ
nig oder ſein veind / vn{d} villeicht des kla
gers freünd ſeÿ {etc.}
Deßgeleichen wider den klager / od{er} ſein
gewalthaber / od{er} den gewaltzbrieff / dz
iſt procuratoriu{m} oder mandatu{m} / oder wid{er}
den gerichtszwang / od{er} wid{er} die co{m}-
miſſion oder citacion {etc.} Vnd we{n}n er die
hat / ſo würt er nit mer / de{n}n des gerichts
auff das mal ledig / vn{d} nicht der klage ·
[Seite: 20] => Faksimile
Das ander heißt · Excepcio perempto-
ria die die klag vn{d} die meÿnung des kla
gers daͤmpt vnd nid{er} truckt Alz da einer
anklagt würt vmb eÿn ſchuld · Er ant-
wurt alſo Jch bin vnlaugen / ich bin dir
dz ſchuldig geweſen / du haſt mirs aber
nach gelaſſen / oder ich bin mitt dir ver=
taͤdinget oder eins worde{n} / das du mich
darumb nit rechtfertigen noch an lang
nen ſolt / vnd als er das kund macht / ſo
würt er der klage vnd des gerichts le=
dig geſprochen ·
[3.2] [3.2.1] Hat aber d{er} antwurter der obgeschriben
außnemung keine / da mit er die ſach da{n}
nen noch ab im ſchÿeben müge So iſt er
ſchuldig dem klager ze antwurten / vnd
ſol im die klag geſchriben geben werden
alz durch vnd in aim libelle Das ſol der
klager / iſt es ein ſach die man billiche{n} in
geschrifft geÿt von ſtund an dem richter
[Seite: 21] => Faksimile
vnd als den{n} der richter das / vn{d} dar zuͦ
xx. tag dem antwurter geben Jn den er
ſich bedencke / ob er der klage weÿche{n} / od{er}
der widerſteen woͤlle ·
Vnd ſol gar / clar / ſchlecht vnd lauter ge
machet ſein Das der antwurter gar eÿ-
gentlich verſteen müge / warumb er an-
gelanget werde Wa es nicht alſo waͤre
ſo mag man darein reden / vn{d} iſt im nit
ſchuldig ze antwurten Als lang biß das
alſo gemacht würt Vn{d} mag d{er} antwur
ter de{m} klager vmb ſoͤlich ſaͤumſal in vmb
[Seite: 22] => Faksimile
ſein expenß vnd koſte ze ſprechen Dann
der klager ſol mit gefaßtem ſchilte in dz
recht ſteen
[3.2.2] Jtem es iſt groſſer vnd{er}ſchÿd in den kla
gen ze ſeczen nach dem ein klage vil mer
de{n}n die ander gefreÿet iſt Als vmb entſe
czung einer gewere on rechte Das heißt
Spolium Ein beſuͦche auff eines ander{e}n
grund vnd podem heißt poſſeſſorium
Vmb grund vnd podem heißt petitoriu{m}
Vmb ÿnzicht oder mißhandlung / heißt
actio iniuriarum Vmb miſſetat / heÿßtt
actio criminalis Vmb zechende{n} Actio de
cimarum · Vn{d} iſt auch groſſer vnd{er}ſchid
vnder den perſonen / dÿe gegen einander
in recht ſteend Dar von vil ze ſchreÿben
waͤre · Aber es iſt eÿnem laÿen ze ÿrrig ·
Darum{b} ſo ſol d{er} klager / ſich vor gar wol
mit weÿſen gelerten leuͦten vnderreden
vnd ermeſſen Jn welchen wege er ſein
[Seite: 23] => Faksimile
clage dar ſeczen vn{d} pringen müge Vnd
auch allweg an ſechen die landtlaͤuff vn{d}
gewonheÿt So mag auch der klager / zuͦ
zeÿten ſein klage von kürcze wegen nicht
in bibells weis / su{n}der per modum poſce
ſumarie / dar legen Daz hat alles besun
der forme Als den{n} die procuratores / der
geſaczt{e}n gerichte / beſund{er} formulari dar
zuͦ haben {etc.}
[3.3] [3.3.1] SO nun die .xx. tag vergangen / vn{d}
die partheÿen mit einander nicht
vereÿnt ſind So ko{m}men sÿ wider für ge
richte Vnd beke{n}net / oder laugent da der
antwurter dem klager auff dz bibell {etc.}
Vnd durch ſölich bekennen oder laugnen
würt die ſach erſt im rechten / rechtlich v{er}
fangen / vnd der kriege an gedinget / vn{d} heißt litis contestacio ·
Vnd iſt zemercken / dz alle obgeſchriben
[Seite: 24] => Faksimile
außnemung wider den richter / gerichts
zwange / den klagere / procurator / anwei
ſer / co{m}miſion / procuratoriu{m} od{er} citacion /
ſüllen beſchechen vor litis co{n}testacio{nem} Als
ÿecz gemelt iſt Dann sÿ werde{n} hernach
nit gehoͤrt / vn{d} habe{n} auch nit mer krafft
Mer iſt ze mercken / will der antwurter
von dem klager wider recht haben / das
heißt / reco{n}uencio Dz ſol er auch vorder{e}n
vor litis contestacionem Vnd wenn der
klager ſein libell übergebe{n} hat ſein libell
od{er} informacio{n} auch übergeben / ſo württ es ein rechtſacze / vn{d} miteinander zuͦ gen
Da{n}n taͤt er das nit / vor litis conteſtacio
nem So mag er daz nit mer tuͦn / biß des
klagers ſach vollenndt iſt {etc.}
[3.3.2] VOn ſtund als der krieg vn{d} die ſach
also co{n}teſtiert vn{d} i{n} recht v{er}fange{n} iſt
[Seite: 25] => Faksimile
So ſol der richter beÿde{n} teilen erkennen
vnd geben den eÿde Der da heißt Jura
me{n}tum calumnie Der ſtat alſo Der kla
ger ſol gelaube{n} / ſein ſach gerecht ſein / deß
geleichen der antwurter / vn{d} we{n}n er ge=
fragt / die warheÿt ſagen woͤlle / vn{d} ſich
keiner falſchen gezeügknuß geprauchen
noch behelffen / noch züge vn{d} taͤge dz die
ſach verzogen werd / beger{e}n woͤlle
Jtem ÿeder teil ſol ſchwer{e}n / dz er nichtz
geben oder verheiſſe{n} hab / noch v{er}heissen
oder geben woͤlle · Darumb das vrteÿl
für in gesprochen werd ·
Vnd welcher teÿl nit alſo ſchwere{n} woͤlt
der hat ſein / klagen / oder laugnen in der
ſach verloren Vnd der eÿde iſt darumb
erfunde{n} vn{d} auff geſaczt / dz die leüt ſich
wol bedencken / vn{d} nicht geringe ſchwe
ren / sich guͦt ſachen haben ze gelauben
[Seite: 26] => Faksimile
[3.3.3] Nach dem eide ſol der richter die par
theÿen forſchen vnd verhoͤr{e}n / vn{d}
süllen die aduocaten der partheÿen / dÿe
artickel / darauff man ÿeden teile fragen
ſol / machen / vnd dem richter geben Vn{d} soͤlich
artickel ſüllen das vorüber gebe{n} li
bell gar lauter erklaͤren Wie / warumb
/ was / wenn / wo daz beſchechen ſeÿ / wer
da beÿ geweſen ſeÿ / nach dem vnd dan{n}
dÿe ſach geſtalt iſt Vnd was alſo ÿeder
teil beke{n}net / das ſol v{er}zeichent vn{d} v{e}rſchri
ben werde{n} von den aduocaten Die auch
dar beÿ ſein ſüllend · Vnd alles das der
antwurter in recht beke{n}net vn{d} vergichtt
das wider in iſt / da mit iſt er erwunden
Wes er aber laugnet / das gepürt de{m} kla
ger ze weÿſen ·
¶Jnterrogare ¶forschen oder fragen.
Exāminare - ¶verhoͤren od{er] behoͤren.
[Seite: 27] => Faksimile
Confiteri ¶bekennen
Negare ¶laugnen
[3.3.4] Zemercken in welch wege eine{m} ſein ver
iechen vn{d} bekennen ſchade{n} bringe / oder
nicht
Einer der vnder .xiiij. iaren iſt / bekennet
er ÿchtz wider in / ſchadet im nichts
Einer der durch genoͤte forcht / ÿchts be
kennet ſchadet im nicht
Einer der auß irrung ÿchtz beke{n}net / vnd
moͤcht die irrung bewaͤre{n} / daz ſchadt im
nicht
Einer der ÿchtz beke{n}net / das mit im waͤ
re / gelaubt man nichtt
Einer der auſſerhalb ſeines widerteÿls
oder des ſelben procurators / ÿchts be=
kennet / ſchadt im nicht
Einer der nit gancz lauter bekennet Alz
wider in für gehallten würt / ſchadet im
auch nicht
[Seite: 28] => Faksimile
Einer der ÿchtz bekannte / das nit natür
lich waͤr / als das einer ſein ſun waͤr od{er}
lebend waͤre / vnd erfunde ſich / dz d{er} ſelb
zechen iar ellter dann er / oder tod waͤre
ſchadt im auch nicht
Ein edle oder fürgaͤnge perſon / die durch
irrung oder einfaͤltikeÿt ÿchts bekannte
vnd bewaͤrt anders / ſchadt ir nicht
Einer der ÿcht bekennt / von dem d{er} krieg
nit iſt / das ſchadt im nichtt
Vnd warumb kompt es offt / dz ma{n} die
partheÿen beid oder eine widerum{b} od{er}
anderbaid v{er}hoͤrt Darnach vnd die ſach
gestalt iſt / vn{d} das heÿßt reſumiert
Vn{d} iſt ze mercken / dz ſoͤlich obgemeltes
fragen vnd v{er}hoͤren der partheÿe{n} / münt
lich gen einand{er} nit allweg beſchicht / da{n}n
es iſt nit in einer ÿeden ſachen rechte / all
ein in den ſachen / dÿe die ſele an treffend
ſol man mund gegen mund v{er}hoͤren {etc.}
[Seite: 29] => Faksimile
So iſt es auch allenthalben nit gewon-
lich Dann mund gen mund / ſchrifft gen
ſchrifft
[3.4] [3.4.1] Nun iſt ze mercken / ob d{er} antwurter lau
gnet / wie der klager das pringen vn{d} er
weÿſen ſol
¶Probare ¶weÿſen
¶Probacio ¶weÿſung
Durch friſche oder ware kuntliche ta
te der geschichten Das heißt per euiden-
ciam facti Als ein ſchub od{er} da ein prie-
ſter kinder in dem hauß hat / daz geÿt vr
kund / dz er vnſtaͤt iſt / das iſt inco{n}tinens
Durch beſchawung des leibs / dz iſt per
aſpectum corporis Als vm{b} iungkfraw-
en vnd laͤmin vnd vmb wunden
Durch leÿmden / das iſt famam / alz mit
nachgepawren vnd gemeinem ruͦff / nit
mit haußvolck / eehalte{n} oder wenig per
ſonen / es ſol gemein vn{d} vil leüte{n} beruͤmt
[Seite: 30] => Faksimile
vnd kund ſein Durch aÿd ſchweren / dz
iſt per iuramenti dilati{onem} / als der klager
oder antwurter / ſein iehen oder laugnen
beſtaͤtt / ob es im erteilt würt
Per preſumpcione{m} Daz iſt / da einer auß
etwas geleÿchnuß / im in ſeinem gemuͦte
fürnÿmpt / dem seÿ alſo {etc.} Vnd iſt vier=
leÿ
Einer der einen man ſicht ſiczen od{er} ſten
beÿ einer frawen vnd mit ir rede{n} / der ſol
nicht arckwone{n} oder im fürneme{n} / dz er
von leÿplicher werck wegen mit ir rede
das heißt preſumpc{i}o temeraria / vn{d} tau
get nit im rechten
Einer der eÿnen ſicht nackentt beÿ einer
ligen / oder ſicht in offt vn{d} dick in ein ver
leÿmtes hauß geen / oder hoͤrt vil vo{n} im
ſagen / heißt preſumc{i}o probabilis / wie
wol das gar nachent beÿ dem zil iſt Ye-
doch ſol der richter darauff nit vrteÿlen
[Seite: 31] => Faksimile
Dann dÿe weÿſung ſol gar lauter ſeÿn
dz man fleiſch in fleiſch geſeche{n} hab Es
waͤr dann dz die zweÿ / die beÿ einander
waͤren / mit einander ze krieg kaͤmen / vn{d}
eins dem ander{e}n des beweÿſen / laugent
{etc.} / ſo hat es vnderschÿd
Einer der eine{m} ſeine pfand wid{er} geÿt / da
beÿ iſt für ze nemen / er hab in bezalt / vn{d}
[heÿßt] p{re}ſumpc{i}o viole{n}ta vnd beẅget de{n} Richter
dar auff ze vrteile{n} / es werd da{n}n anders
geweiſet ¶Ein fraw hat lange zeÿt
beÿ eine{m} ma{n}n willigclich gewonet / vnd
ſprach ſÿ waͤre nit mit irem wille{n} im ge
ben oder verheÿrat worden · Heißt preſumpcio neceſſaria / vn{d} taugt nichtt
Durch zeügen / dz iſt per teſtes Jn einer
ÿede{n} ſach ſeind gnuͦg zwen od{er} dreÿ zeẅ
gen die tauge{n}lich ſind · Quia in ore duo-
ru{m} vel triu{m} ſtat omne v{er}bu{m} Da{n}n in zweÿ=
er od{er} dreÿer munde beſteet ÿedes worte
[Seite: 32] => Faksimile
knechte / frawen vnder xiiij iaren / vnbe-
ſcheiden / buͤbiſch / toren / vnbeſÿnnt / ver
leÿmpt leẅte Armleüte / die offenlichen
nach dem almuͦſen geend / keczer / paͤnnig
aͤchtig / heiden / iuden / geſchwiſterget für
vnd vnder einander / gedinget eehalten
vnd dÿener für ir herrschafften Ein laÿe
wider ein prieſter / mügen nit zeüge{n} sein
[3.4.2] Zewgen darſtelle{n} ¶Producere teſtes
Die zeügen ſol ma{n} dar od{er} für ſtellen
nach litis co{n}test{ationem} / vn{d} ſo ma{n} zuͦ weÿ
ſung Zuͦ gelaſſe{n} / dz iſt admittiert / württ
vn{d} die zeüge{n} ſchwere{n} in beÿd{er} partheÿe{n}
od{er} ir p{ro}curator{u}m gagenwürtikeÿt / ÿeder
alſo Daz ich in d{er} ſache / daru{m}b ich für ge
richt ko{m}me{n} bin Jn zeüges weiſe ein war
heit ſage / alz ichs weiß vn{d} gefraget wü
rd Vn{d} dz nit laße wed{er} durch lieb / durch
laid / durch freüntſchafft / durch veint
ſchafft / noch durch keinerleÿ ſach willen
[Seite: 33] => Faksimile
Welcher teÿl interrogatoria / dz iſt / frag
zedel / geben will / der ſol daz alz da{n}n tuͦn
Vnd darnach nÿmpt der Richter ÿeden
zewgen in ſunderheÿt / einen nach de{m} an
der{e}n / das keiner den ander{e}n hoͤre / vn fra
get in / von wa{n}nen er ſeÿ / wie er heiß / wie alt
er ſeÿ / ob er citiert ſeÿ / ob er die partheÿ=
en kenne / ob er nicht an gelernt worden
ſeÿ / was er ſagen ſülle / ob er keinen teyl
ÿchts gewant ſeÿ / vn{d} ob er ÿedem teile
ſeins rechten günne · Vnd auff die artick
el vnd fragzedel vn{d} beschreÿbt gar orde{n}
lich ir ÿedes ſage / nach aller notdurfftt
Vn{d} beÿ dem verhoͤre{n} ſüllen die partheÿ-
en vnd aduocaten nicht sein
[3.4.3] Durch beſigeltt briefe / offen inſtrument
einer ſtat recht buͦch Ein ſalbuͦch Eÿnu{n}g
buͦch / dÿe bewaͤrt / gancz gerecht erkannt
in gemeiner forme geſeczt vnd gemacht
[Seite: 34] => Faksimile
von erber{e}n leẅte{n} redlich außgange{n} / vn{d}
auffgericht / vnd gancz vnarckwaͤnig
ſind an inſigel / an geſchrifft / vn{d} an alle{n}
ſachen
Vnd soͤlich zeügknuß ſol man in dz recht
legen vör offenbarung der zeẅgen ſage
Welche partheÿ des begert / die sol ma{n}
die brieff hoͤren vnd beſechen laſſen / vn{d}
abſchrifft gebe{n} / da mit sÿ dar wider re-
den vnd außnemen müg
[3.5] [3.5.1] Vnd we{n}n ÿeder teile sein zeügknuß
alſo dar gelegt hat / die v{er}mercket
vnd beſchriben ſind So ſeczet der richter
alz dann den partheÿe{n} tage ze offnen d{er}
zeẅgen ſage / das heißt publiciert So d{er}
ſelb tag erſcheinet / lißt man der zeẅgen
ſag beiden partheÿen offenlich · Dar zuͦ
bede partheÿ / vnd sunder die aduocaten
ir notdurfft vnd diſputaciones rede{n} vn{d}
ſagen vnd begeren die ſag in geschriffte
[Seite: 35] => Faksimile
vnd züg vnd taͤge wider die zeẅgen vn{d}
ſage / ze reden vnd excepir{e}n nach ir not
durffte
Welcher teile züg vnd taͤge oder anders
begerte / daz den ander{e}n teil bedeücht nit
recht vnd nicht mer dann verzieche{n} / dz
iſt / dilacio{n}es sein Der redte dar wid{er} / vn{d}
begert im das nitt ze admittier{e}n / ſunder
den weg ze vnderſtenge{n} / vn{d} ze verhalte{n}
das iſt precludere viam
Vnd wenn soͤlich einred vnd excepc{i}o{n}es
alſo ende haben / vnd ÿeder teile nit mer
reden noch fürpringen will / das zuͦ dem
rechten dienet So beſchlieſſend ſÿ / vn{d} ſe-
czend die ſach zuͦm rechten / vnd heißt co{n}cludere
[3.5.2] Darnach ſolt der richter die acta vn{d} für
prachten allegaciones / vnd haͤnndel / eÿ
gentlicheſt er kan vn{d} mag / beſechen vn{d}
iſt die ſach groß / weÿſer leẅt rate habe{n}
[Seite: 36] => Faksimile
vn{d} auff ein genanten tag / den partheÿ-
en verkünden / vnd dÿe ſachen mit ſeine{m}
endtlichen ſpruch / vnd vrteil entſcheide{n}
[3.6] Sentencia iudicialis Rechtliche vr-
teil / iſt entſcheidu{n}g / die den widerteÿlen
vn{d} kriegen ende auff legt / durch erk[l]aͤru{n}g
des richters beſchuldigung od{er} entschul-
digung innhaltend · Vnd iſt zweÿerleÿ
rechtlich vrteÿl ·
JNterlocutoria Vnderſchidlich vrteil iſt
die geſprochen iſt zwiſchen anfang vnd
ende der ſachen / nit vmb die haubtſache
Aber über die auffwallend vn{d} einfalle{n}t
frage Alz vmb libell ze geben od{er} ze ſtra
ffen / das iſt corrigier{e}n / züg vn{d} tag ze ge
ben / oder nicht / vnd deßgeleichen {etc.} [Seite: 37] => Faksimile
Enndtlich vrteil · Diffinitiua iſt dÿe
die haubtſach entſcheÿdet / beſchuldigu{n}g
oder entſchuldigung mit ſampt den ſchaͤ
den innhaltende
Die vrteil ſol gefellet werden von irem
richter / das iſt vor dem die ſach gehann
delt iſt / vnd für den sÿ gehoͤrt
Der richter sol die vrteil ſiczent / vnd nit
ſteend / an einer gewonlichen erber{e}n ſtat
in beder partheÿe beÿweſen / oder eines
vngehorſamen teils abweſen / in geschri
ffte leſen vnd geben
Vnd welicher teil beſchwaͤrt würt an d{er}
vrteÿl / ſÿ ſeÿ vnderſchidlich oder enndt
lich Der mag ſich da von beruͤffe{n} / dinng
en vnd appellieren [Seite: 38] => Faksimile
[3.7] Appellacio / das iſt Appellier{e}n / iſt be-
ruͤffen / vo{n} dem mÿnder{e}n zuͦ
dem merer{e}n richter / über ein vntauglich vrteil oder
beſchwaͤrnuß ·
Man ſol appellier{e}n / vo{n} dem mÿnder{e}n zuͦ
dem merer{e}n richter / vnd nicht herwider
Doch mag man von einem ÿedem welt
lichen richter / on alle mittel für ein keÿ-
ſer appellier{e}n Deß geleÿchen / von einem
geÿſtlichen richter für ein bapste ·
Jtem man ſol appellier{e}n / inner .x. tagen
den naͤchsten / vn{d} die vrteil gesproche{n} iſt
Jtem ma{n} ſol in geſchrifft appellier{e}n Ap
postel / daz iſt laßbrieff beger{e}n Dem wi
derteil vnd dem richter in xxx tagen / die appellacion verkünde{n} vn{d} copien geben ·
Darnach dÿe Appellacion in einem iare
an de{n} ober{e}n richter / für den er ſich beruͤf-
fet hat / pringen. [Seite: 39] => Faksimile
Der hat den{n} macht / die geſprochen vrteil
krefftigen vnd beſtaͤten / oder vnkrefftig
vnd übergeurteilt ze ſpreche{n} oder ze ſtra
ffen
Jtem vor dem ſelben / was nitt verhört
oder fürpracht iſt worde{n} / mag verhoͤrtt
vn{d} fürpracht werden
Jtem ein Bapſt oder Keÿſer mag auch
ein co{m}missari geben / dem er die appellaci
on / gar oder eins teils beuilcht
Jtem ob ein Keÿſer an der Appellacion
ſaͤmig waͤre Oder der / d{er} ſich beruͤfft haͤt
vn{d} der Appellacion / durch eehaffte nott
nit vervolge{n} moͤcht / in iar vn{d} tage / mag
im ein keÿſer geben erlengerung {etc.} vnd
heÿſſend phatalia
Jtem waz d{er} and{er} teil über ſoͤlich appella-
cio{n} vn{d} hange{n}d rechte angeſÿnte hat nitt
krafft / vn{d} beſund{er} ob er keinerleÿ neẅru{n}g
[Seite: 40] => Faksimile
machte Quia lite pendente nil debet in-
nouari Jn hangende{m} krieg ſol nichts er-
neẅet werde{n} Vnd heiſſend attemptata
Jm rechten sol nÿemant verkürczet wer
den Vnd darumb / ob ein procurat / oder
aduocat ein partheÿ geſampt Oder ein
er nach der concluſion / zeügknuß / brÿefe
od{er} ander ware vrkund erfunden haͤte / d{er} ſol widerumb zuͦ ſeinem rechten gelaſſe{n}
werden ·