⇭

Einband keyſerlich Lechenrechtbuch Bibliographische Angaben Staatsbibliothek Berlin: Titel: Reformatio Sigismundi. Ort: Augsburg Verlag: Lukas Zeissenmair Erscheinungsjahr: 1497 Umfang: 30 Bl. GW-Nummer: M42068 Bemerkung: Im Berliner Exemplar ist der hintere Teil von Zeissenmairs Buchumschlag (Aufnahme 84) vom zeitgenössischen Buchbinder auf die unbedruckte Rückseite des letzten Blattes aufgeklebt worden. Standort: Staatsbibliothek zu Berlin - Preußischer Kulturbesitz Signatur: 4° Inc 327a Kategorie: Historische Drucke, Inkunabeln, Rechtswissenschaft Digitalisierer : Staatsbibliothek zu Berlin - Preußischer Kulturbesitz, Germany Indexierungsdatum: Dienstag, 2. Juni 2020 Strukturtyp: Monografie Gescannte Seiten: 147 StaBiKat (ppn digital): 868846759 StaBiKat (ppn original): 868846759 Persistente URL: http://resolver.staatsbibliothek-berlin.de/SBB0001E09A00000000 Lizenz / Rechteinfo: Public Domain Mark 1.0 Public Domain Mark 1.0 METS Daten: https://content.staatsbibliothek-berlin.de/dc/PPN868846759.mets.xml Transkriptionsprinzipien Die Transkription wurde so genau als möglich vorgenommen. Aber jeder, der einmal einen solchen Text abgeschrieben hat, weiß, wie viele Fehlerquellen allein in der Person des Abschreibers liegen können. Daher ist es gut, dass der Transkription das Faksimile des Druckes beigefügt werden konnte und ein Blick in das "Original" Zweifel beseitigen oder bestätigen kann. Die üblichen Abkürzungszeichen wurden aufgelöst. Im Unterschied zu meinen früheren Transkriptionen habe ich die übergeschriebenen Buchstaben und auch das lange "s" übernommen, nachdem ich mich davon überzeugt hatte, dass die Suchmaschinen dabei kaum einen Fehler erzeugen. Kleine Druckfehler (umgedrehte Buchstaben etc.) habe ich korrigiert und in eckige Klammern eingeschlossen. Es wäre natürlich reizvoll gewesen, eine digitale Version der Ausgabe von Koller (1964) in den MGH zu versuchen. Aber dies ist bei der Komplexität des Variantenapparates eine ebenso wenig sinnvolle wie dankbare Aufgabe. Und die Onlineversion als PDF-Datei ist ja auch durchsuchbar. Klagenfurt am Wörthersee, im Januar 2022 Heino Speer

	⇭	[Titel] Die Reformation So der aller durch leüchtigeſt. Großmechtigiſt fürſt vnd herr. herr. Sig mund. Roͤmischer. Keyſer zuͦ allen zeyten merer des reichs .etc. Jnn dem nechſten. Conclien zuͦ. Coſtentz die Criſtenlich kirchen Jn beſtetige ordnung zů pringen für genomen hett. Darumb dann das vermelt. Con- cilium derzeit angeſehen. wie hernach von wort tzuͦ worten aygenlichen volget.
	⇭	[Bild] Vgl. Schramm, Albert; Möller, Maria [Hrsg.] Der Bilderschmuck der Frühdrucke (Band 3): Die Drucke von Johann Baemler in Augsburg — Leipzig, 1921 Nr. 478 = Tafel 68 = Seite 102 https://digi.ub.uni-heidelberg.de/diglit/schramm1921bd3
	⇭	Hie nach volget die. Reformacion So der aller durchleichtügiſt groß mechtigiſt fürſt vnd herr. herr Sig mund Römiſcher keiſer zuͦ allen zeiten merer des reychs zuͦ. Vngern vnnd Beheim .etc. Künig. Jn dem nechſten Concilien zuͦ Coſtnitz. die criſtenlich kirchen jn beſtetige ordnung zuͦ bring en fürgenomen hett. darumb dann dz vermelt concilium der zeit angeſehen Vnd darzuͦ Babst. Kayser all gaiſt= lich vnd weltlich. Kurfürſten. fürſten Grafen. Freien Herrn. Ritter vnnd Stett berüefft wurde .etc. Wie die ſelb reformacion von wort zuͦ worten aigenlichen hie nach volget. Anfah ende. Almechtiger gott schoͤpffer hym= els vnd des erd= treichs gib kraft vnd thuͦ gnad gib weißhait zuͦ vol bringen nach der aller ſeligeſten ordnung zuͦ haben geiſt lichs vnd weltlichs ſtandes in der dein heyliger name vnd gotheit bekennet werd. wann der zorn iſt offen dein vn= genad hatt vns begriffen. wir geen als die ſchoff on ein hirten. O herre wir geen in deyn wayde on vrlaub Gehorsamkeyt iſt tod. gerechtikayt leidet not. nicht ſtet in ſeiner rechten ordnung. Deuiat ab ordine totum quod mouetur. labitur exoritur viri= bus doletur. Hirum vnder zeücht vns gott ſein gnad vnd pillich wan wir überſehen ſeine gepot wann was er gepoten hat daz wirt leichtiklich ge= halten on alle gerechtikeit. Aber eins ſol man wiſſen das es nit mer wol geen mag man habe dann ein rechte ordnung des geiſtlichen vnd weltlich en ſtattes. wann die ſteen ploß on alle lydmaß. Darumb ſind ermant des erſten alle jr edlen reichſtet wan daz haubt iſt zuͦ kranck. die geyſtlichen vnd weltlichen heübter laſſen vallen was in von got enpfohlen iſt. vnnd wenn man es recht anſicht ſo ſteet es nur an den reichſtetten. wann die ſch leiffen vnd nit wachten ſo wer die cri ſtenheyt gots vnd aller ſeiner gnaden enpfremdet. vnd wer alles recht tuͦn gott vnmer. wann goͤtliche ordnung erloſchen ſtet. darumb niemandt tzuͦ ermanen iſt dann allein die reichſtett Die hoͤchſten heübter ſind nitzuͦ er manen wann sy haben das vnrecht jnn mit gewallt. Vnſer herr der kayſer oder künig mügen jre ſtat nit mer be= halten. Der hochwirdig ſtat iſt ab ge zogen dem reich von den kurfürſten vnd das vnſer reych kranck ploͤd vnd ſchwach iſt. Darumb jr edlen reich= ſtett ſind ermant bey got dem vater bey jheſu criſto. bey ſeinem roſen far= ben pluͦt dz er durch vns vergoſſen hat. Dz jr anſehent wie wir von got gefreiet ſeyn wie wir vns halten ſoͤl= len wie alle ordnung kein glidmaß hat die recht ſey. Thuͦt dar tzuͦ als jr dz oͤberſt glid ſeyt auf die in diſer zeit die criſtenhayt wol gepauen iſt. Jr ſüllent wiſſen wie das heilig concili zuͦ geſamnet iſt. Es ſol do ge= ſchechen ein reformacion der weltlichen vnd geiſtlichen heübter woͤllen ſich
	⇭	an vil ſtucken ſperren. ſy woͤllen dz vn rechtt nit laſſen vallen als jr hoͤren werdent her nach in der reformacion Aber eins sol man eigenlich wiſſen dz der gepreſt ligt an der criſtenheyt vnd wie man in gewenden müg der fund iſt gefunden von den genaden gotes das aller gepreſt leichtiklich gewen= det wirt. wer got vnd den heiligen criſtenlichen gelaben getrew will ſein. Aler gepreſt ligt groͤßlich an zwaien ſtucken. An den gey ſtlichen ligt groſſe ſimoney das iſt als vil als wůcher. die ſelb ſi= money hat allen geyſtlichen ſtat ver= gifft. An den weltlichen ligt der geitz der alle fruntſchafft zertrent vnd auff ſetz vntrew vnnd vil vnrechtes dar von auff ſteet Nun ſimoney vnd geitz auf gewachſſen ſind. Jr herrn ſimo ney iſt auf geſtanden. Des erſten in des pabſtes hoff als ich eijch ſag Es iſt bey zwayhundert jaren dz der hoff eines papſtes wol ſtuͦnd in guͦter ord nung als er geordnet was Des erſten von dem keyſer, Conſtantino vnnd bey Sant Silueſtro, vnnd ward das patrimonium ſant. Peters der heligen kirchen wol auß gezaichnet das der hoff vnd alle cardinal erlich beſtunden vnd noch heüt bey tag er= lich vnd wol ſten mügen. Von dem patrimoni ſolt der pabst ein tail ha= ben vnd die cardinal zwen tail. Was dz patromony ſant peters ſei. ¶Jtem von Antonicano. Jtem von. Spoli cano. Jtem von Nappels. Jtem von Parüß. von. Verrer von Poloni vnd von andern her ſchafften vnd graff ſchafften. wann ſy mit trewen der heyligen kirchen vereinet wurdent ſo geuielen mer dann zů fünff malen hundert tauſent kamer guldin dauon Jtem darzů Cilij. Auion vnd menige herrschafft dar tzů das auch menig hundertt tauſent guldin machte da mit der hoff eines pabſtes erlich auß gericht wurde noch heüt beytag wil es was angeſehen dz die heilig kürch kein betrübniß haben ſolt das alle ding vom hof erlich erworben wur den vnd man kein gotzgab als die ſa crament ſind vnd die pfründen den lauter gelichen vnnd gegeben wur= den in genaden. als gotes mainung da er ſpricht. Gratis acceptiſtis gra= tis date.. Jr habt es vmb ſunſt beſeſ ſen ſo gebet es auch vmb ſunſt. Nun muͦß man yetz von der penitentz den ap plaß der ſünden ſchwerlich bezalen das iſt vor got rechte ſimoney vnnd ſünd. Jtem in der correctorey. des gl eichen in der cantzley- nicht geet von hof vmb ſunſt. das alles iſt wider die ordnung der criſtenhait. Das haben nun die biſchoff auch begriffen vnd iſt kummen vom pabſt piß an den mynſten ¶ Von der Simoney. ITem wie ſimoney vnder den geiſtlychen auf geſtanden iſt ſol man wiſſen das bey zwayhundert jaren die car dinel von dem hof jr pfründen hetten genuͦg vnd alle empter wol beſetz waren dz niemant kainen trang noch kummer zuͦ hof hette. Es hete kein ampt nicht dann daz es vom hof erlich geſetzt was Seider ſind die pebſt zuͦ gefaren vnd
	⇭	haben genummen den cardinalen was ſy nieſſen ſoͤlten von dem patrimoni ſant Peters. vnd haben den cardina len biſtum vnd groß pfründen erlaubt vmb das er moͤcht einnehmen gantz was dem hof zů gehoͤrt. Alſo iſt es werd mit kirchen auß gericht vnd ge ſehen ſiß dennocht nymmer vnd wirt weder got noch die ſelen getroͤſt. Seyd das der pabſt ſoͤlichs zů hof verhengt hat ſo haben auch. Stifften vnd cloͤſt er geſtelt auf ander cloͤſter mit kleiner warhait. ſy haben etlich kauft als jetz vaſt gewonlich worden iſt. Sy ſch reiben gen hof wir ſeyen verprunnen wir haben krieg wir ſeyen zerſtoͤrt vnd vinden vrſach das alles erlogen iſt mit vrlaub. wo ſind die widen güeter dar auff die Stifften vnd die cloͤſter ſind gewidemt worden die ſy noch heüt bey tag haben. Vnd do ſy keyn kirchen hetten do waren die perſon mer in gotes dienſt wann ſy yetz ſind ſeyd es alſo ergangen iſt ſo wirt nie mant mer heylig noch ſelig weder pabſt noch biſchoff Alſo iſt eins nach dem andern ergangen. auch laſſen ſich die tumherren nit genu-egen jrrer pfründen ſy nüſen auch die kirchen dar zů haben villeicht mer dann aine. O wie groͤß= lich iſt dz wider got wie man im ab= er tůn ſol daz werdent jr hoͤren in di= ſer nach geſchriben reformacion. ¶ Simoney. ¶ Jtem kirchen verkauffen vnd ver= wechſſeln iſt gemain worden dz ver hengt auch der pabſt. yetz verhenges auch die biſchoff alſo hat ſimoney ein vrſprung vnnd regniert über al an den geyſtlichen. ¶ Geytz. ¶ Jtem der geytz regniert in den welt= lichen als ich eüch ſag ſeyder das die geiſtlichen vil pfründen nieſſen vnd ver dienen ſo haben die laien das begrif= fen vnd haben auch etlich kirchen. ſy wüchern vnd verkaffen. vnd was auf ſatz vnd vntrew bringen mag dz ist ge mein worden. Sy ſprechen iſt ſimo= nei an vnſern haubtern zimlich ſo iſt auch vns der geytz nit ſünd. Es ge= tar keyn geyſtlich haubt kein ſtraff mer tuͦn dz macht jr aygne offne ſch uld. darumb mag es nit mer wol geen noch ſich niemant mer freüen wann gotes gericht steet vns allen tzuͦ vn= heil zuͦ kummer vnd zuͦ leiden. Gotes ge= pot ſpricht. hab deinen eben criſten men= ſchen lieb als dich ſelb. das gepot iſt tod vnd tregt ein yeder menſch ſeinen eben criſten ein fegfeür vor. pein vnd kummer. Hilff trew vnd rat iſt tod vnd leidet die gerechtikait not. Von geytz wegen erzürnt der ſun den vater. zeitlich poͤß gewyn haben den lauf. wer ſich dar jnn wol üben mag den ſchetz man für weiß vnd liſtig. laſter vnd vnrecht iſt worden er. Almechtiger got gib hilff dz wir zuͦ recht kummen dz vnſer vernunfft vnd dein goͤtlich genad nit ein ſcheiden hab vnd wir von dir en= pfremdet werden. Sol man aber tzuͦ goͤtlicher ordnung kummen ſo muͦß es zuͦ geen durch gottes kraft vnd durch dz weltlich ſchwert daz ſol man prauch en in rechten noͤten durch gotes vnd des gelauben willen vnd gerechtikeit. Man
	⇭	fert über mer vechten durch gerech tikeyt vnd des gelauben willen.vil mer ſol man vertreiben vnd toͤten, wer wider goͤtliche ordnung iſt wann ſy ſind mainayd an got den ſy in der tauf ge ſchworen haben. Die geyſtlich prela ten nieſſ vnpillich die gotes gaben wann ſi aller meiſt wider ſelig heilig ord nung ſind die langeſt volendet wern wenn ſyes nit hinderten. Aber eins iſt all getreü criſten ſind mit got vnd helf fen ſchirmen. die es anheben ſol man beholfen ſein bey ermanung aller ge rechtikeit. vnd bei der marter jheſu criſti das wir ſein gerechtikeit beiſtendig ſeyen piß auf den tod ich main gantz ewig leben dar durch zuͦ haben. So ſol man nun ein recht ordnung haben ſo muͦß man mercken die ſiben ſacra ment auß den ſich ziechen all gerechte ding wann alles vnrecht ſich yetz wir diget den ſelben ſacramenten. ¶Dz erſt iſt rechte rew daran yetz niemant recht iſt wann vmb die miſſentat ſol der mensch rew haben nit mer tzuͦ tuͦn so kert er all weg wider tzuͦ der sünd ¶ Daz ander lautre peicht die ploͤd iſt vnd vngerecht wann niemant ſich hal= tet als er pilich ſol. Auch die puͦß nye= mandt als fruchperlich haltet alz man ſolt. niemant wider kert. Niemant er= füllet daz er verſaumpz hat. ¶ Das dritt ist. Der ee eigenſchafft ist einber keit. trew vnd einig leiplich weſen in rechter ſtetikeit dz yetz niemant hal= tet mit treüen. ¶ Dz viert iſt dz wir dig ſacrament dz niemant wirdiklich enpfacht in beraytung weder die geyſt= lichen noch die weltlichen da uor noch dar nach ſich niema[n]t huͦtet vor ſün den daz iſt ein ſach das man got nit voͤrchtet. ¶ Dz fünfft die oͤrden. ſehen an wo wirt an keinen die regel gehal ten. lüderlich vnernſtlich. Jch muͦß es reden gegen got spotlich. ¶ Dz ſechſt iſt der tauf der vns gereiniget hat vnd wir gott geſchworen haben vnſern glauben zuͦ halten vnd criſtenlich tzuͦ leben wir. werden aber mainaid ma nig mal an vnsern herren vnnd got. ¶ Das ſibent iſt dz heilig oͤl dz vns reiniget vnd ein weg weiß iſt zuͦ den ewigen leben dz wirt vnbekantlichen enpfangen vnd gehalten dick vnd vil vnuernüfftigklich. vnd an den letzen ſo der menſch kein vernufft mer hat an den mag es auch kein frucht br[in]gen. ſy mügen got nit loben noch bekennen jr schuld. wann nun die ſiben ſacrament got vns ſo troͤſtlich zuͦ geschickt vnd geordnet hat ſo gar zuͦ allen heil vnd ab er wir ſy als leichtfertigklich halten darumb vnder zeücht vns got ſein ge nad dz nun pillch iſt. Darumb iſt not= turfftig dz man in der reformacion ruͤre die ſiben ſacrament die geen auch den weg on alle gerechtikeit in den geyſt= lichen ſtat. vnd iſt notturfftig dz man wiſſe in eine[m] yegklichen ſtat wie ein perſon ſein ſoll. darnach wie er ſein gotz gab nieſſen ſol mit wie vil gült es ſeyn oͤrden oder weltlich prieſter. es ſey der pabſt cardinal oder biſchof. Dar= nach wie yegklicher ſtat ſein ordnung halten ſol. es ſey aber der pabſt oder biſch of weltlich prieſter oͤrden wie ſy ge= nant ſeyn. vnd wenn die drey in rechter
	⇭	ordnung ſteen ſo mag es in geiſtlich em ſtat mit mißlingen vnd werden alle ding mit got vereyniget. gotes zorn gemiltet vnd kemen guͦte jar vnd wür= den vnser guͦte werck fruchtper vnd kemen vns alle ding zum peßten. Aber die prelaten laſſen ſich nit gern refor miern noch doe oͤrden wan ſi laſſen nit gern von hand. darumb sol niemant er ſchrecken. Der fund iſt gefunden daz es leychtiklich zuͦgeet mit gotes hilff vnd krafft wil man got getreü ſein vnd anſehen die gerechtikeit gotes ſo wirt man ſehen dz erfüllet wirt gotes wort do er ſpricht in dem ewangelio. Es wirt ein hirt vnd ein ſchaffſtal. Dar zuͦ ſüllen ermant ſein alle haubter der criſtenheit die gotliche recht verpun den ſind zuͦ halten vnd zuͦ pieten vnd dz ſch wert ritterlich prauchen. Man fert üb er mer vnd vicht an die heiden. vnd gar vil ſterben vnd verderben vmb den ge laben. belyben ſy da haim vnd ſtrafften die poͤſſen criſten die an got mainayd werden daz wer ein guͦt merfart on alle zweifel. Hielten wir vnſer ordnung criſtenlich all heyden vnd vngelabigen kerten zuͦ vns. Darumb jr edlen fürſten vnd herren vnd jr werden ritter ewren ernſt darzuͦ tuͦn. vnd jr wirdigen reych ſtett ſo man alle welt rechnet ſo ſind jr doch die glider die an dem goͤtlichen recht nit weichen ſüllen. Jr habt ewr freihayt von der criſtenheit. jr sind des heilygen gelaubens beſchirmer recht vogt wann es not wirt. vnd baide für ſten vnd herrn vnd die ritter ſchafft er= mant werden mit vnſer geſchrift vnd ordnung puͦch wie die poten zuͦ eüch kummen dz jr ſy in ſchirm ſetzent vnd ge laytent in ewr eigen koſte. vnd weren ſy jchtzit nottur[f]tig dz jr dar an ſüderlich werent vnd verhuͦtent vor vnder trucken vnd hindrung. Diſe ſelige vnd heilige ordnung gepieten wir bey vnſers reichs hulden vnd bey der pene hundert marck gol des wer dar jn vermeldet wirt Wir ermanen eüch auch bey got dem herren vnd bey aller ſeiner gerechtikeit. bey seinem pluͦt vergieſſen vnd bey ſeinem tod den er gelitten hat durch vnsern willen jn der selben ermanung ſüllen ſein all cri= ſten jung vnd alt wer es im zuͦ hertzen laßt geen vnd diß fürdert der ſol pillich von dem heiligen reich geruͤfft werden vnd von got gewert wz erpitende iſt. es ruͤr an leib oder sell. Jtem es ſol auch ein yegklicher fürſt oder herr land oder ſtat diſe ordnung in einem puͦch behalten vnd abschreiben laſſen vmb dz die preſten verhuͤtt mügen werden vnd kummer auf ſtuͦnd oder yemart vngehorſam wer wo ſich das erfünde es wer an geiſtlichen oder weltlichen haubtern. ſo ſol ſein leib mencklich enpfolhen ſein vnd ſein guͦt anzuͦgreiffen vnd abzuͤ ne men von der welt. wann die vngehor ſamen ſein got nit nutz. Sind ſy aber geyſtlich haubter ſo ſol man ſi berau ben aller jrer pfründen vnd vmb die amp ter kummen ſein. es ſeien biſchof. doctor es oder prieſter. ſind es cloͤſter ſo ſol man ſy zerſtoͤren gantz vnd gar. dz iſt nun pil lich. wann got wil rechte gehorſam keit haben von den ſeinen. er wil auch daz ſy nit nieſſen dz ſimoney an ruͤret noch keyn guͦt das vnrecht fertig guͦtt ſey
	⇭	wie man dz zerſtoͤren mag do tuͦt man got dienſt nit. Alſo ſol man bey der vor genanten ermanung hertiklichen ge= punden ſeind | Alſo ſol man nun anſehen vnd in die ordnung geen von dem haubt piß an den minſten. doch ſol man vr laub nemen von got dem vater. den in ein ordnung setzen der gottes ſtathalter iſt der alle welt regiern ſolt. Do aber aller gepreſt auf geſtanden iſt diß ſol im vil leicht ſein. als got wol geord= nen mag durch die kleinen als er thet do er. Joſophat eines keyſers ſun von Jndia in ſeinen jungen tagen weyß= heit gab dz er seinen vater vnd all mai ſter in allen künigkreichen jn die über kam. Er machet sein vater criſten vnd alle reich in jndia in seiner jugent. Es ſpricht der ewangeliſt. Abſtondiſti hec a ſapientibus et prudentibus et reue laſti ea paruulis. Almechtiger gott du haſt dick dein weißheit verporgen vor den weiſen in diſer welt vnd haſt es geoffenbart den kleinen. ¶ Augu ſtinus ſpricht. Surgent in docti et ra piunt celum et docti merguntur in infer num. Es ſteen auf die einfeltigen vnd die kleinen vnd begreiffen den himmel. aber die gelerten geen zuͦ der hell Es ſetz ſich jetz niemant wider goͤtliche ordnung den die gelrten weiſen vnd gewaltigen. aber die kleinen ruͤffen vnd ſchreien got an vmb hilf vnd vmb guͦte ornung. Es iſt yetz noturfftig dz man got anruͤffe gleich als es gieng do der prophet. yſa= ias ſprach. vnd man von im liſt. Dere= linquerunt deum plasmauerunt nomen anctum ſuum ſunt abierunt retror= ſum. Sy haben ſich von got geſchaiden vnd verſchelten ſein heiligen namen ſy ſeien abgetretten. Dz iſt war vnder geiſtlichen vnd weltlichen wir leben nit mer natürlichen. wann natürlich leben iſt got an tzuͦ ſehen der von vnser geſch= oͤpfft ein rechter ſtam vnſers lebens iſt. als der paum des ertrichs lebt alſo leben wir got vnd ſeiner frucht. O lie ben getreüen criſten laßt eüch zuͦ hertz en geen gedenckt wz ſich got mit vns erleiden muͦß der durch vns geliten hat den wir ſo groͤßlich martern alle tag mit vnſerm überſehen aller gepot vnd gehorſamkeit. kerent wir haben den rechten weg zuͦ himel vnd zoͤ der gerech tikeit. wann wenn wir vns kern ſo kert ſich mit vns alle die welt Es iſt war ein criſten ritter in vnsers herren keiſers Sigmundes hof zuͦ Baſel diſputiert mit einem. Türcken der auch ein herr wz vnd ſprach er ſolt ſich laſſent tauffen criſten gelaub wer alz edel dz niemant dz reich der himel beſitzen moͤcht dann die criſten die den gelaben hetten vnd getafft weren. Der heiden antwurt kürtzlich vnd ſprach .hab wol gehoͤrt dz eüch criſtus erloͤſt hat von der hell vnd eüch im ſelbs gefreit hab mit ſeinem tod dz auch war iſt nach aller geſch rift ſag. Aber ich ſich daz jr der freiheit vnd ſeins nützlichen todes den er von eüren wegen erliten hat nit begerent auch nach ſeinem gepoten vnd werck en nit lebent von dem minnſten piß auf dz meiſt. vnd hoͤr vnd ſich dz einer den andern anſpricht für eygen vnd im daz ſein abnymt wider got vnd wider recht Aber wir ſein vil freier dann. wir tuͦn auch vil rechter in alle weg dann ir. jr
	⇭	wellent vns auß kriegen von des ge lauben wege[n] vnd mainent gott da mit gedient hab en vnd ewig leben dardurch behalten. Nement vnd ertoͤ tent ir die valſchen criſten die wieder den gelauben tuͦn vnd prechtent eüch ſelb zuͦ recht vnd lebent alſo in gehor= ſamkeit ſo hettent ir vns gewunnen vnd ſchluͤg all welt zuͦ eüch vnd wurd en eins mit got vnd got mit vns. Nun merckent wz wir von dem vngelau= bigen muͤſen hoͤren dz ſy mit vns dye warheit reden. ich voͤrcht wir betrie gen got vnd vns ſelbs als wir wol werden hoͤren ſo man jedem ſtat der weltlichen vnd der geiſtlichen wirt hoͤrn. ¶ Nomen Poete. MAn ſol wiſſen alles dz in dem puͦch geſchriben ſteet hab ich friderich von lan= cironij ein diener vnd kne cht der gemainen criſtenheyt vnd rate vnſers aller durchleütigiſten herren keiſers Sigmundes. vnd hocher may ſter vnder weiſung gunst vnd willen di ſe ordnung gemacht von latein tzuͦ teütſch zuͦ einem bekennen allen gemain en criſten in der criſtenheit. wer aber ye mant ſo weiß der ein ſtuck oder mer in der ordnung gepeſſern moͤcht nach jedes landes gelegenheit. es ſey vnder herren oder ſtetten dem ſoͤl es pillich vergünſt et ſein alſo für ſich zenemen vnd für zuͦ bringen für vnſern herren den künig ob kein keiſer wer. oder für due stathalt er wann es iſt je angeſehen woͤllen die groſſer prelaten ſich nit laſſen ordnen ſo muͦß man diſe ordnung halten vnd dz ſchwert prauchen man muͦß vn= kraut auß dem garten jetten vnd ver= ſuͦchen. Darumb ir fürſten herrn vnd ſtett. vnd beſunder ir reichſtett bey er= manung aller freihait wo ſich ſind dz jemant hie wider thet dar zuͦ ſol auch ye derman vollen gewalt haben zuͦ in zuͦ leib vnd guͦt von rechten darumb dz ſy gotes recht nit beschirmen. weger iſt wir ſt raffen hie leiplich dz recht dann daz all welt im vnrechten verdammnet werd. ¶ Von dem Pabſt. NVn heb ich an vnſerm hey ligen vater dem pabſt an Des erſten ſol man mercken war= umb man in heilig nennet. dz iſt darumb dz im alle heilige ding die got der herr vns troſtlich auf das er= trich geordnet hat dz ſind die ſiben ſa= crament in die ſich got geiſtlich beſch loſſen hat die er koſtlich on alles wi der ruͤffen jnnen hat. vnd ſy menigklich mitteilen ſo mit gleicher frucht alz ſy criſtus geben hat. darumb ſein gewalt in gantzer heilikeit ſteet. Er ſchreibt ſich auch ſeruus ſeruorum dei in glei chnus criſti der aller welt dient vnnd knecht iſt wenn nun ein pabſt erwelt ſol werden ſo ſol er ſein gleich des ſta tes ſant peter iſt geweſen ein weltlich er prieſter der aller welt gemein ſey dar vmb er auch den namen hat das er weltlich heiſt wenn im die welt en= pfolchen iſt. Criſtus ſprach zuͦ ſeinen jungern geet hin in die welt predigen allen creaturen daz iſt in enpfolchen vnd niemant anders. Es wz kein orden der noch auf geſtanden vnd iſt hof menig hundert jar in der tzwelffpoten ord= nung gestanden do stuͦnd es wol. Es wurden heilig pebſt vil nach ein an der. ſeid dz die oͤrden auf ſtuͦnden vnd
	⇭	von den oͤrden pebſt wurden die haben jren ſtat nit gemein ſi haben jren gleich en zuͦ gelegt vnd hoͤchlich gefreyt alſo dz all pfarren abgenumen vnd die cloͤ= ſter zuͦ genumen. ſy ſoͤlen den weltlichen prieſter vndertenig ſein ſo haben ſy bey de pfarren vnd prieſter vnder in. Es iſt kein pfarr ſy iſt wirdiger wann dz aller hoͤchſt cloſter. wann die pfarrkirchen haben die ſiben ſacrament dz die cloͤſter die pfarren vaſt vnder ſich haben pracht ſo halten ſy die pfarren für nichte vnd berauben ſy. Sy nemen den zinß vnd zehenden vnd dingen prieſter dar auf als verdingt knechtt ſi nemen den keren vnd laſſen den pfarkirchen die ſpreür das verhengt nun der pabſt yegklicher seinen orden vmb dz gold vnd ſilber. dar zuͦ kauffen ſy nun gotzgaben vnd geet die ſimoney als gemeinklich dz ſy nun vermainen recht zuͦ haben. Diß iſt nun alles auff geſtanden in des pabſtes hof als der pabſt eingenumen hat den car dinalen jren teil der in zuͦ geordnet ward von dem patrimony ſant peters vnd hat in vil pfründen erlaubt. dz haben nun die biſchof vnd cloͤſter ergriffen vnd die ſtifften. Gedencke yederman. es iſt kein cloſter noch ſtifft ſy haben ein widem darauf sy auch geſtifft ſind vnd beſte en mügen mit gotes dienſt der vorzei ten ſeliger vnd goͤtlicher iſt geweſſen dan jetzo. Nun haben ſy kirchen vnd groß geruͤffe vnd iſt gotes dienſt ploͤder an dacht dann er wz vorzeiten. wer aber ye ſeider ein weltlicher prieſter pabſt geweſen ſicher es ſtuͤnd paß vmb die heyligen kirchen den es ſteet. Hett cri ſtus geweſt das oͤrden den glauben ſtifften vnd pauen moͤchten haben er hett die vierhalbunddreiſſig jar wol gefeyret ¶ Es iſt wol war Gregori us Berenhardus Benedictus die ha ben regel gemacht die waren ſtreng vnd herrt vnd abgeſchaiden von der welt da bey ſy heilig wurden. Nun ſind ſy mer weltlich dann die andern vnd ſchweren doch jr regel zuͦ halten. werden ſi nun an got mainaid ſo ſol man ſy weiſen zuͦ den rechten mit krafft. wer ſich dez weren woͤlte dem ſol man gar abtuͦn wann ein jegklicher der an got pricht iſt got vnmer. darumb ſol man verhuͤ ten das man keinen pabſt mer mach von den oͤrden. Quia eſt parcialis et non generalis. etc. dauon noch vil zuͦ ſagen wer Seid dz ſy abſoluiert haben vnd ee heban laſſen zuͦ geen die ſipſchafft vnd fruntschafft mit got nit besteen mügen dz haben ſy verhengt in manch en ſachen. darumb geet es von dem haubt vntz auf den mynnſten übel vnd wirt niemant ſelig noch heilig. vnd wirt gotes gnad vns gantz vnder zog en wann waz dz haubt leidet dz thuͦt auch das glid vnd vallen beyde in die groͤb. vnd ist jederman im vnrechten ſtar ck vnd lebt in vngehorſamkeyt. Wz gült eines pabſtes hof haben ſol. NVn ſol man wercken wie des pabſtes hof mit den gülten ſteen ſol man hat wol gehoͤrt in dem anfang wz zuͦ dem hof gehoͤre dz er vil menig hendert tauſent guldin gült hat die der pabſt ein teil nieſſen vnd haben ſol vnd der hof wol verſorget iſt mit allen ampten
	⇭	Do ſüllen aber die cardinal nemen die zwen teil vnd auch jr hoͤf wol verſorgt ſind dz die gemein criſtenheit zuͦ hof keinen trang haben ſol weder in der Cancel ley noch ander Correctorey. noch in der penitencinartey. Aber es iſt nun beſetz als vmb dz gelt. es mag nichtz auß ge richt werden es ſey krum oder ſchlecht dann vmb dz gelt daz richten ſy es ſey krum oder ſchlecht zuͦ laſſen oder zuͦ tuͦn Man nymmt gelt von inſigel dz in al= ler welt die warheyt bezeychnet. die warheit man kauffen muͦß dz iſt ofner wuͦcher. wenn ſo ein ſach verbriefft iſt ſo ſol es beſtettiget werden mit dem zaichen der warhait dz iſt dz inſigel dz niemant kauffen noch verkauffen ſol alz wenig alz criſtus hat angemuͦtet tzuͦ kauffen ſein marter die verſiglet iſt mit ſeinen fünff wunden. er het kein ander jnſigel damit er vns die warheit kunt macht Man sol auch zuͦ hof oder anderſwo kein brieff hoͤher ſchetzen dann daz pergamen koſtet zwifach lon geben vnd nit mer bey berabung eines amptes. All ordnung des hofs iſt vor zeiten wol angeſehen zuͦ allen notturf tigen dingen hielt man als es angeſch lagen wz. allein ſimonei vnd geitz hat es vergifft. Es ſol auch der oͤberſt pe= nitencinarius vnd alle die mit der pe= nitencinari ſach vmb geen prieſter ſein vnd kein lay. wann es iſt wider got vnd wider alle recht. Es ſol auch niem= ant reden noch wider ſein den hof wenn ſy in halten als er vor zeiten gehalten iſt. man ſol auch kein ampt mit kirchen aufrichten er prechte anders aber ein poͤſe gewonheit. Der hof iſt vor zeiten wol geordnet geweſen on alle comend der pfründen. dz iſt auch der vrhab dz in corporaciones auf geſtanden ſind mit keiner warheit. wie ſy auf geſtanden wirt hernach gelert. ¶ Das man keinen Cardinal erwellen ſol auß einem orden. MAn ſol wiſſen dz kein car dinal von keinem orden er welt ſol werden. wan dz hat vns den aller groͤſten ſchaden pracht als es wol offenbar iſt. Ein orden der ein cardinal hat der wirt von dem orden groͤßlich gemuͤt der ligt ymmer dem pabſt in den oren vnd er wirbet in dz wider ir regel iſt. vnd waz die ſtiffter des ordens zuͦ ſelikeyt mit der regel geordnet haben dz haben ſi al wegen geringert alſo dz kain orden mer ſein regel haltet. Sy ſprechen wann man ſi fraget warumb haltent jr nit ewr regel der pabſt hab mit in diſpenſiert O des diſpenſieres der pabſt cardinal vnd orden geen mit einander in die hell Es mag kein pabſt ſunderlich dz einen orden angeet die zuͦ got gelübde ha= ben getan prechen. criſtus der vergab die ſünd. aber er erlaubt nit zuͦ sünden. vnd wolte ein pabſt ſünderlich oͤrden die der ſiben ſacr[a]ment eins ſind endren alz cri ſtus vns geben hat. es ſey orden tauf oder Ee. etc. wie ſtuͤnden wir dann. wie wer der pabſt vnd cardinal gott ſo vn trew. es ſtet vil krencker vmb die cri= ſtenheit dann es yemant gelauben kan Die cloͤſter ſind mechtig. Sy haben das ertrich Jnn. ſy über legens mit guͦtt vnnd beschirmen mit krafft jr vnrecht des helffen jnn die cardinal
	⇭	Darumb ſol man verhuͤten daz keyn Cardinal werd gemacht von den oͤrd en. wer es recht mercken wil. Es iſt der groͤſte ſchlag dardurch die criſten= heit vergifft iſt dann ſunſt durch kein ander ſach. Sy ſeyen die ſeül dar auf die criſtenheyt gepauen iſt als auf die zwelffpoten. Darnach auf die wir= digen prieſterſchafft die heiſſen jung er. als die zwenundſibentzig junger der zwelffpoten waren. Hetten die zwelf poten an got geprochen was wern dann die junger gewesen. alſo ſteet es ploͤd yetzunt vnd ſchwach. Die welt lichen prieſter ſind jetz verirt vnd ſind ellend. ſy enpfinden die kranckheit vnd daz vnrecht an den haubtern. ſy en= thalten noch die criſtenheit paß dann die prelaten. ſy gewinen dz guͦt vnd ſind jre ſel dennocht haſſen ſy ſy bey de prelaten vnd oͤrden. darumb ſo ſpricht ein buͦch tichter vnnd ruͤffet zuͦ gott Surge ſurge vigila pro clero. Sy non ſurgis cicius ſurgis nimis ſero Stee auf hoͤr vnd wach über die prie ſterſchafft. ſteeſt du nit bald auf du kumſt in zuͦ ſpat. darumb all getreü criſten ſteen der prieſterschafft bey daz iſt got gedient wann ſy haben kein ſch uld. Sie muͤſen mer gehorſam ſein den vngerechten dann den gerechten. laß man ſy nit alſo vmbtreiben verhuͤten piß die ſachen recht gefertiget werden als die biſchoff vmbtreiben als man nun gehoͤrt hat dz niemant cardinal erwelt werden ſol von den oͤrden. Nun ſol man mercken ſeinen ſtat. ¶ Wie vil volcks ein Cardinal ſol haben an ſeinem hof vnd vil guͦt das ſoͤlt jr eigenlich mercken. Ein Cardinal ſol ſeinen hof haben mit tzwelff perſon en zwen capplan. ein kam ermaiſter. ſeinen ſchreiber zwen edel knecht. vier ſchiltknecht ein marſtaller. ein koch. Jtem er ſol jerlich er gült haben zwelff tauſent guldin jm ſol kein pfründ dienen nach dem als von angang geornet wz einen cardinal wenn ſy daz recht teillen ſo wirt in mer von dem patrimoni ſant petrs. Wirt auch ein Cardinal in ein künig reich geſchickt oder lande in legacion. wirt jm etwas geſchenckt oder geben dz mag er auch haben. Sy ſüllen ſich geiſtlich halten frid machen an allen ſtetten vnd landen wann ſy den frid von jheſu criſto enpfangen als criſtus ſprach zuͦ den zwelffpoten. wo jr hin geet ſo ſoͤlt jr ſp rechen von erstem. frid ſey mit eüch. wil man dann gern frid haben ſo kert der f[r]id zuͦ in. Man ſol wiſſen dz alle car dinal der zwelffpoten ſtat halten sullen als ſy criſtus erwelt hatte in der welt do ſy ſeinen namen vnd ſein ger[e]chtikeit ſein frid vnd den glauben vnd pauen ſüllen. wenn aber die cardinal nit mügen an allen ſtetten dz verſorgen vnd tuͦn noch der pabſt. ſind zuͦ hilff die biſchoff erda= cht vnd geordnet. Auch den frid vnd die gerechtikeit zuͦ pauen vnd zuͦ beſchirmen mit ſeiner wirdigen prieſterſchafft alz wir leſen in dem ewangelio. luce. Ein hauß vater dz iſt criſtus der hat ſein ſchetz enpfolhen ſeinem hauß geſind einem enpfalhe er fünff ſchetz dem anderm zwen dem dritten einen. dz ſind der pabſt vnd cardinal fünff ſchetz den biſchof=
	⇭	fen zwen. der brieſterſchafft einen. Jn diſen ſchetzen leit alle gerechtikeit goͤt licher ordnung vnd troſtlich leben der menſcheit. got hat nichtz vergeſſen er hat vnß den weg gezaigt der ew= igen ſelikeit. vil woͤllen in aber nit geen An wem aber daz erwindet oder wer es hindert dz würt man wol mercken wenn man yegklichen ſtat ruͤren ſol Jch maim wol an der ſimoney ſey der pabſt. ſchuldiger dann die cardinal Sy nemen villeicht jr teil an den ſtuck en ſant. Peters patrimonij lieber dann auf den kirchen apteyen oder biſtumen doch erkennen ſy wol das es wider got iſt Sy ſolten es auch dem pabſt mit nichten nit verhengen. wann nach rechtem ſtat ſo ſol der pabſt in der hei= ligen kirchen nicht verendren on rat der Cardinal. darumb ſy auch ſind in ſchulden wann ſy verhengen dz jm rechten nit mag beſteen. vnd dz wol wiſſen Seid es dem pabſt vnd car= dinalen leicht iſt der gerechtikeit auß zuͦ gee. ſo volget yederman nach mit allem vnrechten. vnd iſt kein mittel mer zwiſchen recht vnd vnrecht. Es tregt yederman recht in ſeinem haubt man tunckt am rechten vnd volget als man an dem gericht tuͦt. man richt nit nach keiſerlichen rechten als vor zeiten vnſer vordern thetten. darumb geet es übel vnd werden poͤß ayd geſch woren Es kummen die leüt vmb erb vnd aygen. ſolt man keyſerliche oder beſchribne recht anſechen es beſtuͦnd mancher der ſunſt vmb daz ſein kommpt Es iſt wol alles weltlich vnd gayſt= lich recht haben ein rechtz fundament von dem pabſt vnd cardinalen. So ſy aber jm rechten an baiden rechten gleich ſind ſo geen die weltlichen dem ſelben nach. Alſo geet es allenthalben nach yedermans erkantnuß es ſey recht oder vnrecht Seyt man nun hoͤrt wie ſchedlich es iſt dz ein pabſt oder car dinal von dem orden gemacht wirt ſo ſol man es ſicher verhüeten das keiner mer erwelt werd von den orden. ¶ Von Biſchofflichem ſtat. HJe ſol man hoͤren von biſch offlichem ſtat do ſol man wiſſen das keyn biſchoff nit ſein ſol der von keinem orden gemacht ſey. jr habt vor gehort wie ſo groſſer ſchad darauß kummen iſt das oͤrden pebſtlichen vnd cardi= nalischen gewalt gehabt haben was er denn erwerben mocht von dem pabſt vnd cardinelen do was den biſchoff en angeholffen daz ſy den oͤrden in jrem biſtum verhengt haben manige ſach die in jm rechten verpoten ſind. als kirchen reigiern. peicht hoͤren. begreb nuß haben mit den ſiben ſacramenten vmb zuͦ geen vnd zuͦ abſoluieren das jn von angeende des ordens nie en= pfolchen iſt. vnnd noch heüt bey tag nit ſein ſol. aber ſy ſprechen man hab mit in diſpenſiert vnd freyhait geben vnd haben der biſchoffen willen waz die ver= hengen dz mügen ſy wol tuͦn. Aber eins ich glaub daz keiner ſunden werd der es ye geſehen hab daz criſtus Jheſus verſigelt hab noch cardinal noch bi= ſchoff noch pabſt mit dem rechten verhengen. Das man. Aber merck das das war ſey ſo merck man eben
	⇭	der. Paubſt iſt vicarius criſti in allen gewalten alz criſtus hat vnd vns der babſt gegeben hat ſünd zuͦ vergeben vnd nit zuͦ erlauben dz gotes gebot oder ere krencken müg mercklich vnd ſunderlich drey ſach. ¶ Das erſt iſt die ee die nyemant prechen ſol noch ſchaiden on vrſach die wol jm recht en ſtee. Paulus ſprich. Quos deus coniunxit hos homo non ſeperat Nun ſicht man wol wie die ee offt geſch aiden wirt. ¶ Das ander iſt ordo wer der iſt der in einem orden einget der ſchwert got dem orden zuͦ halten diß ſind ein gelübde die zuͦ got ruͤrten vnd verhaiſſen ſind hertigklich. wann aber ein pabſt cardinal oder biſchof das überſechen das ſy den gewalt ha ben darüber kein freihayt zuͤ tuͦn kain en gelauben. wann was got geret hat dz beſtet. ob ſy gebrochen ſolten wer den der himel ſpielte ee. Nun merck wie es gangen ſey ſo vnſer heübter an got prüchig ſind. wie ſol es geen vmb die den goͤtliche recht nit als hert be= uolhen ſind. wir laſſen vns an ſy. vnd verſteen doch wol an manchen ſtuck jr vnrecht darumb geen wir mit in in die hell. Man ſol aber wachen wachen yetz iſt es zeit vnd verhüten das aus keinem orden kein biſchoff werd ſo wirt es wol geen. Merckt eins yetz. der merer teil der biſchoff ſind von dem oͤrden die ſoͤlten rain vnd keüſch ſein. nun ſicht man wol wie keüſch ſy ſind laider. ſy varen zuͦ vnd ſchicken proceſſen über die prieſter dz ſy nit junckfrawen nemen oder dienſt mayde haben. ſy gebieten bey hochen pennen die prieſter laſſens darumb nit ſy werden pennig. der biſchoff mit nymmt gelt vnd verhengt das wider git iſt. Thet aber der biſchoff recht vnd in der ſelben ſchuld auch nit we re die prieſter moͤchten ſich nit enthal= ten ſy muͤſten auch recht thuͦn. nit al= lain in der ſach auch in andern ſachen Die biſchoff ſtifften yetz krieg vnd ma chen mißhellung vnd beſchatzen die kirchen vnd brieſter wider got vnd recht. ſy füeren weltlich gewalt vnd das es wider got iſt. Es ſol kein biſch= off kein ſchloß haben weder. Veßt noch. Stet ſy ſuͤllen ſitzen auff der haubt kirchen yegklichs biſtumb vnd ſuͤllen ein recht geiſtlich leben füeren das all pfaffen an in gepeſſer werden Aber es iſt nun ein anders die prieſter werde offt vnd dick von den biſchof fen herrt gehalten vnd geſchetzet vmb ſachen darumb die biſcheff ſchuldiger wern dann ſy Seien die biſchoff orden leüt ſo halten ſy keinen orden mer. Sy reiten. ja etlich als die lainen vnprieſt= erlich vnd woͤllen all ſach auß richten mit kriegen als weltlich herren. wo das weltlich herren thetten ſo ſolten ſy es fryden vnd wenden. ¶ Wie ein biſchoff ſeinen hof beſitzen ſol. ¶ Jtem ein Biſchoff ſol ſeinen hof haben mit zwaien prieſtern. mit zw einen ſchiltknechten. mit einem notari mit einem koch. mit einem marſtaller mit den mag er reyten. ¶ Von einem weichbiſchoff. ¶ Jſt es aber ſuffragani. das iſt ein weichbiſchoff ſo ſol er haben einen
	⇭	prieſter. ein ſchiltknecht. ein notarij einen koch vnd einen marſtaller. ¶ Von dem Ertzbiſch= offen vnnd jrer güeter. ¶ Jtem ein Ertzbiſchoff ſol haben zehen tauſen guldin reiniſch. Vnnd ein ſuffragani fünf oder ſechß tauſent guldin. Es ſol auch ein biſchof ſein ſuffragani beſtetten vnd ſol nemen dauon hundert guldin vnd nicht mer wann der pabſt ſol kein pfrend mer leichen den ertzbiſtum vnd gefürſt ap teien. was anden pfrenden iſt ſüllen die biſchoff yegklicher in ſeinem bi= ſtum leihen vnd verſehen. dz iſt dar umb der pabſt leicht ettwan ein pfründ zweien oder dreien die ligen im hof vnd kriegen ir veterlich erb ſo ſtechen ſy ein ander zuͦ tod oder ſy ſchaffen es zuͦ tuͦn vnd kommpt groß übel dauon ſy ha ben ein poͤſe gewonheyt piß her ge= habt vnd noch haben. ſy leichen vnder weilen ſtalknechten pfaren vnd pre= laten pfründen vnnd künmen nicht darmit. man iſt verweiſt worden. dar umb iſt es peſſer biſchoff leichen in jr em biſtumen ſo wirt er jnnen ob ein ſoͤlicher ein pfründe wirdig ſey oder nit. Ein biſchof ſol kein pfarkirchen mit keinem beſetzen er bring dann von einer hohen ſchuͦl brief vnnd inſigel daz er wirdig ſey ein pfar auß zuͦrich ten. zuͦ dem ſo ſol auch ein biſchof ein ſoͤlchen verhoͤren. wann er ſol zuͦ dem minſten ein bacularius ſein. Ein car dinal ſol ſein ein doctor der geſetz vnd der heyligen geſchrifft vnd in decre= tis wenn nun einer kummpt zuͦ einem biſchof vmb ein pfründ vnd funden iſt dz er wirdig iſt ſo ſol der biſchoff im leychen on alle eintrag vnd ſol in ein ſetzen vmb ein gul[d]in vnnd ſol nit mer nemen weder ſchenck noch miet weder er noch keiner er an ſeinem hof bei beraubung aller ampte. wann es wer ſimoney. Nempt war aller kum den darumb das man pfründen ge= lichen hat vngelerten prieſtern die für ſind kommen durch ſchenck vnd miet die haben nun das ewangelium nit kinden predigen. noch die ſacrament der kirchen zuͦ troſt vnd zuͦ nutz noch den glauben ſchicken noch ordnen. dar vmb iſt an vil ennden ketzerlicher ge laub auf geſtanden das der criſten= heut zuͦ ſchaden kummen iſt vnd noch heüt bei tag ſo ſetz man plinden füer er auf die kirchen. vnd iſt zuͦ voͤrchten man val mit in jn die gruͦb. Merckt wie es yetz geet es ſchickt ein vatter ſeinen ſun zuͦ ſchuͦl vnd kert ſein groſſe arbait an in. Nun wirt er gelert vnd wirt meiſter. wenn er nun von ſchuͦl kommpt ſo worbt er vmb ein thum= herren pfründ vmb das er ein junck= herr gotes ſei. dennoch benuͤgt in nit er wil auch haben ein pfarrkirchen oder zwuͦ darauf ſetz er vngelert pfaffen vnd waißt wol daz er vnrecht thuͦt vnnd iſt ſein kunſt die er gelernt hatt niemant nütz dann dem tüefel dez diener iſt er vnd iſt verſehenlich vater vnd muͦter vnd freünd die im tzuͦ der vn= nützen kunſt geholffen haben daz die mit ein ander in die hell kummen. Wer aber ſoͤlcher mißlicheyt muͤſſig woͤl ſein der ſol wiſſen dz man es verſorgen
	⇭	vnd verhuͤten muͦß das man keinem mer dann ein pfründe geben vnnd verhuͤten ſol. Jſt er Thumherr das hab er vnd darmit genuͦg. man ſol im all ander pfründen nemen. Es iſt maniger er verdient nit eine. Die ge= lerten ſol man ab dem thuͦmen zwingen auf pfarkirchen darumb das criſten licher gelaub recht geprediget werd die ſingen vnd leſen künnen die ſind guͦt auf die thuͤm vnd oͤrden wann ſy ſind dem glauben yetzo wenig nütz man peſſert ſich yetz wenig von in Alſo verhengen yetzo die biſchoff dz groß übel vnd nemen miet vnd ſch= enck vnnd verhengen yetzo vil übels layder. vnnd iſt zuͦ voͤrchten biſchoff pfaffen vnd oͤrden geen all da hin do ſy hin gehoͤren zuͦ der welt daz iſt der teüfel. jch muͦß es got klagen das man ſo plintlichen lebt. dz man einen vmb fünff oder vmb tzehen ſchilling toͤtet vmb ein klein übel daz der menſch zuͦ puͦß gegen gott leichtiklich kummen moͤcht. vnd daz groß übel dardurch got vnd die welt gekrenckt wirt kein ſtraff haben ſol noch hat. Die ſtain ſpielten ſich an criſtus marter die ſunn verlor jren ſchein. diß iſt als groß kir chen guͦt iſt got in ſein marter vnd pluͦt auf geopffert vnd geſetz worden von vnſern vordern in vnd allen ge laubigen ſelen zuͦ troſt vnd dem glaub en zuͦ hilf. daz wir vnuerdient üppig klich dick vertan. Man gedenckt wen ig wie gotes gab ſo ſchwer zuͦ nieſſ= ſein vnuerdient. Zuͦ gleicher weiß alz das almuͦſen iſt guͦt zuͦ geben vnd poͤß zuͦ nemen. alſo iſt auch pfründen guͦt daz iſt guͦt zuͦ verdienen aber hert zuͦ nieſſen. O ir edlen criſten gedenckt diß tzuͦ fürſehen das man niemant mer laß dann ein pfründ. vnnd das auch die loblich verdient werd. Jtem es ſol auch ein biſchoff haben ein gefenck nuß ob ein prieſter thet wider prieſt erliche ere das in ein biſchof geſtraff en moͤcht an seinem leibe oder der pfrün= de beraben einen monat vnnd dann wider dar zuͦ kummen laſſen. über trit er aber ſo ſol er in berauben ſeiner pf ründ zwen monat vnnd aber laſſen widerumb dar zuͦ kummen. Aber zuͦ dem dritten mal ob er ſich über ſehe ſo ſol er jn ſeiner pfründ gantz berau= ben vnd einem andern leychen. vnd ſol ein biſchof ſein pfaffheyt vmb kein gelt ſtraffen wann dar jnn iſt vil arck won. Sy ſtraffen vil vnnd dick die pfaffheit vmb poͤß geitikeit vnd vmb ſach dar an ſy mer ſchuldig ſein dann die prieſter vnd pannen die ſo ſy vor got in groͤßern pann ſind nach ge ſchriben rechten. aber ſy achten ſein nit. ſy voͤrchten kein hell ſy bedürffen kein not haben wie ſy dar ein kummen ſy ſteet in alweg offen. ſy thuͦn ſy hye auf bey jrem leben. ¶ Jtem es ſol in einer yeden hohen ſchuͦl wann ein mai= ſter oder zwen die perſidentes haiſſen die maiſter machent oder bacularius ſchweren zuͦ got vnnd den heyligen das ſy keinen brieff geben an keinen biſchof vmb kein pfründ er ſey denn vor examiniert das er wirdig ſey zuͦ haben die pfründ darumb er pitten iſt. wann man die brief bringt einem biſchoff ſo bedoͤrfft in der biſchoff nit
	⇭	examiniern ob er wil vnd ſol im vmb keinerley ſach leichen dann miltiklich durch got vnd vmb ſingen vnd vmb leſen ohn ſchenckung on miet vnd on allen packt vnd ſol im gehaiſſen ge= horſamkeit aller geiſtlichen ordnung ¶ Jtem es ſol auch ein biſchoff all jar ein ſinodum halten mit ſeiner pfaff= heyt vnd do laſſen leſen die geſatz vnd ordnung der pfaffheyt vnd da bey fra gen ob yemant kein ſtuck geprechen hab.oder ob keinerley herre edel. oder an keinen andern prieſter keynen fre= uel volpracht habe. Vnd was ſoͤlcher ſachen geſchehen mag eyn Biſchoff mit herrten pannen vnnd ſchatzung nach der ſach ſchwere wol tzuͦ thuͦn Vnd ſol niemant darwider ſein. wer aber da wider wer dem ſol man mit geyſtlichem vn weltlychem ſchwert ſtraffen an leib vnd an guͦtt piß ſich einer gehorſam ergibt. Ein biſchoff ſol auch in dem ſinodo gar eygenlich fragen von allen techanten wie dye kirchen geregiert werden. vnnd wie es ſtee vmb die ſiben ſacrament. vnd ſol der pfaffen vnderſcheyd verpieten wenn man das ſacrament geb oder nit alſo das es geiſtlichen in allen by ſtumen gee. wann man ſol ye vor allen dingen in allen biſtumen gleiche ſta= tuta halten als ſy geordnet ſind in dem Concili zuͦ Basel. Man sol auch ein gemein ordnung haben auf allen pfar kirchen das man nit an einer ſtat an ders halt dann an der andern. dz geet nun leichtuertiklich tzuͦ durch geſetz vnd gemein gepet. dann in einem by ſtum peten die priſter vil anders denn in den andern. dz haben die biſchoff aber getan wann ſi piß her vaſt minch geweſen ſind vnd iſt ein verirt ding in den biſtumen worden. wenn man aber keinen biſchoff mer nymmt der ein münch geweſen iſt ſo geet leichtly klichen zuͦ Man ſol halten den ſtuͦl den der pabſt haltet mit gepot als es des erſten von den zwelfpoten geordnet wz. ¶ Ein Biſchof ſol ſein kirch en alle jar eineſt viſitieren. ¶ Jtem ein biſchof ſol alle jar eineſt viſitiern alle kirchen in ſeinem biſtum vnd wol beſehen vmb alle ding der kirchen das es. wol ſtee. vnd ob kein jrrung zwiſchen einem pfarrer vnnd der kirchen zuͦ gehoͤrende ſey dz ſoͤlchs gewend werd. ¶ Von den Weichbiſchoffen. ¶ Jtem ein biſchof ſol keinen weich biſchof haben ſy ſüllen alle prieſter ſein vnd jr officia ſelber tuͦn was in zuͦ ge hoͤrt es wer dann das ers vor kranck heyt nit thuͦn moͤcht. denn ſo mag er einen thumherrn der ein doctor in theo logia iſt oder decretis weichen zum ſtab vnd enpfelchen ſein ſtat in dem by ſtum zuͦ thuͦn das er thuͦn ſolt. kommt er aber widerumb tzuͦ geſunthayt ſo ſol er es ſelber tuͦn. er ſey dann bey ſech tzig jaren ſo mag er denn wol ſein ſtat halter halten Er ſol auch ſeinem ſtat halter ein fuͤrdrung tuͦn vmb ſein ar bait nach der gelegenheyt. ¶ Jtem wie man den ſchloßen vnd zoͤl len die die biſchof jnn haben tuͦn ſol. daz vindet man an dem letzen capitel ſo die gey= ſtliche reformacion ein ennde hat. ¶ Von ordnung aller pfarrkirchen.
	⇭	Nvn ſol man aller pfarrkirch en ordnung mercken wann ſy die wirdigiſten ſind nach Biſchoflichem ſtat. Des erſten ſol man fürſehen daz all pfarr kirchen zwen prieſter haben. wer ab er eine an der gült zuͦ klein ſo ſol man zwuͦ zuͦ einander machen. wann all prieſter ſüllen gleich pfründ haben. gle ich arbait mit ſingen vnd mit leſen haben Es iſt vnder der prieſterſchafft groſſen mißhellung dick vnd vil zwiſch en dem biſchoffen vnder in alz ich eüch ſag. Die Biſch[o]f von geyeikeyt on al le notturfft vnd wider recht ſchatzen ſy die prieſter vnd nemen in ab ſteür wider als geſchriben recht vnd zwing en ſy dar zuͦ mit proceſſen vnd pennen Proceſſen ſchickt er in des erſten von jr concubin wegen darumb das ſy die ſteür deſter ee eingeen. Ettwenn ſo kummen ſy in den pann ſy laſſen dar umb ir concubin nit. Alſo nympt der Biſchof das gelt wider recht vnnd laßt ſy ſitzen mit groſſem vnrecht vnd die vndertan in keinen genaden got es ſeyen vnd mit ein ander in abgrund der hoͤlle geen. Aber darumb das es verſehen werd ſo iſt es weger man leb als man zuͦ orient lebt vnd in hiſpania do die prieſter weiber nemen. wann criſtus hat es nit verpoten der prieſt er ſchafft. ich main es es ſey mer üb= els auf geſtanden in dem teil der cri= ſtenheyt die. Calixtus gepot hielten denn guͦtz dardurch beſchehen ſey. Dz übel zuͦ verhuͤten vnd daz man deſter ſicherer an der ſel ſey ſol man yegkl[i]chem weltlichen prieſter ein ee weib geben die junckfraw vnd rain ſey. weger iſt es teglich geſündet dann toͤtlich. es wer dann dz es ein prieſter durch go= tes willen laſſen woͤlt vnd ſein raini keit halten woͤlt den ſol man nit zwing en. Wer aber dz er ſein reinikeit über sehe vnd nit keüſch belyb ſo ſol man in nit mer laſſen meß haben piß er puͤßt drey monat in dem kercher mit waſſer vnd mit prot denn ſol ein biſchof mit im diſpenſiern vnd den noch vnwert ſein. aber ein prieſter der ein weib nimmt ein jinckfrawen der ſol ſein wuchen halten einer nach der andern. vnd die weil die wuchen werd ſol er nit bey ſeinem weib ligen. Vnd an dem ſamß tag ſo die wuchen an hebt ſich reini= gen mit der peicht. ſeinen leib waſch en mit dem pad das er an dem morgen an dem ſuntag eingee geleütert vnd ſol geyſtlich kleider tragen vnd ſein weib auch geyſtlichen ſchein pieten vnd hal ten die gantz wuchen piß die wuchen auß kommt. ſo mügen ſy ſich dan bey einander halten alz der ee zymmet. Man ſol auch die ee halten mit groſſen eren die in menigklich erpieten ſol. Vnnd wo der prieſter zuͦ der ee geet ſo ſol er all wegen goͤtliche rechte wort in ſeinem mund haben vnd der welt guͦte eben pild vortragen. Das hat criſtus vnd ſein junger getan vnd haben verkün det den weg der warheyt. vnd wz man in fürſetz dz ſüllen ſy eſſen. frid ſtifften vnd machen vnd allen menſchen den weg zeygen der zuͦ dem himel gehoͤrt dz ſelb ſol auch ſein weib tuͦn züchtig
	⇭	vnd dennocht mit der welten wonen doch ſol man jr groß ere erpieten all die wiel ſy ſich erberlych haltet. Ob aber der prieſter ſich über ſehe vnnd mit einer andern zuͦ ſchicken gewünne dz offenbar würde. ſo ſol er darnach kein meß mer halten vnd ſol ſeiner ar beit geleben dennoch verſchmechlich Wer ſach das ſy ſich überſehe ſo ſol man ſy in ein kercher thuͦn vnnd ſol dar jn puͤſſen piß an jren tod. welch= es auch vor abgeet ſo ſol das ander keinen gemahel nemen bey jrem leben wann vnmüglich ſolt man über ſehen die ee die gantz in dem ſacrament vnd in zweyen geweſen ſind das ein an= der ee nit iſt denn das es ein einig ſa crament iſt in gemein. Aber vnder der prieſterſchafft ſteen in alle ſacrament zuͦ uͤben. darumb für alle menſchen ſind ſy zuͦ eren für keyſer künig vnd allen adel niemandt auß genummen. ¶ Wie vil gült ein prieſte[r] haben sol. ITem es ſol ein jegklich prie ſter jerlich gült haben ach tzig guldin reyniſch zuͦ pfr= ünd für alle dyng dye ſol man in zwir im jar. vnd ſol wider mit zinſen noch mit zehenden nichtz zuͦ ſch= affen haben. Es ſol ein yegklich kirch einen pfleger haben der dz gotzhauß beſorg mit den dingen die zuͦ dem gotz hauß gehoͤren was daz gotzhauß in gült hat. vnd darumb ſol er jerlich zuͦ gült haben viertzig guldin. er ſol auch jerlich rechnung thuͦn vor den zway en prieſter vnd vor einem den der by ſchoff dar tzuͦ geyt vnd vier oder fünff der vndertan die dar zuͦ geornet wer= den. Man ſol auch alle begrebnnuß ab thuͦn wenn es hat cloͤſter geeffrt [?] als redlich das ſy dar mit zwing vnd penn haben vnd mit weltlichen ſachen vmb geen dz groͤßlich wider alles recht iſt vnd nit goͤtlich. vnd iſt zuͦ voͤrchten es kumm in wenig in jener welt tzuͦ ſtaten. hetten ſy es jren kinden oder rechten erben gelaſſen es wer verſe= henlich die ſel freüet ſich mer dann al= ſo. Darumb wenn man ein begreb= nuß haben woͤll ſo ſol man tuͦch oder em kleyd das guͦtt sey dem gotzhauß zuͦ eignen zuͦ gewanden zuͦ altar tuͦch ern vnd zuͦ gezierde nach dem man es haben iſt. Von der par ſol man es in dz gotzhauß tragen dz ſol auch dem gotzhauß beleiben vnnd daz wachß auch. Man mag auch bey der weil durch der ſel willen ein opffer thuͦn darumb ob er ſich yendert hie verſaumt hab an dem rechten opffern dz es do deſter ee erfült werd. dz opffer mügen wol die prieſter nemen vnnd gleich teilen vnnd in den dreiſſigſten der ſel gedencken. Man ſol auch kein jar zeyt mer ſetzen dann alle montag ſol man alweg jarzeyt begeen gemeyngklich all ſelen. wann die prieſter nemen jr pfründen an einem ſtuck. Man ſol die vier opffer gehorſam geben das iſt von angend der welt recht gewe ſen. Es mügen auch prieſter ecker weingerten haben vnd pauen vnd jr vich heben beſcheidenlich vnd erber lich ¶ Auf yeder pfarrkirchen ſüllen zwen ſein als vor geſchriben ſtett. ſo ſüllen ſy alle ſamßtag zuͦ abent veſper
	⇭	ſingen vnd am morgen meß. Auch all zwelf poten tagen vnd an der auf= fart. vnd an vnſers herren fronleych nams tag wenn die kummen. vnd dye kirchweyhe die drey tag metten ſing en. Vnd die vier hochtzeit. Wer aber das ein kirch als vil gült hett dz mer prieſter jr pfründ haben moͤchten al ſo das yegklicher dye achtzig guldin haben moͤcht. Seyen jr vier oder sechß ſo ſüllen ſy all zeyt ſingen. vnd mit den meſſen halb teylen vnd jr wuch hal= ten mit den weiber als geschriben ſteet. ¶ Von dem pfarr vnd kirchen zinß. Man ſol alle zinß es ſei auf heü ſern auf eckern auf wiſen al le abloͤſen ye fur ein ſchiling ein pfund vnnd nit mer das ſol man anlegen an ein ſtuck dauon dye prie= ſter ir pfründ nemen vnd an den achtzig guldin zuͦ ſteür haben. alſo werden al le heüſer frey vnd ander güeter. Man ſol kein guͦt noch heüſer mer beküm= ern noch dar auf ſchlahen. ¶ Jtem prieſter ſullen aller gült niemant nichtz herrſchen. es ſol ſy nicht bekümeren mer denn der pfleger ſol es thuͦn vnd verſorgen ¶ Jtem wenn der biſch= off viſitieren wil ſo ſüllen die prieſter dem viſitierer ein guldin vnnd nit mer geben. denn ſo ein neüer biſchof geſetz wirt ſol ein yegklicher pfarrer ein halben guldin im ſchenckenn mit willen vnbezwungen. alſo wirt es vmb alle pfarkirchen wol ſteen vnd werden wol auß gericht. ¶ Von den Thuͦm kirchen. NVn ſol man mercken von der thuͦm kirchen. yetz ſich die tuͦm herren gar vnoͤrdenlich halten. ſy woͤl len ſich in jrem ſtat den pfarrern gleich en vnd ſind doch recht geiſtlich mü= nch Sy ſüllen vor aller heiligen tag piß tzuͦ oſtern die langen ſchwartzen kutten tragen zuͦ refental eſſen vnnd auff dem dormitorium ſchlaffen in der zeit. Nun ſicht man wol wie die pebſt vnd biſchoff verhengt haben ſy ſind nun gottes junckher worden ſy geen alz layen in weiſſen ſchuͦchen in mderin kleydern die geiſtlich leüt nit tragen ſolten. ſy heiſſen nun von recht mieſ genger ſy mieſſen knechtt haben dye in jr korroͤck tzuͦ der kyrchen nach tragen. Man ſicht wol wann einer yetz zuͦ ſchuͦl zeücht vnd meiſter wirt ſo iſt er pald hye vnnd wirbet vmb ein thuͦm herren pfründ. ſicher hielten ſy jr regel es wer manigem nitt als gech zuͦ werben. Nun geen ſy ſichtig klich in die helle mit pebſten vnnd biſchoffen. es iſt alles in die gewon= heyt kummen das ſy nit anders wiſ= ſen denn es ſüll alſo ſein. Sy haben auf allen thuͦmen caplan die heyſſen ſy ſchweren zuͦ allen zeitten ſingen vnd leſen was ſchweren ſy. ſy ſchweren müeſſig zuͦ geen vnnd tzuͦ dem wein vnd nymmer zuͦ der metten geen. Nun haben ſy doch den namen ab horis canonicis dye caplann muͤſſen Jn jr pfrund verdienen vnnd darzuͦ vil= leycht jr knecht ſeyn. Sy benuͤgent ſich nicht mer thuͦmherren pfründen ſy muͤſſen kirchen haben auch ettlich mer dann eine oder zwuͦ. Auch der herrten pfründen alſo genoſſen vn= verdyent wie wirt die kospar gab
	⇭	gotes so üppiklich genoſſen wie hat man gotes ſo gar vergeſſen vnd hat der teüfel ſo menigklich plind gema chet. wie iſt trew ſo gar erloſchen daz ſpürt man wol an allen ſachen an den got gemaint ſol werden vnd im zuͦhoͤrt daran hat niemant kein recht lidmaß mer. gotes vnd ſeines rechten iſt gar vergeſſen. Man ſol auch keinem thum herrn kein pfarrkirchen mer laſſen. jſt er ein meyſter der gſchrifft ſo ſol man in zwingen auff die pfarrkirchen das er da predige die warheyt. Sy ſetzent aber vnwiſſent prieſter darauff dye die warheyt nit ſagent noch künden Darumb maniger falſcher glaub an manigen ſteten aufferſtanden iſt. die ſelben ſol man in den chor heyſſen geen vnd ſingen vnd leſen. darzuͦ ſeynd ſy nütz. dann alle die kunſt der gelerteſten iſt der welt nit mer nütz. ſy muͦß muͤſ ſig geen. jr ſtudieren vnd arbayt dye ſy habent gethan iſt verloren. es wirt niemant mer von in gebeſſert. Man ſol lauter verhuͤten dz keiner mer hab dann ein pfrend. Man ſol all pfarren verſorgen mit den nützen die der pfarr zuͦgehoͤren laß man die nütz niemant mer dienen dann der kirchen ſy ſeien groß oder klein. ¶ Jtem iſt aber der nütz ſouil ſo ſol man es verordnen als vor ſteet von den pfarren. ¶ Jtem ein thumherr ſol ierlichen in kathedrali eccleſia haben achczig gul din. vnd ſoͤllen ir nit mer dann xxiiij. ſein. nun vindt man wol da ir mer iſt. man ſol ſy abthuͦn vnd die geler= teſten die kerchen auß heyſſen richten. wann es wirt von in geſprochen. qui docti. Woͤlche gelert ſeind die ſchein ent als der ſchein des firmamentes. das iſt der himel. wie gedenckent die gelerten ſo wenig daran. Jch erkenn nit anders dann das ir weißheyt vnß ein weg ſey czuͦ der helle das iſt auch warlich war. Darumb alle getreüen criſten laſſent eüch ſunderlich bezwin= gen die gelerten das rechte ordnung gehalten werd. wann ſicher geſchehe es nit ſo giengen wir on zweifel mit einander in die helle. es iſt weger man richte hie ein zorn auß der goͤtlich ſei Als der prophet ſpricht. Jraſcimini et nolite peceare. Jr ſoͤllen zornig ſein vnd ſoͤllen nit ſuͤnden. ſicher man tuͦt ein goͤtlich werck. der dyſe ordnung krefftigklich durchbricht. man thuͦt romfart vnd vicht ſteigklich an die heyden mit groſſer koſt. die bebſt ge= bent groſſen ablaß der darczuͦ thuͦt. man macht ritter. got gibt vnß ſich er hie den lon der alle ding übertrifft vnd iſt verſehenlich alle vngelaubig kerten ſich zuͦ vnß. darumb thuͦ ieder man der vermanung genuͦg. wann gieng man ir auß ſo giengent wir erſt in die helle. vnnd wer an vnß gegen got weder trew noch warheyt. ITem ein thumherr ſunſt in ei nem collegio ſol haben .lx. gul din vnd nit mer. das ſoͤllen ſy verdienen mit ir ſelbs leib vnd nichtz an die caplan zelaſſen. wann im rech ten mag niemant für den andern er= fullen das er ſelb wol thuͦn mag. Es ſol yederman ſein ar[b]eyt thuͦn vmb ſein teglich brot. wer daz thuͦt der iſt
	⇭	ſelig vor got vnd der welt. ¶ Jtem auff etlichen ſtifften habent ſy ver= weſer der ſeind vier oder fünff dar= nach der ſtifft iſt dye ſoͤllent den fron altar beſingen. vnd habent in beſun der pfründ gemacht. vnnd geent dye thumherrn muͤſſig. Etlich künnen ir ſibenzeit nit beten noch ſingen noch leſen. ſolt man es reden es wer ſicher ein geſpoͤt gotes. O almechtiger got was vertregt dein weißheyt. ſicher es iſt verloren daz man die geſchrifft ſagt. ſy geent ir nit nach kein geyſtli= cher nach ſeinem ſtand. darumb goͤt liche gnad die iſt erloſchen. gotes zorn regiert überal. Sol es aber mit zuͦ re= cht kommen ſo gewinnen wir ein her ten herrn. der vnß vnſers vnrechten lonet das muͦß gottes gerechtigkeyt verhengen ¶ Jte[m] man ſol thuͤm en ire pfründen zuͦ einer ſumm ſchla= hen als ir gehoͤrt habt vnnd man ſol die ſumm teylen zuͦ ſiben zeiten. was dann einer verſaumt das ſol man im abziehen. ¶ Jtem iſt es auch dz dye thuͦmherrn an etlichen ſteten pfarrn zuͦ leihen habent vnd leihen ſy mit ge ding als der propſt des ſelben thums das ſol abſein. vnd ſol es ein biſchoff leihen vnd ein pfarrer machen einen weltlichen prieſter. der mag leben ſelb ander in der ee als vor steet. vnnd ſol weder mit probſt noch capitel nichtz zuͦſchaffen haben. dann ſeiner pfarre ſol er warten vnnd dem biſchoff ge= horſam ſein der im die kirchen vnd ſa crament empfolhen hat. Es ſoͤllent alle thumherrn es ſey in dem gantzen thuͤmen oder in den halben ſich nitt erſtreüen in die ſtat einer hin der an der her. ſy ſoͤllen zuͦ der gemein wand len es ſei dann nottürfftig vnd mitt vrlab eines probſtes. ¶ Jtem ſy ſoͤllen nichtz zeſchicken ha ben weder an gerichten noch an gelt ſchulden zuͦ vordern. Sy ſoͤllen haben ein vogt vnd ein keller die in ir ding verſorgen zwir in dem iar. vnd ſy ire pfreünd außrichten. Sy ſoͤllen keins prieſters mer haben als von vigilien fallent. dann allwegen in der wochen eineſt ſoͤllen ſy vigilien vnnd gemein iarzeit beſteen in aller maß wye vor ſteet in der pfarkirchen ordnung. Man ſol auch alle ir zinß die ſy haben auff heüſern vnd gerten abloͤſen. ¶ Jtem ein biſchoff mag ſy ſtraffen. vmb ſachen darumb ſy billich zuſtraf= f[e]n seind. aber ordnung ſingen vnd leſen vnd die ampter Custorei-kellerei meßner ampt. das hatt ein babſt zuͦ ſtraffen vnd nit ein biſchoff. ¶ Von den ſant Johannſern vnnd teütſchen herren. NVn ligt es an ſant Johann ſern vnd teü[t]ſchen herrn oder oͤrden mit den muͦß man ein beſunder geſprech haben. wann ſy ha bent boͤß gewonheyt. Dye teütſchen herrn haben ſich überſehen an mani= gen stucken. Commenter groß vnnd klein die woͤllent das kreütz tragen vnd habent ein einige geiſtliche ordnung nit. weder mit leſen ſingen noch beten vnnd die prieſter die ſy haben halten ſy für nicht vnnd als knecht. es muͦß got in ſeiner grechtigkeit ruͤren. wann keyſer vnd künig neygen einem prieſter
	⇭	billich. daz thuͦnd ſy nit. vmb dz ſtuck allein ſeind ſy billich czuͦ trucken. Es ſol auch beſchehen ſy ſoͤllent geweiſt werden zuͦm rechten des ſoͤllen ſy war tent ſein. Des geleichen die ſant Jo= hannſer haltent auch die prieſter lei= chtfertigklich. Sy zaigent auch frei= heyt die in die bebſt geben haben dye wider die heyligen kirchen ſeind vnd nit beſteen mügent an beyden oͤrden. ſy werden bald zuͦ erd geſtoſſen. dar= umb laß ich es hie beſteen von in ein ordnung zuͦmachen. ¶ Von den Benedicten vnd Bernharder oͤrden. NVn heb ich an von den Be= nedicten vnd Bernharditen das zwen hoͤrt oͤrden ſeind. wann man ſy hielt als ir veter haben auffgeſetzt ſo weren ſy ſelig vnd guͦt Sy ſeind aber zuͦ bayden teylen auß getreten vnd haltent new regel als ſy in fuͤgklich seind. Sy ſolten in iren kloͤstern ſein beſchloſſen vnd nit zuͦ der wlt wandlen. Nun beſingen ſy pfarr kirchen vnd ſeind ſchier als weltlich als die layen. Sy haben zwing vnd penn / richter / voͤgt als grafen / ſy vn derſteen ſich herrſchafft zuͦ ka[u]ffen. jr veter ſahent an das man mitt reich- tumb nitt behalten mag werden. ſy ſtuͦndent von allem guͦt. ſy haben es alles verkert / ſy benuͤgt nit. ſy kauffen kirchen vnd beſtettigent es von dem babſt vnd ſuͦchent darinn kein war= heyt. Sy klagent ſich. nun ſeind ſy ver prunnen. dann haben ſy krieg gehabt vnd manig ding ziehent ſy für. vnd iſt eins nit war. vnnd betrigent den babſt. Man ſolt den notari prennen der ſolich inſtrument macht vnd zer ſtoͤrn vnd abthuͦn die mitt ſolichen ſachen vmmgeent dardurch die gantz criſtenheyt bekrenckt wirt. Man ſol nit kirchen laſſen man sol in dye nemen wa ſy die haben / man ſol in jr alte re gel fürlegen vnd ſoͤllen die halten. dar umb das der ſchein des ordens nitt verdampt werd. wes ſol ſich die ge= mein criſtenheyt verſehen zuͤ got tzuͦ keinem troſt ſo die die groſſen geyſt lichen ſchein tragen ſolten von gott ſchwerlich abgetreten haben. Man ſol vor allen dingen alle jr kirchen al len kloͤſtern allen thuͤmen was pfarr kirchen ſeind geheyſſen nemen vnnd man ſol ſy in dye ordnung ſetzen als vor ſteet von den pfarrkirchen. vnd man ſol alle kloͤſter beſchlieſſen / das dye münch iren orden in dem kloſter halten als er auffgeſetzt iſt. ſo werden wir mit in vnd ſy mit vnß ſelig ¶ Jtem es ſol ein iedes kloſter einen kaſtenuogt haben der ſol ſy verſorgen auff dem veld ob ſy icht do zuͦſchicken haben. alſo das kein münch auff kei= ner ſtraß funden werd. Wa man aber einen fund über land zuͦ wandlen es wer dann daz einem vater und muͦter abſturb oder ſy in kranckheit zuͦ uerſehen vnd mit vrlaub seiner obern. waz an ders wer ſol man in auffhebe[n] vnd in den kercker werffen. Es iſt kein mittel mer zwiſchen layen vnd münchen mitt ſpilen / zeren geſpilſchafft. Es geet nie mant zuͦ hertzen ſolichs zuͦreden. wz tuͦt dz guͦt dz ſy haben überkommen ieder man iſt in zinßber. die laien fürchten ſy engeltens ieder man helt ſich dahin als er gnieſſen
	⇭	will vnd ſchlecht das recht zuͦ rucken. Die edlen vnd die reichen haben dye kloͤſter geeffet vnd habent ſich irer pfarrkirchen entpfremdet. darumb ſo geet es übel. ¶ Jtem die kloͤſter ſoͤllen kein begrebtnuß haben. es ſol iederman zuͦ der rechten pfarrkirchen lebent vnd tod ſein. wiewol geſchriben ſteet daz begrebtnuß frei ſoͤllen ſein das iſt alſo. Aber ſolt man gemerckt haben da dz decret gemachet ward das ſoͤliches den pfarrkirchen ſo ſchedlich ſein wurd es wer villeicht nie gemacht worden Man ſol es abthuͦn vnd nit mer hal ten. wann ſicher got hat die pfarrkir chen in ſeiner genadenreichen hand ſo alle kloͤſter zergeent. pfarkirchen dye werden von tag zuͦ tag geſchwecht Sy ſeind als freuel ſy predigen wider die pfarrkirchen vnd truckten ſy geren vnnder. Aber was criſtus geordnet hat das beſteet billichen. das ſol man halten als es von angende geordnet iſt durch die die auch in daz himelreich darmit kommen ſeind. Sehent an kein biſchoff. kein abbt noch münch wirt mer heylig. drumb das ſy wider ir ord nung lebent. vnnd gotes noch ſeiner werck nit achten. ſy bedürffen ſchier kein babſt mer. Sy geben in von tag zuͦ tag ablaß vnd freiheyt wer wider= ru𶓿t es. niemant. Der biſchoff nitt warumb / da iſt er ſelbs ein münch. oder er wirt geſtochen mit miet daz es alles ſchlecht wirt. vnnd fuͤrt ein plinder den andern in die gruͦb. es iſt vor augen daz es nymer mer zuͦ recht mag kommen. Greiff es mit dem gemein an kecklich on alles ablaſſen. ¶ Wieuil ein münch gült haben sol. ¶ Jtem ein münch der zwaier oͤrden sol haben viertzig guldin vnd nit mer die ſol er haben in der gemein. wann ſy ſoͤllen alles das zuͦſamen thuͦn vnd auß einem hafen eſſen. vnd alles das die regel außweiſt halten. ¶ Wieuil ein abbt gült ſol haben ¶ Jtem ein abbt ſol haben achtzig gul din. vnd ſol allwegen mit den conuent eſſen. es wende dann kranckheit. Es ſol bei in in dem kloſter niemant wo nen noch auffreiten es ſey dann daz er ein viſitator ſey. oder beru𶓿t ſei zuͦ einem capitel Ein abbt ſol ſein mün= chen zuͦluͦgen ein guͦt exempel vortra gen. das bricht im kein gelid. Mani ger reit in den tod von ſeins herrn wil len. Vilmer ein abbt vnd ſein münch habent got gelobt den orden zuͦhalten oder man thuͤ ſy gar ab / das iſt nitt wider got. Ein hochfertiger münch oder ein reicher münch. oder ein ge= waltiger münch der iſt nichtz wert. ¶ Sant Bernhart het einen münch do er ſtarb da wurden hinder im ge funden zwen pfenning. do hieß er in begraben in das vngeweicht. O lie= ber got wie geet es nun. wie iſt ts ſo gar erloschen. ¶ Von der gemeinſamkeyt ¶ Jtem in den zwaien oͤrden ſoͤllent ſchuͦch klayder leinwat was in zuͦge hoͤret hangen an einer ſtang. das ſol beſchlieſſen ein kaſtenuogt. vnnd do ſoll man haben hunndert guldin
	⇭	jerlich gült oder ſo vil gült dye dar= zuͦ dienent. Jſt der gleich achtzechen vnd ſol kein kleyd anders machen dann der orden haltet von recht. ¶ Jtem ein yegklich cloſter ſol auch hundert guldin geſten haben dz man über jar zücht vnnd ere thuͦn den die ſein nottur[ff]tig ſind ſy reyten oder geen wann von angend ſind ſy als ſpital er. ſy beſchlieſſen nun vor goͤtlicher ere weltlych ere iſt aber offen. ſy teyllen die gotzgaben mit hoffart dann mit wz ſol man mer erleütren man ſicht es mit den augen. Man ſol auch wiſ ſen als die zwen oͤrden an manchen ſtetten zwing vnd penn ſchloß vnd Stet jnn haben dye man in lautter nemen ſol. ſy ſüllen jres cloſters war ten vnd die ſchloß und ſtete dem reych zuͦ eygnen vnd zuͦ lechen machen. vnd dz reich ſol die hin leichen rittern vnd ſtetten dye diß beſchirmen vnd auch den ſtetten laſſen die ſich uͤben in diſer ſach vnd in der ordnung. ſicher das der adel an vil ſtetten abgenummen hat das iſt darumb das jr vordern die cloͤſter als vaſt geefft haben. Dar vmb beſehe man nun es iſt tzeit das got vor augen werd gehalten. ¶ von dem Caſten Voͤgt der cloͤſter Item es ſol ein Caſten vogt al= le jar ein rechnung haben vmb als vil gülte als im zuͦ gehoͤrt vnd nicht mer. Vnd wo der caſten vogt vernem dz ſy einnemen keiner= ley gült darüber. der ſol jar vnd tag puͤſſen in dem kercker. Hat es auch der Abbt verhengt ſo ſol er ſein wirdikeit verloren haben vnd ab ſein. des ſelben gleychen ein Prior. Was aber über alle rechnung beſteteet war tzuͦ das gehoͤren ſol daz ſol man eben mercken nach der reformacion ſo würt man hoͤren ein gemeyn capitel do ſol es ge= leütert werden. Wie vil der münch ſeyn ſüllen in einem yeden cloſter. ¶ Jtem man ſol auch wiſſen das in mangem cloſter vil ſind wo viertzig ſind do ſol man ſy laſſen abſterben auf vierundtzwein tzig. vnd wo vierundtzweintzig ſeyen do ſol es kummen auff zwelff. vnd wo zwelf ſind ſol man laſſen kummen auf ſechß oder acht zum mynnſten. Dz iſt darumb wann dye menig der per ſon laßt ſich ye einer auf den andern wo ſechß oder acht ſind in einem Chor gotes dienſt iſt leüter dann do vil ſind Sy muͤſen auch gleichlich dar an ſein. werlich vili der perſon iſt mer ſchendung vnnd mißhellung dann es nütz iſt. ¶ Ordo Premonſtratenſium ¶ Jtem es ſind auch premonſtra= tenſes das iſt ein orden dye nennen ſich geyſtlich thuͦmherren dye nemen ſich an vnnd beſingen pfarrkyrchen vnnd vermeynen gantz frey tzuͦ ſeyn vnnd ſind doch münch als dye vor= dern. dye ſüllen auch ſeyn beſchloſſen vnd ſol man in jr pfründ geben vnd gleich ordnen myt kaſten Voͤgt als vor. ſy ſüllen mit keiner weltlichen ſach vmb geen alz ander münch. ſy ſitzen yetz
	⇭	mit frawen vnd kinden alz weltlich leüt das ein vngehoͤrte ſach iſt man ſol es nit mer uerhengen. wann man thet gar vnrecht daran die ept thuͦn in kein ſtraffung wann ſy thuͦn es ſelb er. ¶ Alle in corporaciones von allen ſtifften vnd cloͤſtern ſuüllen abſein. Alle pfarkirchen frey ſein mit allen jren zuͦ gehoͤren. vnnd ſol man auf den pfarr kirchen ſingen vnd leſen. vnd der cri= ſtenheyt ein recht gotzhauß ſein zuͦ al lem troſt. do vinden wir alle gnad die vns got von angende geordnet hat vnd troͤſtlich iſt an lein vnnd an ſel ¶ Jtem alle oͤrden süllen auch lauter ein gethan werden keinen auß gennum men die von dem almuͦßen leben vnd jr pfründ haben mügen die ſüllen ſein der ordnung als vor geſchriben ſteet. ¶ Von den pettel oͤrden. ¶ Jtem die pedeloͤrden süllen auch ein geſchloſſen ſeyn vn mit beſchloſſem chor ſingen vnd leſen tzuͦ den meſſen Auff dem vordren altar mag man wol eingeen meß hoͤren frawen vnd man vnd pald her auß vnd niemant in dem cloſter bekümern. ſy ſüllen kein gült haben. man ſol in auch kein jarzeit be ſetzen denn ſy ſind verpunden für die ſellen zuͦ pitten lebentig vnd tod. dar umb gefreiet von dem pabſt zuͦ dem almuͦßen dann maniger arbeiter ſich ſunſt verſaumt an got mit ſeinem al muͦßen wirt für in gepeten. das dye vier petel oͤrden zuͦ hilff der criſtenheyt gegeben vnd gefreyt ſind. vnd von der criſtenheyt eyn bewert almuͦßen iſt dye vier oͤrden. darumb haben ſy terminierer das ſy deſter paß jr not= turfft haben. ¶ Sy ſüllen nit peicht hoͤren noch predigen. ¶ Jtem ſy ſülen nit peicht hoͤren noch predigen es wer dann daz es in einer ſtat notturfftig würd das ſol geſche hen mit eines biſchoffs vrlaub vnd nit anders ¶ Jtem es ſüllen auff jren terminierer laypruͤder ſein die durch gotes willen den pruͤdern gern dien en wellen vnd ſol kein pruͦder geen der prieſter ſey. ſy ſüllen nit auß geen ſy ſül len got dienen vnd das almuͦßen ver dienen. Man ſol in keinen geprechen laſſen vnd wilig ſein zuͦ geben. wann jr ſingen vnnd leſen iſt vns troſtlich als es auch geordnet iſt. ¶ Jtem die gült die ſy haben ſol man ableſen vnd an der prieder nutz keren alſo daz ir ſach auch lauter ſtee nach jrer regel laut vnd ſag. Woͤlten ſi ab er etwas darein reden oder thuͦn dz ſol man nit geſtatten. als ob ſy ſprech en. wir ſeien gefreit alſo Es ſind auch etlich cloͤſter hoͤchlich gefreyt dz alles ab muͦß ſein. wann ſy ſein dem hely= gen gelauben kein fürdrung noch peſ ſerung. Man ſol ab thuͦn wz zuͦ diſer zeyten wider gott vnd ein ordnung mag ſchedlich ſein. ¶ Von den frawen cloͤ= ſtern vnd von jrer gült. Item alle frawen cloͤſter ſol man beſchleſſen vnd ſol jerlich ir einer geben dreiſig guldin da mit ſülle ſi ſich in der ge= main einen ſtat halten ſi ſüllen es allez ge mein haben einre nit mer dann die ander
	⇭	das macht gemeinſamkeyt. ſy ſoͤllen mit einander gleich eſſen jr keine kein en vorteil haben. denn ein eptiſſin ſol fünfftzig guldin haben vnd auch nit mer. Sy ſüllen auch haben einen vogt der ſy beſorge. ¶ Jtem ſy ſüllen im cloſter ein ſchuͦl haben daz ſy lernen gramaticam vnd die heilig geſchrifft ettwas zuͦ verſte en. ſy mügen paß ſtudiern denn die man. ¶ Jtem ſy ſüllen von den orden ir gewand oͤrdenlich haben. daz ſol der vogt uͤber schlahen die menig der per ſon vnd ſol von den gülten ein ſum zie hen das es beſteen müg. haben ſy üb erig ſo vindet main in letzten nach der ordnung wie es dar umb beſteen ſol haben ſy aber zuͦ wenig ſo ſol man der perſon deſter mynnder machen vnd die frawen in ein ander cloſter des or= dens thuͦn dz gült genuͦg hat. Man sol alweg alz vor geſchriben ſteet alle tzinß abzuͦloͤſen geben vnd in die anle gen tzuͦ einer erfüllung jrer pfründen ¶ Alweg ſol man verhuͤten daz die cloſter frawen mit niemant zuͦ ſchick en noch tzuͦ handlen haben zuͦ der welt Es iſt ſcheder dann von andern oͤrden Die cloſter frawen haben gar ein hoch fertigen wandel wo ſy tzuͦ der welt kum men ſy haben mer acht wie ſy der welt gefellig ſeien dann dem orden oder got ſy wiſſen mer von der welt zuͦ reden dann die in der welt ſind. ¶ Von dem tuͦm cloſter frawen Lindaw vnd zuͦ sant Seffan. ES ſind auch tuͦm cloͤſter frau en die vermainen frey ſein. Sy tragen alle farb ſy geen zuͦ hoͤf en ſy nemen mann ſo ſy woͤllen. ſy ſind weltlich vnd geyſtlich wenn ſy wellen es iſt ein buͤbrey. es iſt gleich als ob man gotes ſpott. man ſol ſy gantz ab thuͦn vnd auß laſſen geen tzuͦ der welt oder ſy ſeyen eingeſchloſſen alz die an dern cloͤſter dienen got vnd nieſſen ir pfründ goͤtlich. es iſt mit gott nit tzuͦ ſchimpffen. man ſpricht es ſey der edlen ſpital ſy erben aller meiſt die cloſter frawen. Es iſt zuͦ voͤrchten das dye gantz criſtenheit hab gotes vnhuld das man ſoͤllich ſach vertreyt vnnd ein orden ſol ſein. man ſol es nit mer vertragen dar an thuͦt man gott ein dienſt. ſy tragen in dem chor ſchütter vnd ſingen vnd leſen in mentlen gantz geyſtlich. wenn ſy aber auß der kirch= en kommen ſo ſeyen ſy weltlich. wie gefelt es got ſo wol halt man nicht daruon. Die thumherren geben in vr ſach das ſye es deſter veſter thuͦn wo ſy zuͦ in kummen. jr ſind als wir. wir habtn freiheit. O der freiheyt all thuͦm herren ſind lauter münch. wenn man es recht wil anſehen. ſy thuͦn was ſy luſt. niemant ſtrafft ſy noch keinen orden. Das macht das dye heubter alle in die gruͦb gefallen ſind mit den vnrechten. Vnnd ſunder hat ſy der poͤß geyſt geſtrickt vnnd gefanngen Das nyemant nichtz thuͦn mag das zuͦ got gehoͤen ſol. ES iſt eyn notturfft das vns gott durch ettwas zuͦ verſteen gebe vnſer vnrecht Das beſchycht auch yetz
	⇭	Die meiſter vnd vnſer herr der keiſer die vns das zuͦ wiſſen thuͦn iſt gnuͦg zuͦ got vns zuͦ einer ermanung ob wir got foͤrchtig woͤllen ſein oder nit ob wir ſein ſach zuͦ recht woͤllen bringen oder nit es ligt vns nun allen vor den aug en. wir wiſſen vnd erkennen allen vn recht. wie es regniert. Nun ſeien wir genuͦg tief ermant reich vnd arm jung vnd alt niemant auß genummen kein gepot mag wider diſes nit geen als die geiſtlichen für wenden moͤchten vnd ſprechen. niemant ſol über ſeinen mei ſter ſein das iſt war all die weil der meyſter den knecht heiſt das wider got nit iſt vnd der meiſter dz ſelb hal tet. Aber nun ſo mencklich ſicht wo mit man vmm geet ſo iſt mencklich ge poten bey dem eyd den wir gott ge= ſchworen haben in dem tauf dz man das recht hanthabe vnd daz vnr[e]cht zerſtoͤr. ¶ Got hat alweg von einem altar zuͦ dem andern der sechs verlof fen ſind groſſe wunder auf ertreych laſſen fürgeen die geſchehen ſind. nun iſt dz letzt alter yetz verloffen. es muͤſ ſen yetzt wunder ergeen der iſt zwelff Nun tuͦt vns goit ein ermanung yetz vnd wil vns verſuͦchen. Gedenck ieder man das wir die ermanung in das recht keren aber wir werden ſchwer lich gotes zorn haben. dz iſt yetz vor augen als war got in weſen iſt. Jch main woͤlte herrn vnd rechſtet nicht darzuͦ thuͦn man fund getreü criſten in der gemeyn die jr ſelen vmb got nit überſehen piß in den tod. wann aber vnder den kleinen ein soͤlichs auf er= ſtend ſo vurde ein groß mißhellung vnnd wurd einer den andern toͤten dz kan der tüefel wol zuͦ wege bring en wann er iſt tauſent künſtig wann yetz laider hat er die gewaltigen ge= ſtrickt dz ſy nicht tuͦnt ſy mügen nicht thuͦn. wenn ſy ſind verherrter im vn rechten. aber got laßt die ſeinen nit ſchlahe man froͤlich dar an ſicher es geet geringklichen tzuͦ. wer auch in diſer ſach ſich hindert der geyt ſich offenlich dar daz er got vnd dz recht nit lieb hat. ¶ Jtem man ſol in auch pillich enpfremden all criſtenliche frey heyt dz bekenn yedermann in diſer ge geſchrifft von vnserm herren dem key= ſer in ermanung genuͦg beschehen. ¶ Von den Begein en vnnd Nolharten. NVn ſol man wiſſen das an vil ſtetten begeynen ſind vnd vermainen tzuͦ haben ein dritte regel ſant franciſſen. jch main sant franciß woͤlt das eyne nit auf ertreych were. ge= denck yederman wem ſind ſy nütz ſy ſind der barfuͦſſen kelnerin. ſy ſchrey= ben in zuͦ was ſy woͤlen. ſy nieſſen dz almuͦßen wider alle recht. Dz almuͦſ en das die barfuͦſſen nieſſen dz iſt be= wert. Aber daz ſy in der dritten regel nieſſen iſt weder goͤtlich noch recht woͤllen ſy geyſtlich heiſſen zeygen ſy jre werck. Sy ſind in manigem conci li verſcholten vnd ab heiſſen tuͦn man ſol in nicht geben als .Muͦlperg pre diger er hat recht. iſt im got zuͦ dienen lieb ſo geen ſy von der welt vnnd ſch ließen ſich ein vnd nemen kein almuͦ= ſen noch mal. wer in das geit oder
	⇭	almuͦſen wuͦchenlichen gibt der thuͦt wider alle criſtenliche werck. wann woͤllen ſy einen ſchein tragen den tra= gen ſy in ſelbs. Sy ſoͤllen kein geltent guͦt haben dann lauter ir arbeyt leben zuͦ niemant wandlen bei der welt / nien dert heimlich ſein dann in todes noͤ= ten vnd in kranckheyt / das thuͦnd ſy dannocht nitt dann vmb ſold. Sy wandlent zuͦ der welt vnd plaſmie= rent. Er iſt ein hoher prediger. Er iſt ein guͦt man. er bederfft diß vnd daz der im hulffer thet im wol / vnd an ders wa auch k[u]plerei treibent. Sy heyſent an etlichen ſteten zuͦſamen fuͦ gerin. warlich nem man ſein war es kan nichtz in einer ſtat fürgeen ſy wiſ ſen es alles. kriegt ein man mit ſeinem weib ſy redent darein. was ſol man ſagen. heyß man ſy außgeen oder die welt vnbekümert laſſen. man beſch= ließ ſy ein wenn ſy gotes ſeind vnnd leben irer arbeit. verkauffen ir arbeit vnd kauffen ir narung. das vertrag man in vnd nichtz anders. Sy ſoͤllen zuͦ den barfuͦſen nit geen weder heim lich noch offenlich ſicherlichen das iſt nütz das wirt man ſehen. ¶ An vyl ſteten geent ſy mitt wunder vmb. ſy entzü[n]dent vil kertzen vnnd leſchent dann eine nach der andern ab. vnd treibent wunder als die gaugler. vnd machent ablaß vnd ſtifftent von in ſelber vyl wunders. das man wene ſy ſeien etwas vnd ſeind augendiene rin. Auch bringent ſy eeleüt darhinder das ſy in den orden tretent. vnd als offt ſy bei iren mannen ligent vnd ſy beſchlaffen ſo ſoͤllen ir regel vnd den orden gepunden ſein ir geſatz zuͦ geben das ſy auffgeſetzt habent / alſo wirtt die welt betrogen. Man ſol nichtz von in halten. man bedarff ie nicht. heyß man ſy mann nemen vnd criſtenliche werck thuͦn. Diſe heylige criſtenheyt iſt von criſto iheſu wol geordnet. er hat nie gedacht. laß man ſy hinfallen ſeind weder got noch der welt nütz. ¶ Von den nolhart pruͤdern. ¶ Jtem des geleichen iſt auch vmb die nolhart die man offt vnnd vil in den concilien verdampt hat mit den begeinen vnd gebannen. vnd die mitt in die in in irem ſchein raten vnd hel= fent. noch enthalt man ſy zuͦ gleicher weiß als man geren wider gott tuͦn woͤlle. Man vindet ſtarek nolhart. die ſunſt vmb keiner ſach willen nol hart werdent dann das ſy muͤſſig genger werden. Jr gebet ir ſchein iſt vor allen weiſen für nicht zuͦhalten. wann ir almuͦſen zuͦnemen vnnd zuͦ geben iſt nit bewert noch beſtetiget. ¶ Wer das almuͦſen nemen müg oder nicht. ¶ Es ſeind vierley leüt dye das al= muͦſen nieſſen vnd nemen mügen mit got [vnd] mit recht das auch in allen rechten bewert wirt      Pilgerin ¶ Jtem die erſten ſeind pilgerin. ſy ſeien reich oder arm. oder aber herrn in fremden landen werden vnd heim zugen / haben ſy gebreſten oder wurd= dun ſy beraubt. als vil vnnd dick ge= ſchicht den iſt erlaubt mitt allen re= chten zehelffen. Es ſeinen ritter / freien grafen. wie ſy dann geheyſſen ſeind. vmb das das ſy heim kommen mügen.
	⇭	¶ Die andern das ſeind die vier be tel oͤrden, Barfuͦſer. prediger. augusti ner. vnd carmeliten / Darumb wa ſich das volck iendert verſaumte an cri= ſtenlicher ordnunge oder buͦß das yr ſingen vnd leſen vnnd ir guͦtheyt zuͦ ſtatten komme der gemeinen Criſten= heyt. Es ſol gar demuͤtig ſein ir ſin= gen vnd ir leſen. aber ſy ſingen in dem chor yetz der welt mer dann gott. ſy machent yetz orgeln vnd treibent alle kluͦgheyt als werent ſy lauter layen= pfaffen. ſy ſtudierent yetz der welt me dann got. Einer will ein iuriſt ſein. der ander ein artzet. vnnd ſchlahent nichtz ab durch gotes willen. Jch ſa ge eüch für war ich fürcht wir wer= den innen das wir ſy ſo großlich ge= effet haben mit zinßen vnd mit gül= ten. das wider ir rechte regel iſt. dar= umb wir vnrecht thuͦn wider alles recht. er ſey biſchoff die es verhengen die gewaltigen die es beſchirmen. die gemein die in darzuͦ ſtymment. die all komment in dye helle. ¶ Nun moͤchte man ſprechen. das ewangelium ſagt das kein guͦt werck vnbelonet bleibt von got. das iſt war. hulff man dar zuͦ vnd thet yederman darzuͦ das yet licher ſein regel vnd ordnung hielte. als es goͤtlich vnd recht angeſehen was. die weil auch das beſtuͦnde da warent ſy heylig. aber nun ſeien wir mit in des teüfels Jr gebet waz des mal fruchtber vnd nütz ſy verdienten ir almuͦſen. wie es aber nun verdient werd des waiſt got wol. man ſol ye fürſehen das ſy kommen zuͦ irem rech= ten ſtat ſo werden wir mit inen ſelig. vnd gantz vnd gar die begeinen vnd nolhart ablaſſen geen. wann ſicher wer in das almuͦſen gibt das da nit erlaubt iſt der thuͦt ein rechte todſünd. Man künde gar wol vil erzelen vnd ſagen was übels von nolharten auf erſtanden iſt. ¶ Eines mals da waz das wirdig künigreich gantz vertre ten. darzuͦ bracht es ein nolhart dar umb man noch heüt bey tag kein hal ten ſol in allen künigreichen. Heyß man ſy arbeyten vnd thuͦ man ſich ir ab do thuͦt man got einen dienſt an. ¶ Wie die pfarrkirchen verſehen ſoͤllen werden iſt nun zuͦ mercken. ALs man nun gehoͤrt hat wie die geiſtlich ordnung ſein ſol Nun aber ſol man wiſſen wie alle pfarrkirchen wol beſorgt werden mit kirchenpfleger. Es ſoͤllen allwe= tzen zwen recht bawmeyſter bey iet= licher pfarrkirchen sein die do einne= men was der kirchen an den paw ge= geben wirt. Man mag vnd ſol ſ-etzen einen kirchenbaw beſcheydenlichen. das allwegen gotzheüſer bei würden vnd eren beleiben mügen. vnnd alle tag daran bytten vnd ſamlen dz iſt recht vnd gar wol angelegt vnd ein heylig werck. ¶ Das hat vnß Cri= ſtus vnſer himeliſcher vater wol be weiſt in dem heyligen ewangelio dz marcus ſchreibet der ein gantzler iſt geweſen vnſers herrn. Jheſus ſaß ei nes mals vor dem tempel ſalomonis vnd ſahe wye man gelt gab an des tempels baw. Die reichen wurffent vil dar. da kam ein arme witwe die
	⇭	gab zwen pfenning. Do ruͦfft er tzuͦ den iungern vnnd ſprach. Dye wit= we hat mer geben dann iemant an= ders. ſy hat geben was ſy hat. die an dern habent das nit gethan. die hat den tempel mer gebawen dann Sa lomon. ¶ Es ſoͤllen die kirchenmey= ſter beſehen allen gebreſten der auff= erſteen moͤchte vnd künfftigen ſcha= den bringen moͤcht. vnd als vorſteet wie man die herrn außſteürt mit iren pfründen. dann ſy nichtz zethuͦn noch zuͦſchicken habent. was dann von gülte überig were von zeheden das ſol an den baw warten. das alle zier der kirchen wol ſteen. Es ſei an leü= chter / kelch / buͤcher nichtz außgenom= men. vnd soͤllent auch darumb ierlich rechnung thuͦn. ſo beſteent die kirchen allwegen wol. Es ſol kein pfarkirch anderſtwa hin dienen mit keinem guͦt es ſol ein ietliche kirch das ir zuͦgehoͤ= ret ſelber haben. ſo frewent ſich die in iener welte die es darzuͦ geordnet vnd geben habent. vnd iſt auch troſtlich ſo wirt auch niemant dardurch ver dampt. wann ſy nieſſen es nun groͤß lich vnuerdient layder. ¶ Jtem es ſoll kein eeprecher. noch keiner der in ſchweren ſünden ſey oder verleymdet were. die ſoͤllen ſunderlich mit keinem kirchen guͦt nichtz zeschaf= fen haben. noch offen wuͦchrer. noch manſchlechtig. ¶ Jtem man ſol wiſſen dz aller not türfftigeſt iſt. das man einen guͦtten meßner hab. der einen guͦten leümden hab. frumm vnd bider ſey vnd zuͦ dem mynſten accolitus ſey. das er gedürr anruͤren buͤcher. kentlein vnd die be= reytung zuͦ der meß. Er ſol auch kün nen einen prieſter durchauß antwur= ten. ſy ſoͤllen deſter beſſer pfrenden ha ben. das ſy wol warten mügen. Sy ſoͤllen auch rein ſein der nacht ſo einer bey einer frawen gelegen iſt in ſünden wyewol es in der ee were. er ſoll ſich fruͤ leütern mit der beicht vnd zuͦ meß helffen. er ſol ſeinem gewiſſen genuͦg thuͦn. ſo wirt der goͤtlich dienſt reini klichen vollendet. wann der prieſter ſol auch rein ſein in ſeinem ſtate. Es iſt kein pfarrkirch ſy hat wol ſouil dz alleding wol beſtellt werdent. wann jr alle nütz dienen ſoͤllen. ¶ Jtem man ſol auff allen pfarkir= chen fruͤ im tag drei zaichen leüten. vnd in der leng das ein mensch wol leüchtigklich fünff paternoſter vnd fünff aue maria beten müg. vnd ſich vnſerem her[r]en empfelln. dyß iſt den fünff wunden in ſein marter ſich der menſch empfelhen ſol. ob er auff den tag nit mer thuͦn müg. das doch daz dem menſchen beſchehe zuͦ guͦttem. Jtem gegen der nachte auch des ſel= ben geleichen. ¶ Darnach die driten ſeind die ſun derſiechen den ſoll man auch das al= muͦſen mitteylen. ¶ Dye vierden dz ſeind dye gepreſthafften der gelider / das ſy ire narung nit gewinnen mü gen. Nach ietlicher pfarr gelegenheit ſol man leüten die andern zeite als es ſitlich vnd gewonlich iſt. ¶ Von den geyſtlichen hauptern. das die kein ſchloß oder ſtatt haben ſoͤllen iſt zuͦmercken.
	⇭	MAn ſol auch wiſſen das not türfftig iſt als vor geſchri= ben ſteet von den biſchoffen. vnd apten vnd den geyſtlichen haup tern das ſy kein ſchloß feſt noch ſtat zwing noch penn haben soͤllen / noch recht iſt. Sy ſoͤllen alle ſteen vnd fal= len an einen roͤmiſchen künig. zuͦ dem reich. der ſol ſy czuͦ lehen machen den herrn rittern vnd knechten vnd reich ſteten. darumb das ſy dem reich bei= ſtendig ſeien. vnd verhuͦten das diſe ordnung vnd ſatzung nit gebrochen werd. vnd ſunderlich den dye lehen zuͦ loe-ſen kommen von dem reich die kirchen guͦt nieſſent das ſchwerlichen wider got iſt. das ſy nit als ſchwerlich ver lieren vnd deſter willigklicher abſtan den. wann inen iſt erlicher ein pfund gelt von dem reich dann zehen pfund kirchen guͦtz. wann doch der kirchen billich dienen ſol das ir dann niemantz anderem. wer aber nitt geren abſteen wolt den ſoͤllen dye reichſtet bey der vordern pen ſtraffen. es ſei an leib oder an guͦt. aber es iſt verſehenlichen ſich ſetze niemant hiewieder dann die auch nit guͦt criſten woͤllen ſein. do dienet man auch gotan daz man ſy vertrei bet vnd abthuͦt. ¶ Von zoͤllen. ¶ Man ſol auch wiſſen dz alle land gar ſchwerlichen überſetzt ſeind mitt zoͤllen. in iegklicher ſtauden iſt ſchier ein zol. es mag ſich ſchier ein land des andern nit troͤſten noch zuͦſtatten kom men. noch niemant dem andern kein recht pfenwerd geben das alles von zol wegen geſchicht. ¶ Wie zoͤll erdacht ſeind. IR ſoͤllent hoͤren wie zoͤl des er ſten angeſchlagen wurden von einem keyſer. Es waren wil= de gebürg da man ſtraß über haben muͦſt. Des geleichen auch über wa ſer. da ward angeſehen daz er billich von gemeiner hand gemacht wurd vnd ward auffgeſetzet ein gemeiner zol in der maß. das niemandt keinen zwang noch drang darzuͦ haben ſolt vnd bat man vmb die hilff. in beſeck let niemant dann das er verpawen ward. Dann wer zoͤll anderſt wa hin thuͦt dann da er von recht hingehoͤ ret der neüſt den wücher. er nymnet in einem ab der er jm nichtz ſchuldig iſt. er ſol es buͦſſen als wuͦcher guͦt. wann ſo man ſein nitt bedoͤrfft weder über waſſer noch gebürg. ſo ſol man in abthuͦn / biß das man ſein aber be= darff. oder klein machen vnd den guͤt lichen heyſchen. dann ſo moͤcht man wol lender bauen daz man ſunſt nit thuͦn mag. Nun nement geiſtlich vnd weltlich vnmeſſigen zol wider gott dannocht freuelich. ſy haben ein recht darauff geſetzt. wer den zol verfuͤret den greifft man ſchwerlich an. vnd ſprechent ſchier leib vnd guͦt an. vnd iſt alles wider got. vnnd wer in alſo freuelich einnymt der thuͦt czwifach vnrecht vnnd groͤßlich wider gott ¶ Jch ſag für war. wer zol einnymt vnd den nit anlegt das er verpawen mag werden. das der alſo wenig behalten mag werden als ein offner ſünder. oder wuͦcherer. darumb ſchlag man den zol ab. die zwen teyl. vnd leg man
	⇭	den dritten an vnd beſeckel es niemant. ſo mag man deſter leichter wandlen wer aber das nit thuͦn wolt vnnd das gemein vnrecht mit gewalt ne men wolt. iſt er ein herr ſo mag ieder man angreiffen vnd erlaubt ſein. dz ſein iſt. Vnd wem er auch abnympt mitt vnrecht das ſein das ſol lauter abſein noch kein freiheyt mer haben. ¶ Jtem wa ſolich ſtet weren da man zoͤll haben muͤſt von ſchwere der weg zuͦ pawen vnd in die geyſtlichen inn hielten den ſol man in lauter nemen. vnd ſol in die ſtatt verſorgen an des reichs ſtat. wann alle zoͤll ſol dz reich verſorgen. Haben aber weltlich her ren zoͤll inn die ſoͤllen sich bekennen dz er in in lehens weiß empfolhen ſey. ſy mügen von recht nit geſprechen das er ir ſey. Er iſt des erſten von keyſern. vnnd bebſten erlaubt der gemeinen welt zuͦ hilff vnd zenutz. ¶ Jtem ein prieſter. ein orden man. ein ritter. ein knecht. adel soͤllen nit zollen. Die geiſt lichen darumb das ſy ſeind des die= ner von dem alle vnnſer freiheytkom= met. vnd der ein haupt iſt aller geſch oͤpffte. Der adel darumb das ſy das recht beſchirmen vnnd verhuͤten. yr leib vnd auch ir leben darſtrecken ſind Es weren zoͤll nie auffgeſtanden wer es nit an den keyſer Conſtantino ge= bracht worden. wie man ſteg vnnd weg bawen muͤſt. da erlaubet er daz man von der kauffmanſchaffte dye man ſchwerlich über die gebürg vnd waſſer bringen muͤſt. vnd ward an geſchlagen das ein guldin eineſt ſolte steür thuͦn ein kleinen pfening dz wolt der keyſer dannocht nit beſteten. alſo vindt man es lauter in den alten kro nicken. dem nach kein gemein volcke reitent oder geen keinen zol geben Nun hat man es zuͦm rechten bracht vnd ſchlecht man an vil ſteten niemant auß weder geyſtlich noch weltlich. Es ſteet jm rechten wer von einem geyſtlichen man zol nympt der iſt in babſtes pann. vnd hat auch der tzol ſein freiheyt verloren. wer das nitt wiſſen woͤlle das haltent keyſerliche recht. do vindt er es. ¶ Jtem es ſol ein ietlicher zol in zehen iaren erneüt werden. ob er müg gemindert oder gemert werden. nach gelegenheyt der gebürg oder waſſer. darumb dz nie= mant vnrecht geſchehe vnd auch kein boͤſer auffſatz aufferſtand. ¶ Jtem es ſol in ietlicher ſtatt zwen erwelet werden die leiblich einen eyd ſchwe= ren den paw zebeſehen. es ſey auffge bürg oder auff waſſer. prucken ſtegen zuͦ verſorgen vnd zuͦuerſehen. das nie= mant vmb das ſein in ſtarck ſchaden komm. vnd wa das überſehen wurde das an einem zol yemant verwarlo ſet wurd. das ſoͤllen die ſtat vnd herr des die zoͤll ſeind gantz vnnd gar ab tragen vnd vnklagber machen. ¶ Von anderm weg tzebeſſern. NVn ſol man mercken vmb an der weg zepeſſern auff der eb= nen durch kot vnnd lachen. Man waiſt wol das in allen ſteten vnzucht meyſter ſeind die bey iren ey den all vnzucht gelt ziehen ſoͤllen nach der ſtat pen vnd gewonheit. Nun iſt von recht vnzucht gelt wer vnzichtig
	⇭	gegen got iſt vnd auch gen der welt als git verſchweren ſchwerlichen. darzmb man in in ein eiſenhalten ſch lecht. vnd do eine oder einer zauberei treibent. oder dz künd oder außgeb. oder ſteg oder weg darzuͦ geb. es ſey fraw oder man das eeleüt dick wyder ere ir ee prechen. die das theten ſol man billich thürnen vnd beſchetzen. vnd offen eeprecher. Solich ſchwer ſünd ſol ein rat ſchetzen vmb zeitlich guͦt. darzuͦ ſy richten den geyſtlichen tzuͦ buͦſſen. was da die vnzüchter einne= men das ſol auff die ebnen vnd in die pfützen gepraucht werden. wann als die weg ſchwerlich vnſauber ſeind. ſo ſol man das gelt mengklichem vn der die fuͦß werffen. ſo wirt das ſün dig gelt zuͦ guͦtem bracht. vnd wirdt die ſünd vertreten. alſo werden guͦte ſtraſſen. vnd ſol niemant das gelt be ſecklen dann darzuͦ es gehoͤrt / es wer anderſt aber ein groſſe todſünd. ¶ Jtem als aber freuel vallent vmb pluͦtrüß vnd ſtetrecht eder herrnrecht. zuͦ bieſſen ſteet waz dauon gefellt ſol man an einer ſtat paw keren. vnd dye gepeü darmitt in eren behalten. vnd wa der dreier ſtuck an keinem verzeret oder überwurd ſo ſol man es an daz ander legen. alſo das dye drei puͦſſen einander beholffen ſein ſoͤllen. ſo wer= den ſy wol beſorget. ¶ Von zünfften in den ſteten. ITem es iſt auch zewiſſen daz in den guͦten ſteten. nemlichen reichſteten. zünfft ſind die ſind nun ſer gewaltig worden vnd muͦß man dye zünfft groͤblich kauffen. ſy machent geſatz vnder in als etwan ſtet gethan haben / ſy ordnent an vyl ſteten den rat wie vil auß iegklicher zunfft in den rat ſoͤllen geen. diß heyſt in einer ſtat vna parcialitas. vnd iſt nit ein rechte gemeinſamkeyt als ich eüch ſag. Jſt es ein zunfft dye man ſtraffen ſollte von ires handwercks wegen das ſy volfuͤren das einer ge= meinde in einer ſtat nit wol kommpt als metzger die das flaiſch zeteür ge= bent. oder becken die das brot zeklein bachent.oder ſchneider die zegroſſen lon nement. vnnd des geleichen. wye das nun iſt das von zünfften dye in dem rat ſitzent vnd der ſtat vnd ge= mein trew vnd warheyt geſchwo= ren haben. ſo hilfft doch dick ein zunft der andern / als ob ich ſprech hilf mir ſo hilff ich dir. des geleichen mitt über ſehen. damit iſt dann die gemein be= trogen. vnd gebent kein recht pfenn wert niendert. Das erkennt nun me nigklich wol das es groͤßlich wider got vnrecht iſt. vnd werden die eyd überſehen. vnnd ich fürcht das man komm ſichtigklich vnd vnbedechtlich in die hell. Es iſt nun alles kommen in gewonheyt das es ſy nun recht dun= cket. vnd nichtz darauß beichtent dz ſy hoch ſchweren der gemein vnd der ſtat. wolt man aber innen werden dz ſtet guͦt wurden vnd ieder man dem andern getreü were ſo thet man dye zünfft ab. vnd wer mengklich gemein vnnd wer niemant dem andern bey ſtendig vnnd wurde der rat lauter. woͤlche dann des rates weren was ſy rieten des heten ſy keinen hamer[ſch]
	⇭	ſchlag noch hülff als nun geſchicht. vnd wurden rechte pfenwert gege= ben. vnd haufften ſich dye ſtetgroͤß= lichen / ſunſt ſo ſpricht iederman. ich wird überſetzet. vnd ſeind herrn vnd land vnd leüt darumb den ſteten gram wann in den ſtetten alle ding gemein weren. herrn vnnd iederman werin auch gemein. ſunſt wirt einer erzür= net in einer zunft ſo iſt die gantz zunft erzürnet. laß man es in ein gemeinſa me kommen es ſol ſicher niemandt ge= rewen. Diſer rat iſt guͦt vnd wil euch ſagen wie. wann diſe ordnung nun gehalten muͦß werden ſo ſuͦcht es ſich jm rechten ſelber. das es nitt beſteen mag. hab man ſunſt geſelſchafften. das niemant den andern außſchlag von allen handwercken vnnd geen zuͦſamen ſo gybt es weder kalt noch warm. vnd iſt iederman dem andern gleich. vnd ſeind dye redt dick vnnd vil vnbekümert. ¶ Das iederman ſein handwerck vnd gewerb treiben ſol. ITem es iſt auch czewiſſen ein arges in ſtetten vnnd auff dem land an vil enden dz einer gewerb hatt mer dann jm zuͦgehoͤret. ¶ Einer iſt ein weinman vnd hatt darzuͦ saltz fayl. oder tuͦch. Einer iſt ein ſchneider vnd treibt auch kaoffmanschafft. alſo wer nun baß mag der kaufft vnd verkauf fet. welcherley in bedunckt den pfen= ning zuͦgewinnen. oder zeprinngen ¶ Woͤlt ir aber hoͤren was keyſerli= che recht gebietent. vnnſer vordern ſeind nitt narren geweſen. Es ſeind handwerck darumb erdacht das ie derman ſein teglich brott gewinnen ſol damit. vnd ſol niemant dem an= dern greiffen in ſein handwerck / da mit ſchickt die welt ir notturfft vnd mag ſich yederm[a]n neren. Jſt einer ein weinman ſo gee er damitt vmb vnd treib kein ander ding darzuͤ. iſt er ein protbeck das ſelb treib er etc. a[l]ſo kein handwerck außgenommen. Vnd man ſol behuͤten bey keyſerlichem ge bot vnnd bey viertzig marck goldes wa man innen wurde das die reich ſtet das überſehen das yemant dem andern in ſein handwerck greif mit keinerley gwerb. beſchehe es aber vnd man ſein innen wurd ſo ſol dyſe pen on alle genad in desroͤmiſchen küni ges kamer geen. vnd dannoch in die gehorſam geen in vngenad. ¶ Von der kauffleüt ordnung ES iſt auch zewiſſen als die kauffherrn farent über moͤre gen venedig oder wa ſy hin farent die wiſſent nun wol auff woͤl che zeit ſy ſich auffheben ſoͤllen zuͦ fa= ren vmb ir kauffmanſchatz. dye trei= bent nun groſſen alenfantz als ich eü che ſag. Wann dye kauffherrn zuͦſa= men kommen es ſey zuͦ venedig oder an= derſwa. ſo thuͦnd ſy dick eins. es ſey guldine tuͤcher. ſamatin. ſeidin. was von koſtlichen tuͤcher ſeind. oder es ſei gewürtz / imber. pfeffer / negelein. zimetroͤr nichtz außgenommen vnd ma chent einen anſchlag der in fuͦgklich iſt vnd überſchlagen bei einander dz einer zuͦ wienn waiſt wie man es hie
	⇭	kaufft. vnd ſy des geleichen auch vnd ziehent ſachen ein. es ſey übel a[u]ff dem moͤr gangen. Etwan vinden ſy fünde darmit ſy fürkomme[n] gemeinen nutze vnd nement gewin wider alle recht Nun aber ſoliches züfürkommen ſo ſol man an allen porten des moͤres wa die porten ſeind haben ein inſigel des roͤmiſchen reichs. vnd was kaufman ſchatz da gekaufft wirt ſol man gar wol beſchawen das ſy geſündert ſey alle würtz vnd ſpecerei das ſy gerecht ſeien. darumb zwen ſchweren ſoͤllen an ietlicher port des moͤres die darzuͦ nütz getrew vnd guͦt ſeien zuͦ beſehen vnd die ka[u]ffmanſchatz verbrieffen. eygentlich in geſchrifft vnnd wie es gekaufft ſey. das ſol man verſiglen. vnd weren mit dem inſigen Das ſol lent nun die kauffleüt alſo zuͦlannde bringen. vnd ir kauffmanschatz in ein gemein kaufhauß füren. vnd do ſol es beleiben byß das ein oberſter in der ſtat mit zwaien oder dreien dye dar= zuͦ erwelt werden von einem rat. dz beſehen. vnd den brieff leſen. Darnach ſol ein kaufherr geen mitt dem ober= ſten vnd den reten vnnd ſoͤllen über= ſchlahen wie manigen tag er ſein kauf manſchatz gefuͤrt hab. do ſol man für einen ietlichen tag vnd für alle ande re ding an pfeningen alles rechnen. Alſo hat er hundert guldin ſo hat er alle tag acht ſchilling vier pfening. Dann ſol man jm den anſchlag tuͦn nach dem überſchlagen wie er die ym ber vnd ander ſpecerei geben soͤlle. al= ſo beſchehe yederman ein geleiches. vnd kauffte man wol vnd beſtuͤnde mit got. ſunſt ſo geben die kaufherren auch ir ſel dar. wiewol das iſt daz ſy dick leib vnd guͦt wagen muͦſſ ¶ Von den groſſen geſelſchafften. ¶ Jtem es ſeind groß geſelschafften. aufgeſtanden die zuͦſamen ſpannent vnd treibent große kaufmanſchatz. es gee in wol oder übel ſo ſcheiben ſy es ye darnach das ſy nitt verlieren. das kommt aller gemein in den ſteten vnd auf dem land uͤbel. Man ſol darwi der ſein das ſolich pontnus abgeſtel let werden vnd niendert mer gefun= den werd. von edlen noch von bur= gern. Wer aber ſich darüber in eini= che geſelſchafft verbund. iſt er ein bur ger in einer reichſtat ſo ſol ſein kauff manſchatz ledig vnnd verfallen ſein vnd ſol in darinn nichtz beſchirmen Jst er edel ſo ſol er ſein in des reiches vngnaden. vnd ſein kaufmanſchatz me nigklichen erla[u]bet ſein. Man ſol vor allen auffſetzen in allem kauffen feſt tigklich verhuͦten. wann laider yetz die aufſetze allen landen wee thuͦnd. es ſcheydet trew vnnd gemeinſame gar. wer ſeinen gewerb treiben will der nem einen fürhand vnnd laß die andern fallen ſo mag ſich yederman erneren vnd das iſt goͤtlich. ¶ Von dem bauman vnd rebman ITem ein pauman ſol ſeinen ack er pauen. Ein rebman ſein wein garten. alſo ſol es ſein in allen handwercken. Wer es überſehe der so[l] einer ſtat verfallen ſein zehen pfunt
	⇭	als dick es geprochen wirt. Jſt es ab er auff dem land ſo nymt ein zwing herr auch die puͦß on genad. ¶ Von zwing vnd penn nach keyſerlichem rechten. NVn ſol man mercken zwing vnd aller penne rechte nach keyſerlicher ordnung. Es iſt zuͦ wiſſen das die hohen fürſten dye groſſe land habent noch vaſt keyſer= liche recht zuͦ irem teyl haltent. Aber grafen freien. ritter vnnd knecht dye auch zwing vnd penn hahen die eyg nent leüt vnd haben ſy ietz für eygen vnd ſteüren ſy. vnd nemen vngewon= lich ſteür von in über das dz ſy holtz vnd veld ſchwerlich verzinſent. Es iſt ein vngehoͤrte ſach das man es in der heyligen criſtenheyt offnen muͦß das groß vnrecht das fürgang hat das einer ſo gehertzet iſt vor got daz er gethar ſprechen czuͦ einem. du byſt mein eygen. Wann gedenckt man dz vnſer herr got ſo ſchwerlich mit ſei= nem tod vnd ſein wunden vnd mar ter durch vnſer willen willigklichen geliten vnd gehabt hat vmb das dz er vns freiet vnd von allen banden loͤſet. vnd hierinn niemant für erhebt iſt einer für den andern dann in ge= leichem ſtat. er ſey edel oder vnedel. reich oder arm. groß oder klein. wer getaufft iſt vnd gelaubt dye ſeind in criſto iheſu gelider gezelet. D[o]rumb wiß iederman wer der iſt der ſeinen mitcriſten eygen ſpricht. das der nit ein criſt iſt. vnd iſt criſto wider. vnd ſeind alle gebot gotes an jm verlorn Auch iſt es laider darzuͦ kommen das auch kloͤſter nement eygent leüte. dye nun woͤllent gotes ſein. vnd den ge= lauben solten bawen. die tretent alle ab von got. Jch ſag es lauter das ſy niemant mer enthalten ſol / wer ein criſten man woͤll ſein. iſt er edel ſteet er nit ab vnd geet da er gebuͤſſet wer de ſo ſol man in abnemen vnd gantz abthuͦn Jſt es aber ein kloſter vnd nit gantz abſteet ſo ſol man es gantz vnd gar zerſtoͤren. das iſt ein goͤtlich wer cke. Die kloͤſter ſolten den dienſte gotes warnemen. nun nement ſy war der welt vnd wel[t]licher ſachen. ſy mügen vor reichtumb nach der regel rechte nit leiden. ſy ligent wol. ſy ſeind tage vnd nacht recht als groß trincker vnd füller als weren ſy in der welt vnge= fuͦre. ſy habent was ſy woͤllent. ſy ſch ickent vnd thuͦnd was ſy woͤllent. ſy ſprechent nit allein der iſt vnſer eygen ſy machent witwen vnnd wayſen. wann die vetter abſterbent ſo erben ſy ir guͦt. vnd beraubent dye rechten gelider vnd machen waiſen. ſy heyſ= ſent in dannocht ſchweren für eygen. ſo ſy ſy berauben irer rechten arbeyt. ſy regierent als die herrn. man ſoll es nit lenger vertragen noch leiden an niemant. weder an weltlichen noch an geyſtlichen / Laſſen vnns vnſers frommen warnemen vnd vnſer groſ ſen freiheyt leben des freüet ſich alles das das zuͦ gott gehoͤret. Wann man aber ſoliches leidet vnnd nicht wen det das wol gewent moͤcht werden. ſo iſt kein mittel wir geen mit in in die
	⇭	helle. wann dye ſünd iſt groͤſſer dann ander ſünd. es heyſt wiſſentlich ge= ſündet. ¶ Jtem auff dem land ſeind guͦt ecker vnd wiſen als hoͤf die ſeind nun ſch= werlich mit zinſen überladen dye tzuͦ den guͤtern gehoͤren. Nun wunn vnd waid holtz vnd veld das ein ietlich= er bawman mit ſeinem vich gepauen mag daz wirt mit guͦt verzinſet. den nocht ſteürt man es. man verpannt in die hoͤltzer. man ſchetzt ſy. man ny= met inen tagwayd ab. do iſt niendert genad. man nympt in freuel ab. vnd gelebt man doch ir arbeyt. dann on ſy mag niemant beſteen. die thier in dem wald. dye vogel in den lüfften begeen ſich des paumans. ¶ Man ſol wiſſen das man weder holtz noch veld in keinen pan legen ſol. dye leüte verpannen es dann zuͦ irer notturft wann ſy verzinſen es als verr dann ir zins geent. Es werent dann hoch weld auff der ebnen. oder in den ge= pürgen daz gehoͤrt in etlichen zwing vnd an die hohen gericht. das iſt dar umb d[a]s ein ietlicher herr oder ſtatt dardurch guͦt ſicherheit thuͦn ſol. vnd gelaiten. dz niemant kein layd geſche he. darumb mügent ſy nieſſen hoch weld vnd wildpan. Aber nun ſchla gent ſy gelait darauff vnnd auff die ſtraſſen vnd nement was in werden mag. Man ſol es abthuͦn es iſt wider got vnd alles recht. ¶ Jtem man verpannt auch die waſ s#ser die iren gang muͦsent haben die al len lendern dienent vnd es niemant wenden mag noch kan als es got ge ordnet hat. die ſoͤllen nun frei ſein vnd ſteen. nemlich die ſchifreich ſind. dann allein von prucken wegen das ſol be= leiben in der ordnung der zoͤll daruon vormals geſ[ag]t iſt. wa aber kein pru cke iſt über waſſer do ſol man keinen zol nemen noch geben. Wa aber sunſt kleine waſſer ſeind die ſoͤllent auch frei ſein in aller welt. Es iſt laider darzuͦ koͤmen moͤchte man das gantz erdt= reich zwingen vnd die waſſer. man zwung es. Nun ſehen wir wol wye es got geordnet hat das haltet man nit vnd ſein darwider Es ſoͤllen ſch ier dye vnuernünnftigen thiere über vns ſchreien vnd rieffen frummen ge= trewen criſten. Nach aller warnung die hieuor ſteet laſſent eüch zehertzen geen das groß vnrecht. wereu es iſt an der zeit. ee das es got ſchwerlich en reche. ¶ Von dem ritterlichen ſtand. MAn ſol auch mercken vmb ritterlichen ſtande. es ſeien geyſtlich ritter oder weltlich Man ſol wiſſen wie des erſten rit= terſchafft aufgeſtanden iſt. Der erſt keyſer der ie was der was Mimus. der Trier pawet vnd sollotern. Als er keyſer ward. das was wol ſiben? hundert iar vor criſti gepurt. Als der nun mit ſeiner kraft das keyſerthum nicht regieren noch behuͦten mocht. do macht er an allen ſteten ritter vnd hieß vnnd gebott vnnd ſchafet das man vor einem iegklichen ritter ein= en ſtab tragen ſolt zuͦ einem czaichen
	⇭	was er gebeüt in des keyſers namen das auch krafft haben ſoͤlte. des ſchwuͦren auch alle ritter do ſy ritter gemacht wurden vnd ſolten leib vnd leben darumb ſtrecken. Alſo beſtuͦnd nun der keyſer wol. vnd regieret erli= chen vnd loblich. daz bestuͦnd nun al ſo lang biß a[u]ff di zeit das conſtan tinus der groß keyſer warde. der do auſſetzig ward. den der babſt Silue ſter reiniget vnd ſchoͤn machet in der tauff. do er da dem babſt zuͦ fuͤſſen viel vnd von hand alles erdtreichs gab in ſant ſilueſters hand. Do aber in der babſt wider zuͦ keyſer machet. vnnd empfienge den keyſerlichen gewalte von dem babſt in lehens weiß vnnd als ein ſtathalter vnd beſchirmer des heyligen criſtenlichen gelaubens. vnd nam in ſein hannd das weltlich ſch= wert. Do ward von inen alle ordnung vnd weltliche recht geſetzt vnnd ge= machet. do wurden die heyligen reich ſtet geordnet vnd gefreiet. darumb ſteent ſy geſchriben heylig. wann inen ward empfolhen alle recht vnd goͤt liche ſeligkeyt. vnd ward die criſten= heyt durch ſy geſterckt. vnd wurdent in geyſtliche vnd weltliche recht em pfolhen als dem keyſer das reich. als ſy noch heüt bei tag dem heylgen rei che verbunden ſeind bei eyden vnnd eren zethuͦn. Do wurden dye riter erſt recht geſetzt vnd gemacht. vnd ſahen an daz die vodern keyſer die ritterſch afft nit mochten gewaltigklichen re gieren. vnd erkannten das die ritter ſchafft vaſt nütz was. da wurden ſy gewirdiget vnd baß erhoͤhet dann vor wann vor truͦg man in ein ſtab vor. da warde aber geordnet das ſy ſolten gold tragen. auffrecht empor. zuͦ einem zaichen das ſy ſchirmen. vnd gepieten soͤllen das zuͦ der hoͤhe der hy mel gehoͤret. vnd darbey alles das dz vnrecht funden wirt das wider die heyligen kirchen iſt. oder wider das heylig reich. vnd darczuͦ beſchirmen alle recht biß an iren tode an reiche[n]. vnd armen. an eitwen vnd waiſen. Vnd wann ein ritter ſein ritterliche ere erhielte ſo künd man in nicht wol volpreiſee. noch volloben. Nun haben ſy ſer abgelaſſen vnd thuͦnd gar plint= lich zuͦ der groſſen beuelhnus alles re chten an geyſtlichem vnd weltlichem ſtat. Nun ſoͤllen ſy doch erkennen wye ſy vereint ſeind worden mit den reich ſteten bei bera[u]bung aller irer freiheit das ſy wachen wann es not thuͦt. Das geyſtlich recht iſt ſchwach. daz keyſerthum vnnd alles das jm zuͦge hoͤrt ſteet zuͦ vnrecht. man muͦß es mit krafft durchprechen. das auch ſein muͤß. woͤllen die groſſen ſchlaffen ſo muͤſſen die kleinen wachen. daz es ye geen muͦß. Als ir nun gehoͤret habt der weltlichen rittenschafft orden. ſo ſoͤl len ir nun wiſſen von den geyſtlichen rittern. ¶ Es ſeind alle prieſter geyſtlich rit ter. Als alle recht den weltlichen rit= tern zuͦ beſchirmen empfolhen ſeind an leib vnd an guͦt. alſo ſeind in die ſelben empfolhen durch die ſy ir ſel ſtercken vnd tag vnd nacht durch der ſel heyl wachen vnd verhuͦten. Als criſtus der
	⇭	auch prieſter iſt geweſen durch ſein ſchfelin geſtorben iſt. darumb zuͦ einem tzaichen ſo ſol ein prieſter drey farben tragen zuͦ bekennen demuͤtigkeyt vnd rechte bloͤdigkeyt diſer zeit vnd toͤdt= lich leben. Er mag auch weiß anlegen zuͦ einer bekantnuß eines rechten lau tern leben. A[u]ch mag er gra tragen. zuͦ bekennen ein heimlich gedruckt le ben. Auch blaw in rechter emſſiger. vnd ſteter hoffnung zeleben on alles ablaſſen eines ſeligen lebens. ¶ Von der artzet ordnung. ITem man ſol auch wiſſen von der artzet ſtande dye halb weltlich vnnd halb geyſtlich ſeind. Als rechte doctores in der kunſt viſica Der ſtat ſol alſo ſein. Ein selartzer dz ſeind prie ſter mit der heiligen geſchrifft die die verwunten ſelen artzneien vnnd ge= ſund mache[n] von den ſünden. dz ſol aber der meyſter mit ſeiner kunſt tuͦn leiblich. Er ſol erkennen den leiplichen gepreſten in drei weg. Das iſt der ſtuͦl des lebens an dem alle gelider krafft empfahent. Er ſol erkennen dye camen des hauptes bei dem hirn. Er ſol auch erkennen die begird der leber. wann in den ligent verſchloſſen alle gepre= ſten die ſol er heylen alſo iſt er weltlich Aber wann er geyſtlich iſt ſo lert er in den heüſern vnd auff der ſtraß dz ſol er thuͦn als in ſeiner ordnung ſteet. got zuͦ bekennen vnnd recht zethuͦn. als der prieſter in der kirchen. das es war ſey das ſol er mercken bey ſeinem klayd. es ſol lang ſein biß auff dye er= den ordenlich als prieſter klayder. das bezaichnet geyſtlichen ſtat. es ſol auch lang weit ermel haben gefuͦtert mit einer andern farb bezaichnet weltli= chen ſtat. ¶ Ein iede reichſtat ſol ein en artzet haben. ITem es ſol auch gewonli= chen in ieder reichſtatt ein meyſter ein artzet ſein. der ſol haben hundert guldin geltz die mag er nieſſen von einer kir= chen. das ward geordnet in concilio lugdinenſi. alſo daz dannocht die kir che keinen gebreſten hab. vnnd beſtee in der ordnung als vorſteet. vnd ſol mengklich artzneien vmb sunſt reich vnd arm. vnd ſol ſein pfrend verdie= nen ernſtlich vnd getreülichen. wol was man koſtlich ding auß der ap= peuceck haben muͦſte ſol man bezalen. aber von den armen ſol man nichtz nemen. darumb das er ſein pfreünd newſt. wann goͤtlich iſt gotzgaben mit den armen teylen. Aber dye ho= hen meyſter in viſica das iſt in der ertz nei die ſchlahen nun den geütz hoflich betrogenlich. ſy dienen niemant vmb ſunſt. darumb faren ſy in die hell. Et lich werbent nit deſter minder vmb pfrenden. vnd nieſſent die vnuerdie= net. Beſehe man das man keinem ar tzet mer pfrenden laß nieſſen. ſy ſch= weren dann lauter dye ordnung tzuͦ halten dye vormals in den concilien geordnet ſeind. ¶ Von dem gericht vnd rechtſprechen vmb eygen vnd vmb erb.
	⇭	MAn ſol auch wiſſen von der gericht wegen. vnd das recht zeſprechen vmb erb vnd eygen. vnd vmb das pluͦt Des erſten. ein richter es ſei en fürsten herrn. in ſteten lendern. ſol ſein ein vnu[e]rleümpter man. das er nit ſei ein wuͦchrer. ein fürkauffer vnd ein eeprecher. Wer der aber verleümt der iſt nit wirdig den ſtab am rechten zuͦ fuͤren. wer aber daz einer in einem ſolichen richten wurde. was vnder ſeinem ſtab gerichtet wurd. daz wer krafftloß. vnnd man mag das recht abſchlahen. es wer vmb eygen. vmb erb oder aber über das pluͦt. Des ge= leichen vrteyl ſprecher. fürſprechen all gemeinklich soͤllen vnuerleümet ſein. Man ſol an allen gerichten gar eygen lich verhuͦten bei beraubung des ge= richtes freiheyt. wa es fürkeme von einem dem das gericht gerichtet het das jm mißhellig wer vnd beweiſen moͤcht. ſo ſol das gericht ſein freiheyt verlorn haben. vnd mag der ſein ſach ziehen an ein ander gerichte. do man auch richten ſoll. vnd antwurten bey pen der ſach. ¶ Jtem man ſol an allen hauptge= richten da man über das pluͦt richten mag. haben ein keyserlich rechtbuͦch das man recht richt nach recht vnd niemant vnrecht beſchehe. das ſol be ſchehen mit dem zug. wann bedeücht iemant das jm mit der vrteyl zekurtz beſchehe das ſol man cziehen für ein keyſerlich buͦch. ſo mag niemant vn= recht beſchehen. vnd wirdt auch des gerichtes entladen. ¶ Jtem man ſol alle iar daz gericht von newem beſetzen in der maße als vor ſteet. ¶ Jtem die weltlichen gericht ſoͤllen anders nichtz rich[t]ten dann das inn des keyſers freiheyt geho-rt. kein geyſt lich ſach die in bebſtliche recht gehoͤ= ren. Wann yetweders ſein ſundere freiheyt vnd recht hatt die der keyſer von beuelhnus wegen eins babſtes beſchirmen ſol mit dem ſchwert. wa das geyſtlich zekranck were. ¶ Jtem hat ein geyſtlich man einen weltlichen anzeſprechen vmb ein ey= gen oder vmb erb. ſo ſol der geyſtlich jm ſein recht laſſen entſcheyden gegen dem weltlichen vor einem rat. es ſey recht oder mit freündschafft. darumb das der geyſtlich nit muͤſſe ſteen vor dem weltlichen ſtab. Des geleichen hat ein weltlich man einen geyſtlich en anzeſprechen ſo ſoll es entſcheyden werden vor den geyſtlichen richtern alſo das der wetlich mit dem rech= ten oder mit der freündschafft ver= richt werd on klag. Were aber ſach. das in dem rechten ietwederem teyl zekurtz beſc[h]ehe des in gedeüchte. ſo mag man die ſach ziehen für ein geiſt lichen meyſter / vnd einen weltlichen weiſen die darzuͦ benant werden die vrteyl zuͦ entscheyden ¶ Man ſol niemant pannen vmb kein geltſchuld. ¶ Jtem man ſol niemandt vmb kein geltſchuld pannen vmb kein guͦt. noch die kirchen verſchlahen. es iſt ſchedlich.
	⇭	das man gottes dienſt hindert von einer oder zwaier perſon. vmb kirch en berauben als ſacrilegium in ſeinen geſtalten vnd auch offen wuͦcherer. vnd eeprecher vnd gotzſchmeher vnd leſterer die all ſol man pannen. vnnd auß aller gemeinſamkeyt ſchlahen daz ſol das geyſtlich gericht billichen thuͦn. vnnd ſol das weltlich darzuͦ helffen. wa man aber ſolich beſchirmen wolt ſo mag man wol kirchen verſchlahen vnd gotes dienſt niderlegen. wann man ſo ſchwerlich wider got thuͦt. ¶ Jtem man ſol vmb ſoliches übel als vor ſteet des erſten manen in acht tagen von der ſünd zelaſſen. darnach zuͦ dem andern mal bannen. czuͦ dem dritten mal des geleichen. zuͦ dem vier den mal die kirchen verſchlahen. alſo ſol man es halten ſo wirdt die ſünde vndergedruckt. ¶ Jtem ein biſchoff mag ſein pfaff heyt laden vnd pannen vmb ir vnre chte ob ſy übertretent. aber nitt vmb geltſchuld. als ſy dick vnnd vil ſteüre auff ſy legen vnd gebietent in das ſy in ſteür geben. vnnd pannen ſy vmb ſach do ſy nichtz vmb gebunden ſind dauon offt vil übels auf erſteet mitt groſſem vnrecht. Die biſchof bedirf fent keiner ſteür mer zuͦ nemen. ſy be= dürffen nit mer kriegen mitt keinem die lehen von ihn gehabt haben. vnd in verpunden waren. dye ſoͤllen nun dem reich mit irem lehen gehorſame ſein. biſchoff ſoͤllen got dienen. ¶ Von inſigeln. NVn ſol man mercken von den inſigeln. Man ſol wiſſen dz es war iſt. das in geyſtlichen vnnd weltlichem ſtand alle ding be feſtnet vnd beſtetiget ſeind mit dem inſigel. vnnd es bezaichnet auch alle warheyt / wann was verbriefft vnd verſigelt wirt das ſol war ſein. Ab= er man ſicht vyl vnnd dick das man groͤßlich wider verſigelt brieff redt. vnd thuͦt. Es iſt aber von angende nicht also angeſehen. ſy ſoͤllen ſtet vnd feſt ſein. brieff vnd inſigel ſeind bei ey den erkennt. darumb ſy auch beſteen ſoͤllen. ſy ſeind beyde die lauter war= heyt der ſachen vnd nemlich das in= ſigel. Vmb die warheit nympt man nun gelt an czehencken das iſt offner wuͦcher. dann man ſol kein warheyt verkauffen. wann ein ſach gericht vnd geſchlicht wirt ſo ſol es mit dem in= ſigel beſtetiget werden. Die biſchoff verkauffen vnd verſetzen ietz ir inſigel vnd ſchlecht man auff die inſi[g]el alle zeit mer vnnd ye mer. vnd geet recht vmb die inſigel als vmb die zoͤll. wer es beſeckelt iſt rechter wuͦcher. Dar= umb ir biſchoff reichſtet vnd herren. wie ſy genannt ſeien. beſehent das ir kein gelt von inſigeln nement bei be= raubung des inſigels freiheit. Nemen vmb rechte warheyt der hat gefeſtnet den rechten gelauben mitt der geſchriffte ſeiner manigfaltigen wunden. vnd verſigelt mit ſeinem menſchlichen tod al les vmb ſunſt. alſo wir ſtifften vnd pauen ſoͤllen die warheyt auch vmb ſunſt.
	⇭	¶ Jtem es iſt auch eins ietlichen will inſigel haben vnd vermainen auch gar große ere dardurch czuͦerlangen Es iſt nit zimlich die menge der inſi gel hat ſy vnglaubig gemacht in des ba[b]ſtes hof v[n]d in der hohen fürſten hoͤf die keren ſich nun ny[m]mer an die inſigel. ſunder was auch ietz treffen licher ſach i-st dye werdent nun alle verinſtrumentet. ¶ Nun ſeind dye keyſerlichen ſchreiber auch nicht alſo gantz gerechte als ſy ſchwerent das empfindet wol an den inſtrumenten. die von den kloͤſtern gen hof geſchickt werdent. do ſy die kirchen incorporie rent. do ſchreiben ſy in dye inſtrument ir klag vnnd iren gepreſten. das eitel lugen ſeind. vnd gelaubt man den in ſtrumenten. vnd damit ſo haben die kloͤſter ein fürgang gehabt / vnnd iſt got vnd dye welt betrogen worden manig iar. Es ſol ob got will enden got ſol vnd mag ſein nit mer vertra gen. Man ſol notari vnd ſy lauter ab nemen vmb das groß übel dz durch ſy ergangen iſt. Man ſol das wiſſen das man das lauter vnnd gantz ab= thuͦn ſol. das kloͤſter mit keinem inſi= gel mer verſiglen ſoͤllen. dann was irem orden oder des ordens perſone anruͦret. vnd anders nichtz. kein welt= lich ſach ſoͤllen ſy nit verſiglen. noch kein geyſtlich perſon. Es ſol ſich sich er in all weg lauter ſcheyden dz geyſt lich vnd das weltlich. als es was von angende von vnſern vordern geord net vnd die recht noch heüt bey tage weiſent. Ein reichſtat ſol zwai inſigel haben ITem es ſol in dem weltlichen ſtat ein ietlich reichſtat zway inſigel haben. das ein ſol be= ſunder das reich angehoͤrn vnd das heyſt ſigillum ſecretum. darumb dz man das mit verſiglet daz heimlich dem reich czuͦgehoͤret zethuͦn. Als ein reichſtat der andern vers#schreiben wurd vmb des reichs ſachen. Das ander in ſigel ſol der ſtatt zaichen haben vnd damit ſol man der ſtat ſachen verſig= len vnd des reichs ſachen. ¶ Ein polliten. ¶ Jtem man ſol auch in allen reich ſteten ein klein petſchafft haben. das ſol lige[n] hinder einem getrewen mit ten in einer ſtatt. da man es allwegen vinden mag. das ſol politen geben al? len fremden leüten. ſy reite[n] oder geen es ſeien frawen oder man. niemant außgenomen die ſol man fragen von wannen ſy kommen. wa ſy hin woͤllen. vnd ſoͤllen zaigen die politen die in ge= ben wirt in der nechſten ſtat. Die po lit nympt man in ab vnnd gibt inen dann ein andere zuͦ der ſtat da er hin will. mitt der ſtatt geſchrifft iren na= men. Man kan kein nützer ſach vin= den dem land vnd den ſteten Wann vil vnrechtes wirt kundt dard[u]rch Maniger empfuͤrt einen ſein guͦtt. oder einem ſein weib. oder eygne boͤſe bot ſchafft das dick vnd vil geſchicht. es verhuͤt diebſtal vnd alle argkeyt. daz thuͦt das er ein zaichen bringet von ſeinem außgang vnd zaichen bringen muͦß von ſeinem widergang.
	⇭	¶ Ein ſtatſchreiber ſol publicus notarius ſein. ¶ Jtem man ſol auch in allen reich ſteten ein ſtatſchreiber haben der publi cus notarius ſey. wa es notturfftig wurd inſtrument czemachen das er ym achte das man keinen andern ſuͦ chte oder ſuͦchen muͤſte. wann in iſt hoͤher zetrawen dann den anderen. wann wa vyl iſt da iſt auch vyl be= ſchedigung geſchehen. man hat ir ge nuͦg an einem in einer ſtat. ¶ Kein prieſter ſol notarius ſein. ¶ Jtem es ſol kein prieſter weder ſtat ſchreiber noch notarius ſein es gehoͤ ret lauter iren ſtand nit zuͦ als yr doch vil iſt in ſteten. ¶ Es ſoͤllen ſein vier vicari des reiches. NVn iſt auch zuͦ gedencken die aller nützlicheſt ordnung vmb frid vnd rechte gemeinſame. zuͦhaben wider herrn vnd ſteten vnd auff dem lande. wyr ſehen wol das vmb liederlich ſach dyck groſſe krieg auffſtaent vnd land vnnd ſtet ver= wuͤſt werden ſchwerlichen wie man das weißlich verhuͤte. ¶ Man ſoll ordnen das ſeien vier vicari des rei= ches do ein ietlicher des reichs gwalt haben ſol. vnnd ein baner von dem heyligen reich inn hab. Die ſoͤllen ſitz en in den vier teylen der criſtenheyte Als ein fürſt von oͤſterreich in einem teyl. Ein here von mayland in dem andern teyl. Ein herr von ſophoy in dem dritten teyle. Ein herr von bur= gundi in dem vierden teyl. Was ſtoͤß oder mißhellung von herrn oder ſtetten yendert aufferſtuͤnden das ſol für ſy gebracht werden. die dem aller nech ſten der vieren geſeſſen ſeind. ym dye ſach fürlegen vnd nach klage red vnd widerred die entſcheiden vnnd über tragen mit recht oder freündschafft in der guͦtigkeyt. were auch das dye ſach mit der guͦtigkeyt oder mit dem rechten nit ein fürgang haben moͤcht welcher teyl dauon tret vnd auff fre uel ſteen vermeinte vnd ſich des recht= tens überſehen wolt. So ſol der mit keyſerlichem gewalt ſtetten vnd herren ſchreiben vnd gebieten über den tzuͦ richten vnd in zuͦ ſchedigen vnd vn= derzedrucken. vnd alle die jm des hel fent. Were auch iemant der dem an= dern abſagte als yetz gar gewonlich iſt. vnnd die recht außſchlieg der ſoll menigklich erlaubt ſein. ſein leib vnd ſein guͦt. vnd ſol in niemant beſchir= men. Hat einer vil hilff oder land zuͦ kriegen do ſoͤllen alle helffer in gelei= cher erlaubung ſteen. leibs vnd guͦt= tes. wa auch fürſten. herrn. rieter vnd knecht vnd guͦtigkeyt außſchliegent. vnd nach irem haubt leben woͤlten die ſol man vahen vnd mit irem wi derteyl richten. wolten ſy aber muͦt= willen wer in do beiſtendig were zuͦ vnfrid vnd ob ſy halt in iren zwing en begriffen weren vnd ſeſſen die ſoͤl len den reichſteten beuolhen ſein. were auch ſache das iemant dem anderen ein hauß verprante das ſol auch den reichſteten beuolhen ſein. das lannd oder die zwing zuͦ gewinnen. vnnd dem reich ſchweren vnd dienen. ¶ Das man frid mache.
	⇭	ITem ein rei[ch]ſtat hat dye an dern zuͦ manen bei aller yr frei heyt beraubung ob ſy der er= manung nit genuͦg wern. Jr fürſten ir herrn wie iegklicher in seiner ſtat ſei ich erman eüch bey des reichs hulden des geleichen alle ſtet niemandt auß genommen bei der heiligen criſtenlichen ermanung. dz ir verhuͦtent alle krieg zuͦ wenden. frid zuͦ haben. Wer die er manung überſicht der ſol kein getre wer criſt geheiſſen ſein. noch ſol ſein ſtamm kein freiheyt noch lehen von dem reich nymmer gewinnen. Er ſol ſteen vnd den criſten als ein heyden vnd falſcher criſt. ¶ Wie man das fürkauffen fürkom= men ſol. MAn ſol auch wiſſen daz not türfftig iſt der gemeinen cri ſtenheyt zuͦ verſorgen vmb alles verkauffen. es ſey wein. flayſch ſchmaltz. allerley was man nieſſen ſol in einem land. geratet das dann in denn andern do vindet man ma= nigen der darauff ſicht vnd fürkaufft vnd ſo es jm fuͦgklich iſt ſo ſchlechte er vngewoͤnlichen gewin darauf vnd dringet arm leüt das nun dick vnnd vil nichtz wachſſet. es kommen hagel. vngewitter. waſſergüſſen. was dye element in irem gewalt habent. dye element rechent durch vnnſer ſünde gottes gerechtigkeyt. das die überſe= hen werdent. yetz an der fruchte be= raubung. yetz an hagel. yetz an wind dann ſo dye frucht warm ſolt haben ſo hat ſy kalt. dz gebeut nun dye vier element zuͦ einem rechten gericht vnd ſtraffung. wann nun ſolichs kommpt ſo er[ſ]chrecken wir vnnd haiſſen dye glocken leüten. Es iſt guͦt zuͦ einer er mannung. ermanten wir vnnſer ver nunfft vnd bekanten dye ſchwere der ſünd. vnd was ſchadens dauon kom= met. das wer das obereſt glid. ſicher vns dienten die element czuͦ allem heyl. ¶ Es ſpricht Auguſtinus. Sünde verunreinet das erdtreiche. Man nem ſein war. wa ein todſünder geet über ein frucht ſy nympt ab vnd mag die frucht nit natürlich werden. wann wir nun in fürkauffen vnsern nech= ſten ſchetzen vnd betriegen wiſſentli chen ſo prechen wir das gebo[r]t got= tes vnd iſt ein todſünde. ditz iſt nun alſo gemein worden das mengklich todſünd auff jm hat. das iſt nun tzuͦ= fürchten mit dem gewalt gotes wz vnß rechter frücht natürlich wach= ſen ſol iſt vnnatürlich. ¶ Jtem es iſt auch ein ander geri= chte was der menſch mit bo_eſem ver= kauffen. mit aufſetzen. mitt wuͦcher. mit rauben hatt. vnnd in ankommpt das mag nit natürlich verzert wer= den. Es muͦß einweders geſtolen werden. oder verprennen. oder an dem pedt in kranckheyt verzert werden. vnd ob es gleich verzert wirt zuͦ auff enthaltung der natur ſo muͦß es von jm prechen oder ſchwitzen. Diß alles zuͦ fürſehen ſo ſol man in einer ietlich en reichſtat von ietlichem handwerck. ein weiſen frummen man woͤlen / vnd die alle heyſſen ſchweren leiplich tzuͦ got vnd den heyligen nach der frücht iargang überſchlagen vmb korn vnd
	⇭	wein vnd vmb alle andre ding. das auch eſſig ſey. das der pauman vnd rebman beſteen mügen. Dem ſchnei der ſeinen lon ſetzen. des geleichen einem ietlichen handwerck. dem tagwerck er den ſumerlon von ſantioͤrgen tag biß auff vnſer frawen tag zuͦ herbſt. vnd dann auch den winterlon. Jtem auff den ſuntag vor aller heyligen tag die die diß ordnent. ſoͤllen zuͦſamen ſitz en vnd verordnen bey iren eyden nie= mant tzuͦ lieb noch zuͦ layde. Die ord= nung ſol auch beſteen daz iar biß auf den tag widerumb. ¶ Das man den pfund zol geben ſol ¶ Jtem man ſol von allen keüffen. den pfund zol geben. vnd billich nemen von iedem pfund zwen haller was man verkaufft. das ſol den zuͦ gehoͤ= ren. die zuͦ der statt nutz zuͤ ordnen er= welt werden von reitenden oder ge enden poten von der ſtatt oder land nutz geſchickt werden. darczuͦ ſol der pfund zol behalten ſein. vnnd des er warten. wann man ſein bedarff das man in habe. Diſen pfund zolle mag man bei der ſtat groſſen buͦß handha= ben dz ſol ſein zehen pfund gemeiner landßwerung. wer es übertret vnd verſchluͤg ¶ Das ein iede reichſtat mag bur= ger auffnemen. ALs auch iegkliche reichſtatt die freyheit hat burger auff zuͦnemen daz sol beſteen von recht. wann es iſt von angende ange= ſehen von des heyligen reichs wegen. das ſy das ſterckten von tag zuͦ tag. was wider das heylig reich wolte ſein darumb die burger recht an ſich memen ſoͤllen. ſy ſetzent ein gewiß vn= derpfand das do heyſſet ein vardel. in der ſtat es ſei ein hauß oder darauf gekaufft ein vardel. das ſteet geſchri= ben in einem vardelpuͦche. vnd vmn das burgrecht vnd der ſtat freiheyt ſol er geben drei pfund gemeiner mün tze Vnd das ſol behalten werden vnd an der ſtat nutz gekert werden. dann ſol er ſchweren mitt drei aufgereckten vingern vor an dem reich vnd der ſtat nutz zuͦ füdern mit ſeinem leib vnd guͦt wann auch ein vatter abgienge der ſün oder toͤchter hett vnd begerten yr burgrecht czuͦ ernewern das mügen ſy thuͦn mit einem pfund haller vnd auch ſchwern als vor ſteet. Diß hat beſtetiget keyſer Sigmund allen reich ſteten als ein merer des reichs der al le freiheyt gibt vnd nympt nach ge= ſtalt der ſachen. ¶ J[t]em wer an ſteten die vorbenant ſeind das irrete. oder hinderte vnnd burgrecht werte. der ſol in des reich= es vngenaden ſein. wann er zug ge= ren dem reich ab von dem er ſein frei heyt hat. Es ſey frei. graf. ritter oder edel wie ſy genant ſeind. Dye herren bedürffent nicht gedencken das in yr tzwing vnd penn mer helffen ſoͤllen kriegen. ſy haben bißher auff ein ſoli= ches gehalten vnd handig krieg auf getriben vmb ein vortantz. es ſol ob got will auß ſein. Dye kleinen ſoͤllent erhoͤcht werden vnnd die gewalti= gen genideret das criſtus ſelbs redt
	⇭	in dem ewangeli. vnd die propheten Des erſten ſpricht Matheus dz eins mals iheſus ein iüngling hieß marci alis ſtellet enmitten vnder die zwelff ten vnnd ſprach. Es ſei dann das ir werdent als der iunngling ſo mügent ir nitt kommen in das reich der hymel. Nun waren die zwelfpoten dye zwelf seül darauff die criſtenheyt geſetzt iſt dannocht gab er diß zuͦ einer figur. das ſy ſich nit übernemen in iremge walte vnd gedechten an dye kleinen woͤlten ſy gen hymel kommen. Nun ſeind vnſer prelaten cardinel biſchof vnd bebſt mit dem haupt blind wor= den. als da ſteet geſchriben. Dye boͤſe ſuͤnd hat ſy erplendt. Nun wirt es ge en als auguſtinus ſpricht. da er redt eins auß dem geyſt. als er vnnder dem feigenbaum ſaß. do vielent tropffen ab den feigenpletern auff in do spre= chent die lerer dz jm da dye gayſtlich weißheyt eingeben ward. wann er ward damitt criſten vnnd ließ ſich ambroſium tauffen da ſprach er. Es werden auff ſteen dye vngelerten vnd begreiffen die himel vnd wir gelerten geen in die hell. Diß heyſt wol ein er manung wann ſicher got der geyſt hat auß mir geredt. Nun ſpricht dar= auff ſant Pauls Nit laſſent den geyſt in vnß erleſchen / die propheceien ver ſchmehent nit. darumb ſeien wir die gemeinen wol ermanet. vnſer ver= nunfft vnd vnſer verſtentnus zuͦ guͦ ten wercken ſpringen. vnnd was die propheten geſprochen haben ſy nicht gethan dann der geyſt gotes hat in das geoffenbart vnnß in der welte darnach zerichten vnnd gottes ma= nung zuͦ volfuͤren. ¶ Jtem man ſol mercken was der prophet heſtras ſpricht. Es wirt auf steen ein kleiner geweichter als man zelen wirt vierzehenhundert iar. vnd darnach jm neün vnd dreiſſigesten. der wirt reichßnen von einem moͤre byß an das ander. ſein fuͦß wirt alle betruͤbtnus vnderdrucken alle newe die werdent leücht. dye ſchedlichen werden zerſtoͤrt vnd verbrennt. alles volck wirt sich frewen. gerechtigkeit hat loblichen ganck. Nun hat er nit recht geweiſſagt das ſpürt man. di ſe ſach iſt gantz überſchlagen von vn ſerm herrn dem keyſer. dz in den neün= ten iar diß außgeben ſolte. das iſt nun ges[c]hehen. wann etlich reichſtet ha= bent erworben in dem vordern iar. vmb diſe ordnung vnd mainent auch drzuͦ zethuͦn. ¶ Jtem man ſol auch wiſſen als er ſcht ein kleiner gweichter ſteet auf Es ſol niemant wundern. der erst kü nig was Melchiſedech vnd wz ein prieſter. vnnd mag kein keyſer ſein. er ſei dann prieſter. vnnder den iſt alles hayl auffgeſtanden der criſtenheyt. vnnd ſeind in india noch dye beſten criſten. Wer waiſt was got wircken will. Vnſer herr der kayſer muͦß das ewangelium leſen. das gehoͤrt ym zuͦ von ordnung der criſtenheyt. darumn iſt er prieſter vnd iſt deſter ſeliger vnd mer zeloben dann [ni]cht. ¶ Das wir aber weiſen ein andre prophecei dye ſteet geſchriben deutronomij. Jn den
	⇭	tagen iſt das wir behalten gotes ge bot das er vnß geboten hat vnd ha ben got lieb vnnd wandlen alle ſein weg vnd got vnd der gerechtigkeit beigeſtendig ſeien / ſo zerſtoͤrt got vor ewerm angeſicht alles volck vnd be ſitzent ſy die vil groͤſſer euch ſeind vnd ſtercker alles erdtreichs das trit ew= er fuͦß von dem berg libano vnd dem groſſen waſſer eufrates. bis an das moͤr gegen der ſunnen auffgang wer wirt ewer als niemant ſteet wider euch. got gibt euch vorchtſamlich in allem erdtreich das ir betredten ſeind. diß hat got ſelb geredt. Diſe prophe= cei hat iren gang vnd wirdt auch al ſo geen. wann got laſt die gerechten nymmer. es iſt der rechten trew vnd gerechtigkeyt herr vnd meyſter. Dar umb alle getrewen fürſten vnd herrn dye lehen nieſſen von dem heyligen reich ir haben euch in langer zeit nit geuͤbet noch dem heyligen reich ewr dienſt erzaigt. ir werde ritterſchafft. vnd ir erenreiche reichſtet. des ſelben geleichen ir all gemeinklich ſeind er= mant alles des ſo ir vor ermant ſind vnd bey beraubung aller lehenſchafft vnd aller freiheyt in einem monet friſt nach diſer verkündung vnd offenba rung. wa ir innen werdent das des reiches baner auffgeſteckt werd mit graf friderichs baner. ſo treten zuͦ vnd ſpar ſich niemandt. Wer endlich iſt dem wirt der lon jmmer mer von got vnnd der welt. Vil andere ordnung wirt man noch verhandlen die yetz nit nottürftig ſeind zuͦ erzelen die wer dent ein teyl den reichſteten empfol= hen. ein teyl in ein concili geſchlagen. Es iſt auch zewiſſen das vil anndre ordnung beschehent dye der vorge= nant friderich ſetzen wirdt. dye ſelig vnd goͤtlich ſeind. beyde in geyſtlichem vnd weltlichem ſtand. ¶ Wie es auffgeſtanden ſey zuͦ dem erſten das gott will ein ſtand vnnd ordnung haben. NVn iſt zuͦ mercken wie es auf geſtanden ſei zuͦ dem aller er ſten das gotes mainung ſey zehaben ein andern ſtand vnd ein dye dem heyligen criſtenlichen ſtat zuͦ ge hoͤrt. Jn dem namen gotes des herrn iheſu criſti. Wir ſeien vnwirdig ge= nant ein diener gotes vnd des heyli= gen reichs ein merer. thuͦnd zewiſſen was vnß geoͤffnet iſt worden in dem geiſt. des wir ſer betruͤbt ſeien biß an vnſer end. das wir ſo ſer klein vor dem angeſicht gotes ſeien. alſo geſetzt wol für ein haupt wir ſoͤllen aber nit vol pringen die heylige ſelige ordnung als ir hoͤrn werden mit kurtzen worten Wir nemen es auff vnſer ſel. wir ſetzen es in dye warheyt. vnd ſprechen bey der marter criſti iheſu was wir hye offnen das iſt vnß fürkommen in dem iar als man czalt nach criſti gepurt. Tauſent vierhundert vnd jm driten iar. in vngern zuͦ preßburg. auff den auffart tag am morgen ſo der tagſtern herdringt kam ein ſtymm vnd ſprach Sigmund ſtee auff bekenn gott be= rait ein weg der goͤtlichen ordnung wann alles geſchriben recht hat ge prochen an gerechtegkeit. du magſt es wol volpringen. du byſt wol ein
	⇭	wegbereiter deß der nach dir kumen ſol der iſt ein prieſter dardurch got wil würcken. er wirt genannt Friderich von Lantnaw. er wirt deß reichs zei chen auffſetzen vnd wirt ſein zeichen füren vnd ein creütz enmitten. er wirt reichſnen vorchtſamigklich. es mag niemant wider yn ſein. er bringt die ordnung gotes zuͦ krafft. ym werden herrn vnd ſtet gehorſam vnd wirt das vnrecht gekeſtiget. Got hat yn ver= suͦcht in mengem weg. mit menger= ley kumer. er iſt allweg gfunden wor den in gedultigkeit. ſein opffer iſt got genem. darumb yn got anſehen wil vnd die hertigkeit vnd den gebreſten des die welt fol iſt. Als wir nun das hoͤrten do wurden wir betruͤbt von hertzen vnd hinderkamen vns zeken nen wer wir wern. doch ward vns ein beka[n]tnuß das wir ein weg dar zuͦ bereiten ſolten. gwunnen wir ein groß a[]uffenthalt vnd ein leichterung von dem tag hyn als wir deß reichs knecht vnd diener wurden. ſtalten wir mit allen ſinnen dar nach das ein re chte ordnung wuͦrd. vnd wie ein ord= nung der pebſt würd. darnach ein con cili verordnen ſolt den ſtat der heiligen kirchen dartzuͦ wir arbeiten. vnd al= les vnser vermügen in ſiechtagen vnd gſuntheit koſt vnd willigklich vertruͦ gen vnd hetten vnd gedachten das con= cili zuͦ Koſtentz woͤlte ein ordnung. Darumb es auch zuͦ einem teil ange= ſetzt ward. aber die geiſtlichen heüb= ter ſind aller goͤtlichen ordnung vn= wirdig vnd widerſpenig. das iſt vil= leicht nun guͦt. nun kumbt nur deſter ee ein ordnung. got kan es sol ordnen Alſo do es zuͦ Koſtentz nit geſein mo cht do ward aber nichtz aus vnd von dannen hyn zuͦ der Hohenſyn do ward aber nichtz gereformirt. Allſo ward doch ſo vil an getragen das der pabſt vnd die cardinel ein geſchworn concili ordneten gen Baſel do nemlich die punckten geſetzt werden vnd aus= getragen bey hoher geiſtlicher pen vnd gelübte. Nun mocht es aber nit vol= endet werden on die kraffte die gott durch den eegenannten prieſter ge-se= zet het. do ſol aber kein mittel durch den boͤſen tod eingetragen werden. ſo ſtat es lauter zuͦ gantzen zorn gotes ſolich mittel. vnd einfellet gottes ver hengknuß vns zuͦuersuͦchen zuͦ den rech ten oder zuͦ den argen. Darumb wenn die zeit kumbt das ir vernembt ein ſo liche oͤffnung vnd verkündung ſo laſ= ſent eüch gefunden werden an dem rechten. Woͤlt got das wir den tag ſehen ſolten wir wolten vns auch laſ ſen vinden als ein getreüwen criſten vnd mit dem prieſter biß in den tod tre= ten. als auch all criſten billich ton soͤl len. ¶ Nun tuͦen wir aber zewiſſen. das wir mit hohen weiſen diſe vrkun de als ſy an ir ſelbs geſchehen iſt erleü tert haben vnd vinden darinn das war lich gottes meinung iſt. das wir nun von ſtuck zuͦ ſtuck erleütert haben zuͦ eim rechten bekennen bracht. deß er= ſten als wir ein bereitung vnd den weg ſuͦchen ſolten zuͦ einer rechten ordnung. do merckten wir das gott der heiligen kirchen die hohe eer tuͦt dardurch ein
	⇭	heilig concili iſt. nun recht betzeichnet die heylig kirchen als oben etc. Man merckt auch wol bey dem prieſter das durch prieſterliche wirdigkeit der ge laub geſterckt ſol werden. Wir haben auch den prieſter entlich gesuͦcht vnd haben yn auch gefunden. wir haben yn auch zuͦ Baſel gehabt vnd haben mer geton dann billich was. Wir ha ben yn gekleite vnd haben ym empfol= hen die heiligen ordnung der criſtenheit. ym ſol das reich vnd deß reichs ban dienen vnd vereint werden als er got vereint vnd haben wil. Es iſt kumen auff ertrich Jheſus Criſtus in elend vnd armuͦt. Er will vns villeicht du= rch die armen rechtfertigen. wir ſol= len got geben die ere. Amen. ¶ Von den wappen deß gewaltig en künigs. ITem es iſt auch zewiſſen vmb das wappen das er füren ſol. Vnd was der Adler an deß reichs baner bedeüt. vnd das creütz das do enmitten aufrecht gefürt sol werden. Des erſten deß reichs zeich en der Adler in einem gülden velde be= zeichent got den herrn der ſunnen klar ſchoͤn vnd der nacht nuͦ an den alle fru cht entſpringt. der Adler betzeichnet vns die groſſen adelſchafft die wir ſo gar von hymel darinn betzeichnet verkündung auff dem erttrich den= nocht als er ſchwartz iſt do vns Jo hannes ewangeliſt ſo eerlich in des adlers weiß ermant. Aber das gold in dem der adler gefigurirt iſt bedeüte vns die klaren goͤtlichen ſchoͤne vnd koſtberkeit der ſcheinenden ewigen klar heit vnd aller koſtberlicher lauterkeit. vnd wenn man das ſicht im velde ſo ſoll man erkenen die bleſenirung des hohen edlen zeiches. Das creütz das dann auch mit dem zeichen getragen wirt betzeichent die hohen marter Criſti. in der der menſch ſo eerlich er= lediget iſt von allen banden durch cri= ſti marter. wann wir ſo eerlich getau fet ſeyen zuͦ vnſerm rechten erb recht ergeben ſeien ewigen freüden das in dem angeſichte deß creütz yederman bedencken ſol. diß geit krafft vnd guͦten willen wider all vnſer veind. es ma cht krafftloß alle die die wider goͤt= liche ordnung ſtellent vnd rechtent mit frefelheit. Das drit zeichen das zuͦ der lingken ſeitten gefürt ſoll werden iſt blaw hymelfar. der groͤſſer teil enmit= ten geteilt mit eim güldin ſtrich mit zweyen loͤwenkoͤpffen vnden mit ei= nem. der helm mit einem gepruſten leo zum ſprung gericht aus einem roſenkrantz. die rot ſind die loͤwen hond fürin flam men greülich vnd zornigklich geſtal te. Alſo iſt es verkündet worden als vorſteet. ¶ Nun woͤllen wir haben ein leütterung. ſo merckent. Die hy= mel blow bedeüt vns lieb vnd mynn zuͦ der ſteten ewigkeit der hymel. der gül= din ſtrich enmitten bedeüt vns das koſtber edel weſen gots das mit vn ſer züuerſicht das zuͦbekennen ſtarck vnd krefftig machet. darumb vns der leo zuͦ hilff gegeben iſt der lat die feürn flammen ſchieſſen. das iſt der zorn des herten gericht gottes über all man eid criſten die do verprennt vnd zer ſtoͤrt wurden. als Criſtus Jeſus auch
	⇭	ward gekroͤnt mit einer doͤrnen kron in dem ſtreit ſeiner marter. Alſo vnder dem leo vinden wir ein kron von ro sen betzeichnet vns freüd die vns be= gegnet in diſer zeit. wann ſicher ſeyen wir treü got ſtercket vnſer leib vnd guͦt durch das groß heil wir zerſtoͤ= ren alles vnheile. vnd vinden in der künfftigen zeit ſeligkeit. vnd wirt vns got ein milter vater vnd bekummen wes wir begern an ſeel vnd an leib. ¶ Nomen Regis ITem. er ſoll heiſſen Friderich von Lautnow. das der Fride rich genannte iſt. iſt darumb das er alle land reichlich zuͦ frid ſetzt mit krefften zuͦ lande. Nun moͤcht man gedencken wie moͤchts zuͦ gan wann es ſey vnmüglich den gang zehaben Das mag man hoͤren. Gottes mar= ter iſt vns alſo troͤſtlich geweſen. vn ſer freyheit ist als groß.vnſer mynn vnd lieb die wir ſoͤllent zuͦſamen haben vnſer gkaub ſtat als in rechten punc ten. wenn wir das bedencken vnd recht für vns vaſſen ſo vinden wir nichtz das an allem rechten an vns vergeſ ſen ſey got hat vns ſelb gewirdet dem ewigen leben frey gemacht. Nun säse= hent das alle vnrecht reichſnen. wenn nun die gemein welt bekennen wirt vnſer freiheit ſo iſt den gewaltigen heübtern ir krafft genomen. wenn merckent wer wolt wider ſich ſelb ſein vnd lieber eigen ſein dann frey. Criſtus Jeſus hat aus veterlicher weißheit diſe freiheit wol der menſcheit zuͦ geſetzt der menſch iſt got alſo lieb das er du= rch ſeinen willen in den tot getreten iſt. er hat von keinerley miſſetat geliten dann lauter durch vnſern willen. wol= te aber der ſein der nit durch ſeinen wil= len auch leiden wolte. das ewig leben leit vor vns wer nun nit ermant wil ſein der heiſt billich nit ein criſt. der ſoll wiſſentlich wiſſen das ym die helle offen iſt. Darumb ir edlen freyen cri= ſten tont dartzuͦ als wir gern wolten kumen zuͦ ewiger ruͦ. ¶ Von der müntz vnd ir zuͦgehoͤrung. MAn ſol auch mercken die groſ ſen falſcheit aller müntzt. es iſt yederman wol zuwiſſen. das grob aufſetz vnd abſetz den mün= zen geſchicht. ein müntz wirt von gol de wol angeſetzt dick vnd vil vnd wirt bey dem eid erkennt alſo zuͦ beſton für wert als man dann verhandelt hat. das beſtat nit lang ſy wirt abgeſetzt vnd wird das gold geſmecht. do ſind eer vnd eid kranck worden. do ſtat au ch vil übels von auff. als ich eüch ſag wenn man ymmer innen wirt das ei ner müntz ein abſatz geſchicht. Nun vindet man ſubtil leüt die ſchlahent müntz die ſchwecher mit der form vnd geprehte in gleichen iſt dad durch ſy herrſchen vnd die leüt betrogen wer= den. ergreifft man ſy ſo prennet man ſy. die ſy [n]un verprennent hond ſteg vnd weg dartzuͦ geben vnd getone des erſten von deß boͤſen falſchen mer ſatz ung wegen. ſinds herrn oder ſtet. geiſt lich oder weltlich die ſolich abſetz tond die ſind nun all ſchuldig als die man darumb toͤtet. ſy hond auch vor got vnd auch in den rechten ir freiheit zuͦ= müntzen verlorn. Deß gleichen ſtat es
	⇭	auch vmb die kleinen müntz. darinn man auch groͤſlich überſchlechte ein pfand für ein güldin wenn das gol de an dem rechten ſtat ſo werent dreiſ ſig ſchilling kaum eins güldin wert Allſo den geitze hond nun die herren vnd die ſtet erſchmeckt vnd wend nit ablon. hat ein ſtat einen abſatz ſo ſpr icht die ander ſtat wir haben ir müntz geſchetzt vnd durchſuͦcht. ein ſolicher abſatz thuͦt vns als wol als yn. vnd alſo wirt die welt betrogen. es ſol ni mer geſchehen mit der hilff gottes. ¶ Das all freiheit der müntz ab ſind. ITem es ſollen all freiheit der müntz ab ſein. gen ſteten vnd herren. geiſtlichen vnd welt= lichen. Wer müntzen woͤlle der mag darumb werben. als auch her geſche= hen iſt. mit bullen vnd briefen. die wer dent lauten gold vnd ſilber ſol in welt lichen werd in aller criſtenheit an wel ſchem teütſchem wie die lender ſind genannt niemant auſgenomen. vnd ſol die müntz in allen ſteten an einem teil des reichs zeichen haben vnd am andern teil des herren oder der ſtatt zeichen. Das iſt darumb. ob yemant abtret oder abſatzte ſo fund man es dann an der ſtat oder herren zeichen wer auch dann gefunden würde mit einam abſatz an gold oder an ſilber. der ſoll ewiklich beraubt ſein der frei heit zemüntzen. vnd dartzuͦ einer ka= mer eines keiſers oder künigs hundert marck goldes on gnad in die kamer geben. Dartzuͦ sol man billich geden ken es iſt ein ſache die nottürfftig iſt zuͦuerſehen. den groſſen aufſatz der dar uon auffgeſtanden iſt. allſo zuͦfürku= men das vnrecht erſchreckt hat das man etlich kauffmanſchatz hat gelaſ ſen vnd nun fürt müntz von eim lan de zuͦm andern wenn ſy bekenent das groß vnrechte. an einer ſtatt gibt .xl. ſchilling vnd iſt dannocht ein muͦntz. es iſt boͤſer vnd vnrecht in der gemei= nen criſtenheit. man ſol zuͦ der müntz wol gedencken. wenn man ſchlecht wirt in andern ſachen. Von der terminirern der Antho nier geiſter der betel orden. MAn ſoll aber mercken. ein ge= meinen ſtat der die weltlich en vnd die geiſtlichen anrürt das iſt von den terminirern. das die oͤrden in bewerten ſtucken von der kir= chen hand das almuͦſen zenemen. es ſeyen anthonier oder geiſter die betel oͤrden wie das iſt das ſy vor auch et= was gerürt ſind. ſo ſol man doch bas ein leütterung haben. Es iſt eine ſeit auffgeſtanden. das man in die heili= gen gotzgaben die von der heyligen kirchen bewart ſind. vnd erlaubt ze= geben. ſamlent mit dem heiltumb. als ſant anthonien. vnd ander oͤrden. die aus kündent heiltumb zeichen. war= lich es mag ſeyn oder nit. do gond ley= en mit vmb. ſy verkünden den ablaſ ſy blaſinirent die bete. ſy ſitzent hoch. ſy ſchlahent den geitz nit in der mynn des heiligen ordens. doch fürentz ſis üppigklichen. Nun ſicht man es teg= lichen an yn. dennoch ſo geit man yn Aber man ſol kürtzlich wiſſen wo ein orden oder sant anthonien bet geoͤff net wirt von eim leyen vnd ſein zeichen
	⇭	zeigt. vnd den ablas verkündet. das man daruon nichts halten ſoll. vnd mag man auch den leien mit got vnd mit dem rechten dem kercker preſenti ren. zuͦ dem biſchoff. dartzuͦ ſoll man nichtzit geben der bet biß das ſy ord= enlichen nach dem rechten auſgeheb te vnd erfordert wirt. durch ein prie= ſter der gewalt hat. den ablas zuͦuer künden. vnd das heiltumb ze zeigen. daran man auch glauben haben ſol. Wer auch das ſich ein prieſter nit er berlichen hielte in dem almuͦſen zeſag meln. ſo mag man vorhaben vnd laſ ſen beleiben biß das almuͦſen goͤtlich vmbgetzogen werd. Man iſt in allen ſachen ſchier plindt worden. tuͦ man die augen auff vnd ſech man bekenn nun all lones der welt. ſo vindet man nichts rechtz es iſt alles v[n]recht vnd auch nichtzit guͦt. was yetz in der welt iſt. alles almuͦſen ſol demuͤtigklich en pfangen werden. treülich behalten werden. nützlich angelegt werden. gnadenreichlich verdient vnd troſt lich genoſſen werden. denn ſo mag es tauſentfeltige frucht bringen in dem ewigen leben. ITem als vor geleütert iſt von den beteloͤrden ſo ſy das almuͦ ſen vorderent auf dem termi niren die hond kein heiltumb zetra= gen. das moͤgent bruͤder ton die nit prieſter ſind. ſy ſoͤllent auch nit ver= künden. dann ein prieſter der pfarrer ſein ſol der ſol ſy voͤrdern das iſt goͤt lich. Aber ſant Anthonien ſant Va= lentein deß heiligen geiſts ſoͤllent vnd moͤgent wol prieſter ſein. alſo ſind ſy weltlich. wenn ordenleüt die ſoͤllent den orden halten als vor erleütert iſt vnd geiſtlich das almuͦſen enpfahen wenn das almuͦſen iſt heylig an ym ſelbs. es iſt gotzgab vnd deß heylig en der es vmb got verdient hat. wo aber das üpigklichen vertzeret wird. vnd got enterte vnd überſehen zuͦ ei ner ewigen verdamnuß etc.
	⇭	IN dem namen gottes Jheſu Criſti Amen. An dem auffart abent nach mettin zeit do ich lag an meinem gebet. vnd die wort die Dauid im pſalter gemacht hat ſpra ch. do gedacht ich in meinem hertzen an die kleglichen rach die do geſcheh en iſt enhalb des meers zuͦ Jheruſalem das ich dz gebet nit mocht volbrin= gen von ir eines wegen. vnd ſprach. Herr mein got biß nit zounig ewigk lich über das volk. ſunder erbarm dich über ſy. wann du ſy erloͤſt haſt mit dei nem bluͦt. vnd gib die eer deins namens nit dem vnglaubhafftigen volk das dei nen heiligen namen vneret. Do ich nun fürbas vaſt weinete. do erſchin mir ein herber herr im biſchoff gwand vnd het ein creütz in ſeiner hant. do ich yn erſach erſchrack ich gar ſeer. vnd was mir zuͦgleicher weiß als ob ich von ſi= nen kumen were. vnd mocht auch nit reden. Derſelbig man ſprach zuͦ mir. Voͤrcht dir nit. vnd wein fürbas ni= mer von des ſchlages wegen der do ge= ſchehen iſt von dem vnglaubigen volck wann das geſchehen iſt von ir ſünde wegen. vnd von dem gerechten gerich te gottes. ſunder hoͤr auff vnd merck vil boͤſer ding vnd truͤbſal die do künf tig werdent der criſtenheit. Die vn= gerechten vnd auch die heiden. von dem gericht gottes werdent wider= ſtreben vnd groſſe ding thon wider die criſtenheit. vnd die kirchen die en halb deß mer ſind die werdent ſy zer ſtoͤren. vnd die leichnam der criſten= menschen werden ſy verwerffen für die w[i]ldein thier. vnd aus den kirch- en werdent ſy frauwen heüſer mach en vnd ſtell deß viechs. vnd andre vn= wirdigkeit werden ſy treiben vor dem altar gottes zuͦ einer veruneerung. vnd vil criſtenmenſchen wer= dent yn übel voͤrchten vnd ſy fliehen ir werdent auch vil gefangen wann ſy yn nit widerſtreben moͤgent von irer ſünd wegen. die auff gegangen ſind für got. vnd beſunder die ſünde des wuͦchers vnd der geitzigkeit. die nun ſo groß ſind das ſy müglich die gantzen welt übergangen haben vnd von deſſelben wegen penniſch ſind worden offenlich mit dem bann. Auch ſind gar vil criſten die die gotzgaben boͤſlich beſitzente. vnd aller meiſte in welſchenlanden. wann do iſt vil fal ſcheit vnd ketzerey. vnd vil vnkeüſch vnd wuͦcherey. vnd darumb die vor genannten boͤſen dinge werdent ku= men gegen welſche lande wann vil truͤbſal vnd boͤſer ding wert ir leiden muͤſſen von dem gerechten gerichte gottes. wann Rom wirt mit krieg vmgeben. vnd daſſelbe wirt zuͦ geen durch etlich cardinel. wee dir Rom. wann du wirſt bald gedemuͤtiget von deinen veinden. vnd vnderweilen ſo wirt ein frid gemacht vnd doch kein ſteter frid nit iſt. vnd das reich des pebſtlichen ſtuͦls das wirt vil angſt groſſe not vnd auch gar vil truͤbſeld angen vnd zuͦſteen. vnd dem land zuͦ
	⇭	Franckreich wirt er vil eer vnd gwalts Hyſpani wirt betruͤbt. Vngern vnd Behem wirt zerſtoͤrt. vnd die lannd werden vil truͤbſal machen in der welt. vnd etlich teil teütscher lant werden be ſtriten von den vnglaubigen. vnd der kleinſt künig wirt kumen mit etlichen künigen die do nahent ſitzen dem ſelben land die ſelben künig werden durch= ziehen mit eim groſſen her vnd wer= den über niemant kein erbarmung ha ben. aber zuͦm letſten werden ſy vertri ben von eim fürſten mit hilff der fürſten aus teütſchenlanden vnd auch deß kü nigs von Franckreich. vnd gotes dien ſte wirt zerſtoͤrte vnd auch groſſer ge= preſt an prieſterſchafft. vnd vil leüt der criſtenmenſchen werden ſich koͤren von der gerechtigkeit. der roͤmiſchen kirchen vil geiſtlich menſchen werden abtrun ge[n] von boßheit wegen ir oberſten die als iſt das ſy die gantz welt übergan gen hat vnd ſelten wirt volgen dem ge bot ſeins biſchoffs. Vnd auch etlich cardinel werden gefangen. vnd etlich werden getoͤtte. vnd alſo von den wirt genomen all ir hoffart vnd eer. wann die iſt ſo groß das ſy ſich woͤllen nit alleine woͤllen got zuͦ geleichen ſy woͤllen ſel= ber ſein als die goͤtter. vnd woͤllen au= ch das man yn vndertenig ſey als got vnd woͤllen den menschen nit gleich sein. darumb werden ſy von got geſtoſſen in abgrunt der helle. Jn wirt auch ge= nomen all ir zier vnd eere. vnd werdent auch fürbas nimermer geheiſſen car dinel ſunder nur roͤmiſch prieſter vnd dyaken. vnd wirt geſchehen das man ſelten ein wirt vinden der gern woͤlt ſein ein pabſt oder ein cardinal. dar= umb wann ir name wirt gar ſchnoͤd vor allen leüten darumb das in yn iſt alle hoffart vnd kein demu_etigkeit auch= ch alle falſcheit vnd nindert kein war heit. wann was ſy mit dem munt reden das meinen ſy nit mit dem hertzen. vnd auch als groß iſt ir geitigkeit das ſy in keinerley weiß erfüllt moͤgen wer den. vnd alle gerechtigkeit iſt bey yn entwicht vnd volgent keiner wann ſy allweg lieber habent gelt vnd auch die die yn geben. vnd die armen biſtumb vnd ander gotz gab verkauffen ſy. vnd alſo von vnſers herren leiden vnd von ſeinem roſenfarben bluͦt das ſy nun al ſo verkauffent ire kinder vnd ander ir freünd machen ſy dar mit reich. vnd kleident auch ſich ſelb mit koſtlichem gewand. vnd auch teglich vnmeſſig klich hoffertigklich leben. wann von der zeit ein pabſts der was Nicola us genannt der drit deſſelben namens. kein prelat ſeid der ſelben zeit gweſen iſt on die ſünde die do heiſt ſymoney. vnd darumb das ſy nit volgent den wercken der heiligen zwelfpoten der ſtat ſy vertrettent das ſy nit woͤllent ſich demuͤtigen vnd arm ſein woͤllent vnd das ſy die vnglaubigen verkoͤren zuͦ dem gelauben. vnd das ſy ir leben auch nit geben vmb die liebe gottes. als dann ir vordern habent gethon. darumb ſo wirt gegeben eyſen für gold. vnd glas für edelgſtein vnd ſtecken für roß. vnd anders vil deß gleichen die künig werden ſich ſamlen wider sy.
	⇭	vnd werdent ſy berauben. vnd ir freüd wirt zerſtoͤrt vnd zerprochen vnd ir ge= dehtnuß wirt vergeſſen mit einander Vnd auch noch etlich prieſter wer= dent nit ſehen laſſen ir blatten. vnd auch ch in etlichen landen wirt das volck ſein wider die fürſten. vnd werdent auc= ch etlich erſchlagen. vnd alſo wirt truͤb ſal in aller diſer welte. Do ſprach ich mit groſſen vorchten. Lieber herr es will villeicht got den glauben laſſen vnder gan vnd zerſtoͤren. wann wie lei cht die vnglaubgen den pabſt vnd die prieſterſchafft alſo zerſtoͤrt ſo wer den ſy vaſt herrſchen vnd die gerechten werden vnder getruckt. Nach dem ant= wurt mir der biſchoff. Die vngerech= ten werden etlich zeit herrſchen über den pabſt. aber an dem ende werden ſy zerſtoͤrt von eim fürſten mit hillf der teütſchen fürſten. vnd von den franck en vnd von irem keiſer. vnd die roͤmiſch kirch wirt iderbracht vnd dann all ir auſrichter die werden ſchlecht vnd gerecht. vnd werden auch nymer nach folgen dem gelt. vnd all recht prelaten werden wider kumen zuͦ der vndertenig keit. vnd wirt dann auch verneüt die ei nigung der criſtenheit. vnd wirt dann auch ſelige zeit vntz das der ſun der ver= damnuß kumbt. vnd wirt alles ge= ſchehen wenn man zelt nach Criſti ge burt viertzehenhundert iar. vnd dar= nach in dem erſten iar ſo wirt es ſich an heben. Vnd do er mir das alles geſag te do verſchwand er vor mir. &apara; Hie endet ſich das buͦch der Re= formacion. ſo der aller durchleüchti= geſt fürſt vnd herr herr Sigmund Roͤmiſcher keiſer in dem nechſten con= cili zuͦ Coſtentz die criſtenlichen kirch en in beſetige ordnung zuͦbringen für genomen het. Gedru[c]kt durch Lucas Zeiſſenmair. in der keiſerlichen ſtatt Augſpurg. am mitwoch nach Sy= monis vnd Jude. Anno domini .M.cccc. xcvij.